II SAMUELE 1:2 - Embimbiliya - Bíblia Sagrada em Umbundu

² Eteke liatatu oco kueya umue wa tunda kocilombo ca Saulu, uwalo waye wa toka toka, wa litila eve kutue. Eci eya ku Daviti wa wila posi, wa fendela.

II SAMUELE 1:2 Iomraidhean Croise

EFETIKILO 22:4

Keteke liatatu Avirahama wa petula ovaso aye, wa muĩla kupãla omunda ya tukuiwa.

EFETIKILO 37:29

Eci Ruvene eya vali kocitunu kuenje wa sanga okuti Yosefe vocitunu kemo, oco wa tola tola uwalo waye.

EFETIKILO 37:34

Oco Yakoba wa tola tola uwalo waye kuenje wa wala ocikelei kombunda yaye. Wa lila omõlaye oloneke vialua.

EFETIKILO 43:28

Ovo vo kumbulula vati, Ukuenje wove tate yu ciwa. Haimo a kasilili lomuenyo. Kuenje va petamako, vo fendela.

II SAMUELE 1:3

Daviti yu wo pula hati, Wa tunda pi? Eye wo sapuila hati, Nda tila kocilombo ca va Isareli.

II SAMUELE 13:19

Tamare wa lisieketa etiko kutue, wa tola tola onanga yaye yamiongo, wa likuata olukondo kuenje wa enda loku lila calua.

II SAMUELE 14:4

Eci ukãi u Tekoa weya ku Soma oco wa wila posi loku fendela, hati, A Soma, ñuatiseko.

II SAMUELE 15:32

Eci Daviti a pitila konumbuko oko va fendalala Suku oco Husiai u Ariki, weya oku ñualehela laye. Ocikutu caye ca toka toka. Kutue wa lisieketa eve.

II SAMUELE 24:20

Eci Arawuna a vanja wa mõla Daviti lakuenje vaye vovo, va kasi loku lamanela kokuaye. Arawuna wa tunda, wa wila posi kovaso a Soma, wo fendela.

II SAMUELE 4:10

eci va sapuila vati, Saulu wa fa, kuenje va simile vati, Tu kasi loku u sapuila ondaka yu sanjuisa, oco ndo kuata, ndo pondela vo Cikilage. Oyo muẽle onima ndo wihila ondaka a sapuila.

ESTER 4:16

Kuende, kongolole va Yudea vosi va kasi vo Siusana. Va liñandangiyile okulia, ka va ka lie ndaño oku nyua oloneke vitatu, lutanya luteke. Ame lafeko vange letuvo tu likandangiya okulia ndene. Oco noke ngenda ku Soma, ndaño ocihandeleko citi, Ka ci tava oku enda. Nda fa, fa muẽle.

ESTER 5:1

Oco keteke liatatu Ester wa wala uwalo waye wu Inakulu kuenje wa talama vocindumba covokati conjo ya Soma, kovaso yocitumãlo ca Soma. Soma wa tumãla kocalo caye velombe kovaso yuvelo wocitumãlo.

OLOSAMO 66:3

Popi la Suku hoti, Ovilinga viove vi koka cimue ocinjoko. Omo olohõlo viove via lua enene oco ovanyali vove va ku livondela.

ESEKIELE 27:30

Kuenje va ku liyuila loku litetela enene. Va limba oneketela kovitue viavo, va litiñolõla vetiko,

HOSEA 6:2

Kovaso yoloneke vivali o tu tumbulula. Keteke liatatu o tu pindula okuti tu kala lomuenyo kovaso aye.

YOELI 2:13

Ko ka toli vali olonanga, toli puãi itima. Pongolokeli ku Yehova, Suku yene, momo eye ukuahenda haeye ukuacikembe, o livala konyeño, otembo yosi o kasi locisola ka ci pongoloka, kuenda kocisimĩlo coku nyõla o liwekako.

MATEO 12:40

Momo ndeci Yona a kaile vimo liocimuandu ovotanya atatu lovoteke atatu haico Mõlomanu o kala vutima wongongo ovotanya atatu lovoteke atatu.

MATEO 16:21

Tunde opo Yesu wa fetika oku sapuila olondonge viaye okuti co sesamela oku enda ko Yerusalãi kuenda oku fũkĩlisilua ovina via lua lakulu lovitunda vinene la vakuavisonehua. Wa vi sapuilavo okuti o pondiwa kuenje o pinduiwa eteke liatatu.

YEHOSUA 7:6

Yehosua wa tola uwalo waye, wa tuvika ocipala caye posi kovaso yocikasa ca Yehova, toke koñolosi, eye kumue lakulu va Isareli. Va litaila eve kovitue viavo.

ESITULUILO 3:9

Tala ndomo ndinga lava vakuasunangonga ya Satana, haivo va litukola vati, Tu va Yudea, ndaño hava Yudeako, cosi oku kemba lika. Eci ndinga lavo ceci, ndi va nena, ndi va kekamisila kolomãi viove, loku va limbukisa okuti ame nda ku sola.

I SAMUELE 20:41

Tuli okokuenje ka enda Daviti wa votoka konẽle yondunda yovawe, wa wila posi, wa lituvikapo ocipala, wa lituvikapo lutatu. Va lisipula, kuenje kavali kavo va lila calua, Daviti wa lila ca piãla.

I SAMUELE 25:23

Eci Avigaile a mõla Daviti oco wa yayulako, wa loka kocimbulu, wa wila posi, wa petama kovaso a Daviti.

I SAMUELE 4:12

Eteke liaco umue u Benjamini wa tila kovita, weya ko Silo, uwalo waye wa toka toka, kutue waye kua kala eve.

I SAMUELE 4:16

Oco ulume wa sapuila Eli hati, Ame nda tunda kovita, nda tila kovita etaili muẽle. Eli yu wo pula hati, Amõlange ca pita ndati?