ISAYA 1:9 - Embimbiliya - Bíblia Sagrada em Umbundu

⁹ Nda Yehova Ukualohoka ka tu sililepo okacisupe katitotito, nda tua linga nda Sodoma kuenda nda tua lisoka la Gomora.

ISAYA 1:9 Iomraidhean Croise

EFETIKILO 18:26

Yehova yu wa linga hati, Nda nda sanga vimbo vo Sodoma akui atãlo kolondingesunga, ngecela imbo liosi mekonda liavo.

EFETIKILO 18:32

Haico vali hati, Ku ka teme ño, a Ñala. Mopia vali onjanja yimosi, kua pua. Nda hẽ mu sangiwa ekui? Eye hati, Si nyõli vali ndaño muli ekui.

EFETIKILO 19:24

Yehova yu wa lowila vo Sodoma lovo Gomora ofuofuo londalu via tunda kilu ku Yehova;

I OLOSOMA 19:18

Haimo ndi lisupisilapo olohũlũkãi epanduvali viomanu kIsareli, vana vosi ka va kekamelele Baale kolongolo, haivo ka vo sipuile.

II OLOSOMA 19:4

Yehova Suku yove mbi wa yeva olondaka viosi via Ravesiake, una cime caye Soma ya Asuria a tuma oku fuanguila Suku Ukuamuenyo, kuenje mbi o yambuila olondaka vina Yehova Suku a yeva. Oco likutililako ocisupe ca sialapo.

ISAYA 1:8

Kuenje omõla a Siono ukãi wa siala ndosinge vocumbo cayuva, pamue ndocipundo vepia litende, pamue ndelavelo.

ISAYA 11:11

Keteke liaco Ñala imba vali eka liaye oku yovola ocisupe comanu vaye ava va supa ka Asuria lo ke Egito, kuenda ko Patirosi, lo ko Kusi, kuenda ke Elami, lo ko Sinare, kuenda ko Hamati, lo kovifuka viokalunga.

ISAYA 11:16

Kuenje ku kala elila li tunda ka Asuria, omu mu pita ocisupe comanu vaye, ndeci va Isareli va sanga elila eteke va tunda vofeka ye Egito.

ISAYA 17:6

Ku kala vimue via siwa, ndeci koku tuñunya oliveira, ku siala apako avali pamue atatu kolonavi viokilu; pamue kuti wepako ku siala apako akuãla pamue atãlo kolonavi viokilu. Oco ca popia Yehova Suku ya Isareli.

ISAYA 24:13

Momo voluali kuenda pokati komanu, ci kala ndeci ci kala kala eci va tuñunya uti woliveira, pamue ceci va nyañolõla ayuva eci va mala oku kela ovinyu.

ISAYA 24:6

Oco esiñalo lia lia oluali, kuenda ava va tungamo va pia; oco ava va tunga voluali va sekala, kuenje pa supa vañamiñami lika.

ISAYA 37:4

Mbi Yehova Suku yove wa yeva olondaka via Ravesiake una cime caye, Soma ya Asuria, a tuma oku fuanguila Suku yomuenyo, kuenda vali mbi Yehova Suku yove o yambuila olondaka viaco a yeva; oco likutililila ocisupe ca sialapo.

ISAYA 46:3

Njevelele, anjo ya Yakoba, kuenda ocisupe conjo ya Isareli, wa ambatiwi lame tunde kokucitiwa kuene, wa lingi ocitele cange tunde vimo lia nyõho,

ISAYA 6:13

Ndaño onepa yekuĩ yi sialamo layovo yi timihiwa vali. Yi timihiwa ndocisingi cuti wulemba pamue wocinendele cina ci siala eci uti u timbuiwa. Ombuto yi kola oyo ocisingi caco.

ISAYA 65:8

Ca popia Yehova ceci, hati, Ndeci poku vanja ocisiakata cayuva omanu va lavoka ovinyu, kuenje vati, Ku ka ci nyõle momo mu kuete eci ci sumũluĩsa,— haico ndinga ame mekonda liakuenje vange, okuti si nyõli ocitumbulukila cosi.

YEREMIYA 23:14

Puãi kovaprofeto va Yerusalãi oko nda muĩla cimue ca vĩha vali enene, cokuti, va pekelaisa, va kemba kemba, va linga onyima yolondingaĩvi okuti lomue o tinduka kevĩho liaye. Vosi yavo kokuange va lisoka la va Sodoma. Olonungi viosi via Yerusalãi via lisoka levi via Gomora.

