HOSEA 9:4 - Embimbiliya - Bíblia Sagrada em Umbundu

⁴ Ka va itilila Yehova ocilumba cavo covinyu, kuenje ka vo sanjuisa lovilumba viavo. Ombolo yavo yi linga ndombolo ya vakuakulila kolonambi. Vosi va liako va vĩhĩsua momo ombolo yavo va yi lila ño onjala, ka yi iñila vonjo ya Yehova.

HOSEA 9:4 Iomraidhean Croise

ETUNDILO 29:40

Kumue lomeme yatete ku lumbiwa onepa yekui yefa yosema ya fina ya tengiwa lonepa yakuãla yohine yulela vo sopola vocine; kuenda onepa yakuãla yohine yovinyu viocilumba coku nyua.

ETUNDILO 40:23

Wa sokiya ombolo kilu liayo kovaso a Yehova; ndeci Yehova a handeleka Mose.

ISAYA 57:6

Wa noli vekungu oloseko via seleña, evi ovio via linga ombuwe yove. Wa vitila ocilumba coku nyua, wa vi lumbila ocilumba cosema. Anga nulumuhĩla kovina evi?

ISAYA 66:3

U ipa ongombe wa soka ndu wa ipa omunu; u o lumba omeme wa soka ndu wa teya osingo yombua; u o lumba ocilumba cosema wa soka ndu o lumba osonde yongulu, u o timĩha insensu o linga ndu o sivaya ociteka. Va nõla olonjila viavo muẽle kuenje ovitima viavo via sanjukila evĩho liavo.

YEREMIYA 16:7

Lomue eca ombolo yoku lila ku wa fisa, lomue u lembelekela u a fisa. Lomue o wiha okopo yelembeleko ha yi nyuila isiaye pamue inaye.

YEREMIYA 6:20

Vu nenẽlela nye insensu vioko Seva pamue kanela ka tunda kofeka yokupãla? Ovilumba viene vioku yoka si vi tava, levi vioku pia elisi si vi sanjukila.

ESEKIELE 24:17

Sukoka, puãi ka ci ka yevale. Ku ka sumuĩle ava va fa. Futa ocifuto cove kutue. Wala olohaku viove kolomãi. Ku ka lisitike komela. Ku ka lie ombolo yonambi.

ESEKIELE 24:22

Kuenje vu linga ndeci nda linga ame, ka vu lisitika komẽla, ka vu li ombolo yonambi.

DANIELE 1:8

Daniele puãi, wa panga vutima waye hati, Si livĩhĩsa lokulia kua Soma, ndaño lovinyu a nyuanyua. Oco wa pinga ku Kalei okuti ka ko kisike hã ha livĩhĩsa.

HOSEA 3:4

Momo omãla va Isareli va kala oloneke via lua, osoma lakamue, ndaño omõla a Soma, ndaño ocilumba, ndaño ongunji yi kola, ndaño terafe lefonde.

HOSEA 7:16

Va pongolokela ku Baale. Va soka ndohonji ya kuõha. Olombiali viavo vi kupuiwa losipata mekonda lielimi liavo lĩvi. Eci oco ci va kokela epembe vofeka ye Egito.

HOSEA 8:13

Va sole oku lumba, va lumba lumba ositu kuenje va yi lia, Yehova puãi ka ci sanjukila. Cilo ivaluka olohole viavo, kuenje o va yambuila akandu avo. Va tiukila ke Egito.

YOELI 1:13

Avitunda, wali ovikelei loku lisiõsiõla. Leñi, leñi, ene vu vumba vumba kutala. A vakuakuvumba Suku yange, iñilivonembele. Wali ovikelẽi. Lalimo uteke wosi. Momo ocilumba cosema kuenda ocilum cokunyua via imũhĩla vonjo ya Suku yene.

YOELI 1:9

Ocilumba cosema kuenda ocilumba cokunyua, via imũhila vonjo ya Yehova. Ovitunda vi vumba vumba Yehova via sumua.

YOELI 2:14

Helie wa kũlĩha nda hẽ eye ka tiukako loku pongoloka, loku tu sila esumũlũho limue okuti tu lumbila vali Yehova Suku yetu ovilumba viokulia levi viokunyua?

OVISILA 17:11

Momo omuenyo wetimba u kasi vosonde kuenje nda yecela kokuene kutala oku likutilila layo ovimuenyo viene, omo osonde oyo yi tuvaika momo oyo yi kuete omuenyo.

OVISILA 21:17

Popia la Arone huti, Wosi omunu ukuambuto yove kovitumbulukila viavo viosi, nda elie nda elie, o kasi letondelo, ka ka ame ocipepi oku lumba okulia kua Suku yaye.

OVISILA 21:21

Lomue ukuambuto ya Arone ocitunda o kuete etondelo ka ka ame oku lumba ovilumba via Yehova viovondalu. Omo o kuete etondelo oco ka ka amẽle oku lumba okulia kua Suku yaye.

OVISILA 21:6

Va kola ku Suku yavo, ka va ka same onduko ya Suku yavo; momo ovo vakuakulumbila ovilumba via Yehova viovondalu, haivio okulia kua Suku yavo; oco va kola.

OVISILA 21:8

Ove u kolisa momo o lumba lumba okulia kua Suku yove; kokuove eye o kola, momo ame ndi Yehova ndukuaku u kolisa, haime ñola.

AMOSI 5:22

Ndaño vu ndumbila ovilumba viene vioku yoka levi violomema, si vi tambula. Lovilumba viene viombembua eci vu lumba ovinyama via netisua, si vi sanjukila.

MALAKIYA 2:13

Wa lingi vali eci, cokuti, vu yukisa utala wa Yehova lasuẽlẽla, loku lila, kuenda oku leña leña, momo eye ka vanji vali kocilumba cene, ndaño oku ci tambula lesanju Povaka ene.

ATENDELO 19:11

U o lamba ocivimbi o vĩhĩsua oloneke epanduvali.

ATENDELO 28:2

Imba onumbi va Isareli. Popia lavo, huti, Ovilumba viange vi sokiyi lutate loku vi lumba koloneke via tukuiwa. Ovilumba vioku yoka ovio okulia kuange, elemba lavio li pepa kokuange.

ATENDELO 4:7

Omesa yombolo yoku taliwa va yi sikĩlĩla lonanga yonoloti, va kapako alonga aco lotualonga tuinsensu latiyela lasanga va itaila lao. Va kapa kapavo ombolo yoku taliwa.

YOANO 6:51

Ame ndimbolo yi kasi lomuenyo ya tunda kilu. Umue nda o lia kombolo eyi, o kala ño-o hũ lomuenyo. Kuenje ombolo ngecela omuenyo woluali oyo etimba liange.

ESINUMUĨLO 26:14

Osimbu nda kala loku lila, konepa yekui sia lileko. Eci sia yelele siopileko, ndaño oku eca konambi sia ecele. Nda pokola kondaka Ya Yehova, Suku yange. Nda telisa ovihandeleko viove viosi.