HOSEA 8:8 - Embimbiliya - Bíblia Sagrada em Umbundu

⁸ Isareli wa liwa. Pokati kolofeka va linga ale ndocikuata ka ci silivila.

HOSEA 8:8 Iomraidhean Croise

II OLOSOMA 18:11

Soma ya Asuria wa tuala va Isareli kAsuria. Wa va tungisa ko Hala loko Havore kolui Gosane, lovovaimbo a va Media.

ISAYA 30:14

Okunyõlẽha kuaco ku soka ndokunyõlẽha kuombia yinene yotuma okuti ya nyanyoha pe, lapa ya fila ka pa sangiwa okaciyo koku yukila ondalu piko, pamue koku sua ovava vocisimo.

YEREMIYA 22:28

Omunu u Koniya hẽ, eye ombia ya pembuiwa haiyo ya fa? Eye nga ocikuata ka ci kuete u o ci sole? Eye muẽle kuenda ombuto yaye nye va tundisiwila? Va inasiwilila nye vofeka ka va kũlĩhĩle?

YEREMIYA 25:34

Ene angombo, lili loku lisiõsiõla, lene asongui vocunda, tiñolõhi vetiko. Momo oloneke viene vioku pondiwa loku sanduiwa vieya, kuenje vu kupuka ndovitupi via nõlĩwa.

YEREMIYA 48:38

Kovailu olonjo viosi via Moavi kuenda vovila viaco viosi muli lika okulitetela. Momo nda ipa Moavi ndeci va ipa ombia omunu ka sole. Oco ca popia Yehova.

YEREMIYA 50:17

Isareli ya soka ndomeme ya lupuisua lolohosi. Tete, Soma ya Assuria yo lia, kaliye kesulilo Nevukandesa, Soma ya Bavulono, wa takĩla akepa aye.

YEREMIYA 51:34

Nevukandesa, Soma ya Bavulono, wa ndia, kuenje wa ñeleketa. Wa ndingisa ocikuata cupolokoso, wa nyina ndekisikisi. We yukisa efe liaye evi viange vi pepa, yu wa nyinasi kofeka.

ASIÕSUILO 2:16

Ovanyãli vene vosi vo fuanguĩli; va sika ovilua; vo litakĩlĩli ovayo; va vilikiya vati, Tua li nyõla. Ewa! Lilo olio eteke tua livelele; cilo lieya; tu li lete!

ASIÕSUILO 2:2

Yehova wa nyõla olonjo viosi via Yakoba, ohenda lakamue! Omo wa tema ca lua wa nyõla pe olombonge viomõla a Siono ukãi. Wa kupuila posi lesepu lia lua usoma kuenda olombiali viawo.

ASIÕSUILO 2:5

Yehova wa linga ndunyãli, wa nyõla Isareli! Olopalasiu viavo viosi wa vi nyõla, wolumũla olombonge viosi. Wa luisila omõla a Siono ukãi okusumua lokulisiõsiõla.

ASIÕSUILO 4:2

Akuenje va posoka va Siono, vana va sokele ndulu wa yenguluiwa,— Avoyo we! cilo va tendiwa ndolombia viotuma, ndupange wovaka olonungi violombia.

ASIÕSUILO 5:2

Ocipiñalo cetu ca eciwa kakombe; olonjo vietu via tambuiwa la vakualofeka viñi.

ESEKIELE 36:3

oco, imba owanji, popia huti, Ca popia Ñala Yehova ceci, hati, Omo vo kunduli kuenje vo tundili kolonẽle viosi oku vu sakalaisa okuti wa lingi ocipiñalo colofeka vi lisungue lene, yu wa lingi ndesapulo pokati komanu, kuenje vo wendisili olombonde vĩvĩ,

OVISILA 26:33

Kuenje ndu sanduili volofeka loku vu polela osipata. Ofeka yene yi linga ekalasoko, lovaimbo ene alunda.

VA ROMA 9:22

Mbi Suku, omo a yongola oku lekisa onyeño yaye loku limbukisa unene waye, oco wa likandangiya lepandi lia lua oku nyõla olombia via tungiwila onyeño, vina vi sesamela okunyõleha.

ESINUMUĨLO 28:25

Yehova o ku kunduila kovaso anyali vove. Oku va katukila wendela vonjila yimosi, oku va tila wendela volonjila epanduvali. Oluhimo luove luvi lu yokokisa ovosoma osi okilu lieve.

ESINUMUĨLO 28:64

Kuenje Yehova o sanduili pokati kolofeka viosi, tunde kocivanja eci coluali toke kocivanja cikuavo coluali. Haiko o vumba olosuku viñi vioviti lovawe, vina kua kulĩhĩle, ndaño ove ndaño olosekulu viove.