HOSEA 9:3 - Embimbiliya - Bíblia Sagrada em Umbundu

³ Ka va tumãla vofeka ya Yehova; Efarimi o tiukila ke Egito, kuenje va lila okulia kua vĩha vo Asuria.

HOSEA 9:3 Iomraidhean Croise

I OLOSOMA 9:7

oco Isareli vofeka nda va ihĩle, ndu sonjamo, kuenda onjo yilo yina nda kolisila onduko yange, ndi yi takumula kovaso ange, londuko ya Isareli yi linga ndolusapo kuenda ndepembe pokati kolofeka viosi.

II OLOSOMA 17:6

Kunyamo wecea wa Hosea, Soma ya Asuria wa kuata Samaria. Wa tuala va Isareli kAsuria, wa va tungisa ko Hala lo ko Havore kolui Gosane lovovaimbo a va Media.

YEREMIYA 16:18

Fetuluinya luvali evĩho liavo lekandu liavo, momo va vĩhĩsa ofeka yange lovĩfe vioviteka viavo vi linga onyanya, va yukisa ocipiñalo cange umbondo wavo.

YEREMIYA 2:7

Yu ndo neneli vofeka yelau, ho li epako liayo kuenda ovina viaco vi pepa. Puãi eci wa iñili wa vĩhĩsi ofeka yange kuenje ocipiñalo cange wa ci lingisi cumbondo.

ASIÕSUILO 5:6

Tua litumbika ku ve Egito la va Asuria, ha tu mõli ombolo yu tu tẽla naito.

ESEKIELE 4:13

Yehova hati, Haico omãla va Isareli va ka lialia ombolo yavo ya vihĩsua pokati kapata kuosi ndi va sandowaila.

DANIELE 1:8

Daniele puãi, wa panga vutima waye hati, Si livĩhĩsa lokulia kua Soma, ndaño lovinyu a nyuanyua. Oco wa pinga ku Kalei okuti ka ko kisike hã ha livĩhĩsa.

HOSEA 11:11

Va tunda ke Egito, veya lonjanga ndoku pãlãla kuolonjila, pamue kuolopomba vi tunda vofeka ya Asuria, kuenje ndi va tiula vali volonjo viavo. Oco ca popia Yehova.

HOSEA 11:5

Va tiukila kofeka ye Egito kuenje Asuria o linga Soma yavo, momo va likala oku pongolokela kokuange.

HOSEA 7:11

Efarimi wa soka ndopomba, wa wulua, ka kuete olondunge, O vilikiya Egito, enda ka Asuria.

HOSEA 7:16

Va pongolokela ku Baale. Va soka ndohonji ya kuõha. Olombiali viavo vi kupuiwa losipata mekonda lielimi liavo lĩvi. Eci oco ci va kokela epembe vofeka ye Egito.

HOSEA 8:13

Va sole oku lumba, va lumba lumba ositu kuenje va yi lia, Yehova puãi ka ci sanjukila. Cilo ivaluka olohole viavo, kuenje o va yambuila akandu avo. Va tiukila ke Egito.

HOSEA 9:6

Momo, tala! Va enda ka Asuria; Egito o va ongolola, Mefisi o va kenda. Onjunde yi sitika ovikuata viavo vi kola viopalata, lolosongo vi kala volombalaka viavo.

OVISILA 18:28

Ene puãi ko ka lingaingi ovina viumbondo sanga, eci vu yi vĩhĩsa, ofeka yi vu sanja ndeci ya sanja omanu vaco va kalale osimbu ene ka weyili.

OVISILA 20:22

Oco patekeli ovisila viange viosi lovihõlo viange viosi ho vi lingaingi, sanga ofeka oko ndu tuali oku tungamo yu sanji.

OVISILA 25:23

Usenge ka u ka landisiwe olumue, omo ovisenge viaco viange; momo wu kasi lame ndakombe, ndovingendeleyi.

AMOSI 7:17

Oco Yehova wa popia hati, Ukãi wove o linga omopisi vimbo. Omãla vove valume lomãla vove vakãi va fa losipata. Usenge wove u tepiwa lukolo. Love muẽle o ka fila vofeka yimue ya vĩha. Isareli upiwa kofeka yavo, o tualiwa kupãla, kumandekua.

MIKA 2:10

Votoki! Kuendi! momo palo hapocitumãlo ceneko. Momo vu kasi levĩho li nyõla kuenda okunyõla kuaco kua piãla.

OVILINGA 10:14

Puãi Petulu wa kumbulula hati, A Ñala, hacoko. Ane sia la lia cimue caño pamue cimue ca vĩha.

ESINUMUĨLO 28:63

Kuenje ciya okuti, ndeci Yehova o sanjukilili oku vu linga ciwa loku vu luisa, haico Yehova u sanjukili oku vu kundula loku vu nyõla. Lene vu taka vofeka wendeli oku ka yi kuata.

ESINUMUĨLO 28:68

Kuenje Yehova o ku tiula vali ke Egito lolonaviyu, haiwo ungende nda likuminyile love, siti, Ku u lingi vali. Oko vu seteka oku lilandisa kovanyãli vene ho lingi apika valume lapika vakãi, puãi lomue o vu landa.

ESINUMUĨLO 4:26

ndu sapuila muẽle etaili okuti vofeka yokesinya lia Yordão omo wendi oku ka yi kuata ndopo vu nyolehẽlamo. Ka vu kalamo osimbu puãi vu nyolẽha muẽle pe. Ilu losi vi linga olombangi viange.

YEHOSUA 23:15

Ndeci olondaka viosi viwa vina Yehova Suku yene o popeleli vio telisilui, haico Yehova a laika oku vu suisilapo ovina viosi vivi, toke o kunduli vofeka yilo yiwa ya wihi Yehova Suku yene, kuenda nda wendi loku vumba olosuku vikuavo ho vi fendela, oco onyeño ya yehova yu wengukili kuenje vu kunguka lombili vofeka yiwa yina eye a wĩhĩ.