HOSEA 9:1 - Embimbiliya - Bíblia Sagrada em Umbundu

¹ Ku ka yolele, a Isareli. Ku ka sanjuke nda vakualofeka. Momo wa linga ocipuepue. Wa yanduluka Suku yove. Wa sanjukila ofeto yupuepue kovisaselo viosi viotiliku.

HOSEA 9:1 Iomraidhean Croise

OLOSAMO 73:27

Ocili, ava va kasi ocipãla love va taka. O nyõla vosi va ku lingila usuanji.

ISAYA 17:11

ndaño eteke wa vi tuika hailio wa vi kulisa, pamue omẽle wa vi waya haiyo wa vi tẽlẽhisa— haimo elombolo li takata veteke liohali lolongembia via kãla.

YEREMIYA 2:19

Evĩho liove liu ku longa, kuenda olukonyo luove lu ku yambula. Oco ci kũlĩha kuenda ci limbuka ove muẽle okuti okuyanduluka Yehova Suku yove kuvi kuenda ku lula. Ove ku ñuetele usumba. Oco ca popia Yehova Suku Ukualohoka.

YEREMIYA 2:20

Momo osimbu wa teya okanga yove kuenda wa tepa ovikolo viove, yu wa linga huti, Siu ku vumbi. Momo kolomunda viosi kuenje vemehi lioviti viosi via pulika wa pekela ndocipuepue.

YEREMIYA 44:17

Puãi tu linga cosi tua likuminya oku linga. Tu timĩhĩla inakulu yokilu insensu loku u pesila ovilumba viokunyua, ndeci etu lolosekulu vietu kuenda olosoma vietu lolombuale vietu tua lingaingale vovaimbo a Yuda kuenda valuwa a Yerusalãi. Momo eci tua lingainga ndoco tua kala lokulia kua lua, kuenje tua kala muẽle ciwa, ka tua muĩle ũvi.

ASIÕSUILO 4:21

Yolela ño, loku sanjuka, ofeko we Edome, wunungi yofeka ya Usi. Haimo lumue, okopo yi pitilavo kokuove, love o kolua loku sulũla uwalo, hu kala epõlõla.

ESEKIELE 16:15

Puãi wa kolela unumbu wove. Wa linga ukahonga mekonda lioluhimo luove. Wosi o pita wa linga laye ukahonga.

ESEKIELE 16:30

Utima wove hẽ u kasi ndati omo wa linga ovina evi viosi, haivio upange wukuokahonga wemande.

ESEKIELE 20:32

Leci wa simi hoti, Tu setahãla vakualofeka, loku lisoka lapata olofeka loku fendela oviti lovawe, lalimue eteke ci lingiwa.

ESEKIELE 21:10

Ya lepikiwa okuti yi ponda, ya kungiwa okuti yi liakula ndociliakulo! Tu sanjuka ale? Omõlange wa nyehũla ombalama lombueti.

HOSEA 10:5

Olonungi via Samaria vi lulumĩla onãle ya Betawene. Omanu vaco va yi lilila kuenda ovitunda vi yi liyeyela. Vi lilila omo ulamba wayo wa tunda.

HOSEA 2:12

Ñundula uyuva waye lukuyu waye, vina a tukula, hati, Evi olombanjaile viange vambaisi yange va nyĩhãiha. Ndi vi lingisa usitu, kuenje ovinyama viovusenge vi vi lia.

HOSEA 4:12

Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

HOSEA 5:4

Ovilinga viavo vi kasi oku va tateka oku tiukila ku Suku yavo. Momo vovitima viavo mũli ocipango cukahonga, kuenja ka va kũlĩhĩle Yehova.

HOSEA 5:7

Ka va sungulukilile ku Yehova momo va cita omãla yoku lumbula. Oco unyõli o va nyõla kumosi lovapia avo.

AMOSI 3:2

Ene lika ndo kũlĩhi kapata osi o kilu lieve, oco ndu yambuili olohole viene viosi.

AMOSI 4:5

Yoki eci ci kuete etumbisa ndocilumba colopandu. Imbi aluiya oku lipandiyila ocilumba. Ci sapuli kuosi, momo oco vu sole oku linga, ene amãla va Isareli. Oco ca popia Yehova.

AMOSI 6:13

haene vu sanjukila eci ka ci silivila, loku popia hoti, Ha longusu yetuko hẽ tua limuisa unene?

AMOSI 8:10

Mongoluisa olofesta viene ha vi lingi vioku lila, lovisungo viene ha vi lingi vioku litetela. Ndu walisi ovikẽlẽi. Nena avangu kovitue viene viosi. Ci linga ndoku lilila omõla ulume wongunga, kuenje efulilo liaco ndeteke liohali yalua.

TIAGO 4:16

Puãi vu lipanda ño loku lituna. Okulipanda kuaco kuosi kũvi.

TIAGO 5:1

Kaliye alohuasi, lili loku liyuila ohali yi kasi loku iya kokuene.