ISAYA 1:3 - Embimbiliya - Bíblia Sagrada em Umbundu

³ Ongombe ya kũlĩha cime cayo, kuenda ocimbulu ca kũlĩha osila yacime caco; Isareli puãi ka kuete ukulihiso, omanu vange ka va sokolola.

ISAYA 1:3 Iomraidhean Croise

OLOSAMO 94:8

Ene wa wului pokati komanu, sokololi. Ene waveke, eteke lipi wu kuata olondunge?

OLOSAPO 28:5

Olondingaĩvi ka vi y evi esunga, puãi ava va sanda sanda Yehova va li yeva.

OLOSAPO 6:6

Kuende kolunjinji acisiãi. Sokolola ovituwa vialuo hu lunguka.

ISAYA 27:11

Eci ovianja viaco vi kukuta kuenje vi teka, oco akãi va vi tiaña, kuenje va vi siakãla, Omo omanu vaco ka va kuete olondunge, oco u wa va lulika ka va kuatela ohenda, kuenje u wa va sovola ka vamẽla.

ISAYA 42:20

O lete ovina via lua puãi ka vi limbuka; ovatuĩ aye a situluka, puãi ka yevite.

ISAYA 44:18

Lacimue va kulĩha; ka va sokolola; ovaso avo a maniwa oco ka va lete, haico ovitima viavo oco ka va yevite.

ISAYA 5:12

Ohalupa lokacẽke kuenda ongualata lolumbendo, kuenda ovinyu vi kasi kolofesta viavo. Puãi ka va tendi upange wa Yehova, kuenda ovilinga viovaka aye ka va vi sokolola.

ISAYA 5:13

Oco omanu vange va enda umandekua omo va kamba ukũlĩhiso. Olombuale viavo vi lambuka, lowiñi wavo u fa lenyona.

ISAYA 56:11

Olombua vi kuete onjala yalua, ndaño vi lia haimo ka vi kuta. Ovangombo lavovo ka va kuete olondunge. Vosi va yapukila kolonjila viavo, u konganyu yaye, u konganyu yaye, lakulu lamãlẽhe,

YEREMIYA 10:14

Omunu wosi wa linga eveke, ka kuete olondunge. Wosi ukuakutela ulu o kutisiwila osõi oviteka a tunga momo oviteka viaye viesanda, vokati kavio ka mu li omuenyo.

YEREMIYA 10:8

Vosi yavo va wulua haivo ovitende. Okulongisa kuoviteka viavo kua kola nduti.

YEREMIYA 35:16

Omãla va Yonadava, omõla a Rekava, va pokola kocihandeleko ca va iha sekulu yavo, omanu ava puãi ka va pokuile kokuange.

YEREMIYA 4:22

Omanu vange itende, ka va ñulihile, haivo omãla ovitumbãfe ka va kuete olondunge. Poku linga cĩvi va lunguka, puãi oku linga ciwa ka va ci kũlihĩle.

YEREMIYA 50:6

Omanu vange va linga ndolomeme via nyẽlela. Ovangombo vavo va va lueyisa, va va tungayaisa kolomunda. Va ñuala ñuala ño, vava kolomunda, vava koviwulu, ocimanga cavo va ci ivala.

YEREMIYA 8:7

Ndaño ohumbihumbi kilu ya kũlĩha osãi yayo kuenda okacimbamba locikungumiapia kuenda onyañe lepanda, viosi via kũlĩha osaĩ yavio yoku tiuka, puãi omanu vange ka va kũlĩhĩle ondaka ya Yehova.

ESEKIELE 16:30

Utima wove hẽ u kasi ndati omo wa linga ovina evi viosi, haivio upange wukuokahonga wemande.

DANIELE 9:11

Ocili, Isareli yosi ya lueya kovihandeleko viove, loku pambukako, oco ka yi ka pokole kondaka yove. Oco esiñalo lia tu wila lesingo lina lia sonẽhĩwa vovihandeleko via Mose, ukuenje wa Suku, momo tuo lingila ekandu.

HOSEA 2:8

Puãi eye ka ci kũlĩhĩle okuti ame, ame ndo muĩsa muĩsa olomema lovinyu lulela, haime ndo luisila opalata lulu, vina va lumbaile ku Baale.

MATEO 13:19

Nda umue o yeva ondaka yusoma kuenje ka yi yevite, oco eliapu liya ha liu nyeha eci ca kũliwa vutima waye. Eci oco ca wayiwa kohulo yonjila.

VA ROMA 1:28

Kuenje, omo ka va tavele oku kũlĩha Suku, oco Suku wa va eca kutima wuveke, kuenda koku linga umbondo.

II PETULU 3:5

Ocipango cavo muẽle va ivalako okuti, londaka ya Suku, kosiahũlu ilu lia kala ale, kuenje ongongo ya ñualiwa lovava, haiyo ya tunda vokati kovava.