II SAMUELE 3:3 - Embimbiliya - Bíblia Sagrada em Umbundu

³ Wavali onduko yaye Cileba, nyoho yaye Avigaile, wa kala ukãi wa Nabala u Karimele. Watatu onduko yaye Avisalome, nyoho yaye Mahaka omõla a Talima, Soma ya Gesiuri.

II SAMUELE 3:3 Iomraidhean Croise

II SAMUELE 13:1

Avisalome, omõla a Daviti, wa kala la manjaye ukãi, onumbu. Onduko yaye Tamare. Ceya okuti Aminone, omõla a Daviti, wo sola.

II SAMUELE 14:23

Oco Yoava wa katuka, wa enda ku Gesiuri oku tiula Avisalome, wo nena ko Yerusalãi.

II SAMUELE 14:24

Soma hati, A likalele vonjo yaye muẽle. Ka keye kokuange. Oco Avisalome wa likalela vonjo yaye, ka mõlehele kovaso a Soma.

II SAMUELE 14:32

Avisalome wa kumbulula Yoava, hati, Nda tuma kokuove siti, Eye, ndu tume ku Soma a ko pule, hati, Nye Avisalome a tundila ko Gesiuri? Ca velapo nda wa kaile ño oko. Oco tava okuti ngenda ku Soma. Nda ñasi longole eye a njipaye.

II SAMUELE 15:7

Kovaso yalima akuãla Avisalome weya ku Soma hati, A Soma, ñasi loku enda ko Hevirone oku lemulula ocisila nda lisila la Suku.

II SAMUELE 15:8

Momo osimbu ame ndukuenje wove nda kala ko Gesiuri vo Arama oco nda lisilile ocisila siti, Nda Suku o niula ko Yerusalãi ame ndu vumba.

II SAMUELE 18:33

Kuenje Soma wa tokotelua lesumuo. Wa enda kohondo ya kala kilu liombundi kuenje wa lila ca lua. Wa enda loku liyula hati, Amõlange Avisalome! Amõlange we! Amolange Avisalome! Nda nda file ame ove hu siala! A Avisalome! Amolange we! Amõlange!

II SAMUELE 2:2

Oco Daviti wa endako, eye lakãi vaye vavali, Ahinoama u Yesirele, kuenda Avigaile wa kala ukãi wukuakuenda Nabala, u Karimele.

I OLOSOMA 1:6

Lalimue eteke isiaye o sumuisile loku u lemela hati, Eci wa ci lingila nye? Eye wa kala ulume umue wa posoka calua, haeye wa kuama Avisalome pekosi.

I OLOSOMA 2:15

Eye hati, Wa kulĩha okuti uviali wa kaile wange, kuenda Isareli yosi ya njimbile ame ovaso si viala. Puãi uviali wa ñualapo, wa linga wamanjange, momo Yehova wo wiha.

I ASAPULO 3:1

Omãla va Daviti, vo citilua ko Hevirone, vava: uveli waco Aminone, inaye Ahinoama u Yesirele; wavali Daniele, inaye Avigaile u Karimele;

I ASAPULO 3:2

watatu Avisalome, inaye Maaka omõla a Talimai, Soma ya Gesiuri, wakuãla Adoniya, inaye Hagiti;

ESINUMUĨLO 3:14

Yairi, u Manase, wa tambula uvanda wosi wa Aregove, okuti Basiane, toke kovililo via va Gesiuri la va Maakati. Loku liluka wa luka Basiane, hati, Hawote Yairi, londuko yaco yi kasi toke etaili.

YEHOSUA 13:13

Haimo lumue va Isareli ka va tundisile va Gesiuri, ndaño va Maakati. Puãi va Gesiuri la va Maakati va tunga pokati ka Isareli toke etaili lilo.

I SAMUELE 25:3

Ulume waco, onduko yaye Nabala, ukãi waye onduko yaye Avigaile. Ukãi waco eye wa lunguka haeye wa posoka, ulume puãi wa tatama, haeye wa tangeleka. Eye ukuepata lia Kalembe.

I SAMUELE 25:42

Avigaile yu wa yayulako, wa katuka, wa wila kocimbulu. Afeko vaye vatãlo va enda laye. Wa kuama olomunga via Daviti kuenje wa linga ukãi waye.

I SAMUELE 27:8

Daviti lalume vaye va enda, va punda va Gesiuri la va Girisi kuenda va Amaleke; momo tunde kosimbu ovo muẽle va kala olonungi vofeka, toke ko Siuri vonjila yoku enda ke Egito.