YEREMIYA 42:2

Va popia laye vati, Tueya kokuove lepingilo lietu. Etu tucisupe ca sialapo tua pinga okuti o tu likutilila ku Yehova, Suku yove. Momo tua kaile va lua puãi tua siala vatito, ndeci ove o tu lete.

YEREMIYA 50:20

Koloneke viaco kuenda kotembo yaco vo Isareli va vanjiliya evĩho puãi ka va li sangi, kuenje vo Yuda va vanjiliya akandu puãi ka va a sangi. Momo ngecela akandu ava ndi va sia ndocisupe. Oco ca popia Yehova.

ASIÕSUILO 3:22

Ocisola ca Yehova ka ci kava kava, haico ka ci pui. Ohenda yaye ka yi kuete efulilo.

ASIÕSUILO 4:6

Eyambulo liomanu vange lia piãla, eli lia Sitomo li sule, imbo lina lia kupuiwa ocipikipiki, halovaka omanuko.

ESEKIELE 14:22

Haimo tala, nda mu supuluka vamue, nda omãla valume, pamue omãla vakãi, kuenje va puluka, veya kokuene, ene eci vu mõli olongenda viavo lovilinga viavo oco vu lembelekua kũvi waco nda nena ko Yerusalãi, kovina viosi nda nena kokualio.

ESEKIELE 6:8

Haimo siapo ocisupe. Eci pokati kolofeka pali vamue vene va puluka kosipata, leci vu sandokaila kolofeka,

YOELI 2:32

Kuenje vosi va tukula onduko ya Yehova va popeliwa. Momo vomunda Siono kuenda vo Yerusalãi mu kala ava va popeliwa, ndeci Yehova a popia. Pokati kava va popeliwa pa kala ava va kovongiwa la Yehova.

AMOSI 4:11

Nda kundula amue ovaimbo ene ndeci Suku a kundula Sodoma la Gomora. Kuenje ene wa soki locitonga ca popelua vondalu. Haimo ka wa tiukili kokuange. Oco ca popia Yehova.

HAVAKUKI 3:2

A Yehova, nda yeva oluhimo luove, lupange wove, a Yehova, ndu sumbila. U wamaisa pokati kanyamo. Pokati kanyamo u situlola. Vonyeño ivaluka oku linga ohenda.

SOFONIYA 2:9

Oco, ca popia Yehova Ukualohoka, Suku ya va Isareli, ceci, hati, Ndeci ñasi lomuenyo, Moavi yi soka la Sodoma, va Amoni va kala nda va Gomora. Olofeka viaco vi yuka ovisapa violunyi lovima viomongua, vi linga alunda ka a tungiwa vali. Ocisupe comanu vange ci va punda; ava va supapo komanu vange va va kuata.

MATEO 7:14

Puãi ombundi yoku iñila komuenyo ya sukatela, lonjila yaco ya tĩla, kuenje vañamiñami va yi sanga.

VA ROMA 9:27

Isaya layevo oco a tukuila Isareli lolukandi hati, A Isareli, ndaño omanu vove va soka ndeseke liokalunga, ocisupe cavo lika ci popeliwa.

VA ROMA 9:29

Ci kala ndeci Isaya a cimbila ale owanji, wokuti, Nda Ñala yolohoka ka tu sililepo ombuto, nda tua linga nda Sodoma, kuenda nda tua lisoka la Gomora.

ESINUMUĨLO 29:23

leci va mõla ndomo ofeka yosi ya linga ofeka yofuofuo lomongua, haiyo ya linga epile ka li kũlĩwa, ka mu tundi cimue, ndaño oku yunda owangu ka mu yundi, okuti enyolẽho liayo li soka lenyõleho lia Sodoma la Gomora, kuenda Adima la Cevoyi, ovaimbo ana Yehova a nyõla lonyeño yaye lokutema kuaye,

II PETULU 2:6

nda ovaimbo a Sitomo la Gomora, poku a lingisa etiko, wa a pisa, okuti wa a tukuila oku nyõleha pe kuenje wa a lekisa ku vakuakutomba Suku ndongangu,—

ESITULUILO 11:8

Ovivimbi viavio vi kala poluwa luimbo linene, olio va li tukula lespiritu vati, Sodomo kuenda Egito, haiko kua valelua Ñala yavo.