HOSEA 7:8 - Embimbiliya - Bíblia Sagrada em Umbundu

⁸ Efarimi wa litenga la vakualofeka. Efarimi ekende ka lia pongoluiwile.

HOSEA 7:8 Iomraidhean Croise

I OLOSOMA 18:21

Eliya wama ocipepi lowiñi, kuenje hati, Toke eteke li pi, vu tatayala ño-o pokati kolonjila vivali? Nda Yehova eye Suku, u kuami. Nda Baale, u kuami. Omanu voha ño ñu.

ESERA 9:1

Eci ovina evi viosi via lingiwa oco asongui veya kokuange, vati, Va Isareli lovitunda la va Lewi ka va litepele lomanu vakualofeka kovombondo avo. Ka va litepele muẽle la va Kanana la va Hiti kuenda va Perisi la va Yevusi la va Amoni kuenda va Moavi la va Egito kuenda va Amori.

ESERA 9:12

Oco ene, ko ka eci omãla vene vakãi komãla vavo valume, ndaño oku tambuila omãla vavo vakãi omãla vene valume. Ko ka sandiliyi ombembua yavo pamue okusalala kuavo nda vu yongola oku kuata ongusu yocili loku sanga okusalala kuocili, loku ku sila omãla vene ndocipiñalo ka ci pui.

OLOSAMO 106:35

Va litenga puãi lomanu volofeka. Va likisa ovilinga viavo.

HOSEA 5:13

Eci Efarimi a limbuka okuvela kuaye kuenda Yuda wa limbuka epute liaye, oco Efarimi wa lamanẽla ka Asuria, wa tuma ko Soma yinene. Eye puãi ka tẽla oku ku sakula, ndaño oku sakula epute liove.

HOSEA 5:7

Ka va sungulukilile ku Yehova momo va cita omãla yoku lumbula. Oco unyõli o va nyõla kumosi lovapia avo.

HOSEA 7:9

Vakualofeka va nyõla ongusu yaye kuenje eye ka ci kũlĩhĩle; Utue waye wa fetika oku sova owele kuenje eye ka ci limbukile.

HOSEA 9:3

Ka va tumãla vofeka ya Yehova; Efarimi o tiukila ke Egito, kuenje va lila okulia kua vĩha vo Asuria.

SOFONIYA 1:5

vana okuti kovailu olonjo va kekamẽla olombungululu viokilu; va kekamẽla Yehova loku lisila laye, puãi haimo va lisilavo la Milikome.

MALAKIYA 2:11

Yuda wa linga usuanji, leci ci koka onyanya ca lingaiwa vo Isareli lo vo Yerusalãi. Momo Yuda wa vĩhĩsa onjo yi kola ya Yehova, eyi a sola, yu wa kuela omõla ukuasuku yiñi.

MATEO 6:24

Lomue o tẽla oku vumba vacime vavali, momo pamue umue u suvuka lukuavo u sola, pamue o sumbila umue lukuavo u lavisa. Ko tẽla oku vumba Suku kuenda ukuasi.