HOSEA 7:4 - Embimbiliya - Bíblia Sagrada em Umbundu

⁴ Vosi yavo vakahonga, va soka ndofolono ya sanyisua. Ukuakuyoka olombolo ka sanyisa vali ondalu tunde koku vi kosa toke vi tumba.

HOSEA 7:4 Iomraidhean Croise

YEREMIYA 23:10

Momo ofeka ye yuka vakahonga; ofeka yi lila omo ya siñaliwa. Ovililo viovekalasoko via kukuta. Onjila yavo yĩvi, lunene wavo hawesungako.

YEREMIYA 9:1

Utue wange we, nda wa kaile ovava! Ovaso ange we, nda a kaile ono yasuẽlẽla! Nda oco ca kaile, nda nda lilila ño-o olonambi viomõla omanu vange ukãi, lutanya luteke.

YEREMIYA 9:2

Nda nda kaile losinge yolongende vekalasoko! Nda nda kaile la yimue nda nda sia omanu vange loku litepa lavo. Momo vosi yavo vakahonga, haivo ovisuanji.

HOSEA 4:10

Va lia puãi ka ve kuta. Va linga ukahonga puãi ka va citi, momo va yanduluka Yehova ha va sanjukila ukahonga.

HOSEA 4:12

Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

HOSEA 4:2

te lika uvangi wuhembi, loku kemba, loku ponda, loku iva, lukahonga. Omanu vaco va ci piãla enene, loku ponda ku likuãi ño-o.

I VA KORINDO 5:6

Okulipandiya kuene kakuwako. Ka wa kũlĩhili hẽ okuti etumbisa litito li tumbisa ombolo yosi?

TIAGO 4:4

A vakahonga, ka wa kũlĩhili okuti ukamba wa livali loluali owo ukuse la Suku? Oco, wosi o yongola oku linga ekamba lioluali o lilingisa unyali wa Suku.