HOSEA 8:6 - Embimbiliya - Bíblia Sagrada em Umbundu

⁶ Omunu wa yi tunga, Suku heyeko, Onale ya Samaria yi nyanyuiwa.

HOSEA 8:6 Iomraidhean Croise

II OLOSOMA 23:15

Kuenda vali utala wo ko Betele lonumbuko yina ya pangele Yerevoama omõla a Nevata, una wa kokela Isareli oku lueya, utala waco lonumbuko yaco, wa vi leñula. Wa yoka onumbuko, wa yi keleketa toke ya linga oneketela. Wa yokavo Asera.

II OLOSOMA 23:19

Olonjo viosi violonumbuko viovovaimbo a Samaria, vina olosoma via Isareli via tungilile oku wengula onyeño ya Yehova, Yosiya wa vi leñulavo, wa linga lavio ndeci cosi a lingile ko Betele.

II ASAPULO 13:8

Kaliye ene, omo wa lingi owiñi wa lua, kuenda vu kasi lolonale viulu, vina Yerevoama o pangeli ndolosuku, vu simi oku litamalala lusoma wa Yehova u li povaka omãla va Daviti.

II ASAPULO 31:1

Eci ovina evi viosi via pua, oco va Isareli vosi vana veyile, va enda kovaimbo a Yuda, kuenje va nyanyõla oviñumañuma, va timbula Asera kuenda va lundula olonumbuko lovotala oko Yuda yosi la Benjamini, ndaño kEfarimi la Manase, toke va nyõla cosi pe. Noke va Isareli vosi va tiukila kovaimbo avo, omunu omunu kocitumãlo caye.

YEREMIYA 10:14

Omunu wosi wa linga eveke, ka kuete olondunge. Wosi ukuakutela ulu o kutisiwila osõi oviteka a tunga momo oviteka viaye viesanda, vokati kavio ka mu li omuenyo.

YEREMIYA 48:13

Oco Moavi o kuatela Kemosi osõi ndeci Isareli a kuatela osõi Betele yina va yi kolelele.

YEREMIYA 50:2

Ci sapuili pokati kolofeka, imbi oluiya. Iki epandela, imbi oluiya. Ko ka ci uhili, popi hoti, Bavulono ya kuatiwa, Bele wa kutisiwa osõi. Merodaka wa teyiwa, loviñumañuma viaye via kutisiwa osõi, kuenda oviteka viaye via teyiwa.

HOSEA 10:2

Utima wavo we yuka uhembi, oco va yambuiwila ongole yavo. Yehova o nyõla ovotala avo kuenda o teya olongunji viavo vi kola.

HOSEA 13:2

Cilo va kasi loku amamako kakandu. Va litungila oviteka viutale wa yanguluiwa, loviteka vimue va vi tunga lopalata. Upange waco wosi wolomesele. Va popia vati, Vi lumbila! Omanu va sipula olonãle!

HOSEA 14:3

Va Asuria ka va tu popela. Ka tu endela kotuvalu. Ka tu tukula vali upange wovaka etu, tuti, Ove Suku yetu. Osiwe yi sanga ohenda kokuove.

MIKA 1:7

Oviñumañuma viaye viosi vi sasuĩwa, olombanjaile viaye viosi vi yokiwa londalu, loviteka viaye viosi ndi vi inasi; omo wa vi kongela lofeto yocipuepue, kuenje koku feta ocipuepue haiko vi tiukila.

HAVAKUKI 2:18

Eci omesele ya mala oku songa ociteka, pamue oku tunga ociñumañuma coku itila haico ca linga ndu o longisa uhembi, ovina viaco he, vi silivila nye? Momo, eci omesele yi tunga oviteka ka vi popi, ca lomboloka okuti, ya kolela ovina a tunga lovaka aye.

OVILINGA 17:29

Oco, omo tumãla va Suku, ka ca tu sesamelele oku soka tuti, Suku wa lisetahala lulu, pamue lopalata, pamue lewe, cokuti cimue ca luvikiyiwa luloño womunu pamue lovisimilo viomunu.

OVILINGA 19:26

Vu lete kuenda wa yevi okuti hake Efesoko lika, puãi pa kamba naito kuosi ka Asia, okuti Paulu u, wa konyuisa ovitima viomanu va lua lokukunda kuaye, kuenda vali o longisa hati, Olosuku via tungiwa lovaka omanu halosukuko.