HOSEA 7:16 - Embimbiliya - Bíblia Sagrada em Umbundu

¹⁶ Va pongolokela ku Baale. Va soka ndohonji ya kuõha. Olombiali viavo vi kupuiwa losipata mekonda lielimi liavo lĩvi. Eci oco ci va kokela epembe vofeka ye Egito.

HOSEA 7:16 Iomraidhean Croise

HOSEA 9:3

Ka va tumãla vofeka ya Yehova; Efarimi o tiukila ke Egito, kuenje va lila okulia kua vĩha vo Asuria.

OLOSAMO 78:57

Puãi va tiukila konyima, vo lingila usuanji ndolosekulu viavo, Va lueya ndohonji ya yonga.

ESEKIELE 23:32

Ca popia Ñala Yehova ceci, hati, O nyua kokopo ya manjove ukãi haiyo yondungu, kuenda ya sanjavala. O yoliwa epembe, haive o sepuiwa, momo ye yuka ca lua.

OLOSAMO 73:9

Va pisa ovailu lovimela viavo. Alimi avo a handeleka oluali luosi.

HOSEA 9:6

Momo, tala! Va enda ka Asuria; Egito o va ongolola, Mefisi o va kenda. Onjunde yi sitika ovikuata viavo vi kola viopalata, lolosongo vi kala volombalaka viavo.

OLOSAMO 12:4

A nyõle vosi va popia popia vati, Tu yula lalimi etu. Ovimela vietu, vietu muẽle. O tu tumĩla helie?

ESITULUILO 13:5

Kuenje omẽla ya eciwa kocinyama okuti ci popia olonambelo latonãi, kuenje ca ihiwa omoko akui akuãla kolosãi kolosãi vivali.

II PETULU 2:8

momo ukuesunga waco Lote, eci a tunga lavo leci a mola loku yeva ovilinga viavo vĩvi, eteke keteke co vala kutima waye wesunga,—

TIAGO 3:5

Haico elimi, okacimatamata katitotito ketimba, haimo li lipandela ovina vinene. Sokololi ndomo usenge unene u mihiwa lokandalu katitotito.

LUKA 8:13

Ava vokohanda ovo ava okuti, eci va yeva ondaka, va yi tava lonjolela, puãi ka va kuete olombombo, oco va yi kolela ño okatembo katito, kuenje keteke lieyonjo va konyoha.

MATEO 12:36

Kuenje mopia lene siti, Keteke liekanga omanu va puliwa olondaka viosi viesanda va popia kuenje va kumbulula ondaka ondaka.

HOSEA 11:7

Omanu vange va likapela utima woku litepa lame; oco va kapiwa okanga kuenje lomue o va yupa.

HOSEA 7:13

Ngongo yavo! momo va litepa lame. Va nyõlẽhe omo va ñualẽlapo. Ame, nda nda va yovola puãi va ñembela.

HOSEA 6:4

Ndinga nye love, a Efarimi? Ndinga nye love, a Yuda? Ocisola cene ca soka ndelende liomẽle kuenda ndowume u loluka lonjanga.

ESEKIELE 36:20

Eci va pitila kapata kuosi va enda va vĩhĩsa onduko yange yi kola, okuti omanu va va popia vati, Ava ovo omanu va Yehova haimo va tundisua vofeka yaye.

YEREMIYA 18:18

Oco va linga vati, Tu tumbiki Yeremiya ongombo, momo ocihandeleko ka ci pui handi kocitunda, pamue elungulo kukualondunge, ndaño ondaka yuprofeto. Oco tu u nyõli loku u sokola. Ka tu ka tavi kolondaka viaye ndaño yimosi.

YEREMIYA 3:10

Yehova hati, Haimo manjaco, Yuda ohembi, ka tiukile kokuange lutima waye wosi, te lelimbi.

ISAYA 3:8

Omo upopi wavo kuenda ovilinga viavo via likala Yehova, via vayela ulamba waye u kola, oco Yerusalãi ya nyolẽha kuenda Yuda ya kupuka.

OLOSAMO 78:37

Koku litumbika kokuaye va tatayala ño. Ka va tatele ocisila caye.

OLOSAMO 57:4

Ñasi pokati kolohosi vi lialia omãla vomanu. Ovayo avio ovonga lovisongo. Alimi avio olosipata via tua.

OLOSAMO 52:2

Okuakutumba ahãla unyõi, elimi liove lia soka lomoko yomuto ya lepikiwa.

OLOSAMO 12:3

Yehova a sonje ovimela viosi viombambe, kuenda elimi liosi li popia popia oku lipanda.

OLOSAMO 17:10

Va sitika ovitima viavo okuti ohenda ka yi sangimo omangu. Kovimela viavo ku tunda oku lituna.

DANIELE 7:25

O popia olondaka vioku tomba Tõlo, kuenje o kangisa olosandu via Tolo. Haeye o panga oku pongolola olotembo lovihandeleko, kuenje olosandu vi eciwa peka liaye otembo yimosi lolotembo lonepa yotembo.

HOSEA 11:5

Va tiukila kofeka ye Egito kuenje Asuria o linga Soma yavo, momo va likala oku pongolokela kokuange.

MALAKIYA 3:13

Yehova wa popia hati, Olondaka viene wa popi lame viomanya. Puãi wu pula hoti, Tua ku popia ndati atonãi?

MALAKIYA 3:14

Wa popi hoti, Oku fendela Yehova Suku esanda. Ci silivila nye oku pokola kocihandeleko caye pamue oku endaenda kovaso a Yehova Ukualohoka loku likekemba?

OLOSAMO 12:5

Omo olosuke vi pundiwa lolohukui vi litetela oco cilo ñatuka. Ndu kapa oko kua koka haiko ku livela utima wange. Oco ca popia Yehova.

YEREMIYA 42:18

Momo, ca popia Yehova Ukualohoka, Suku ya Isareli, ceci, hati, Ndeci onyeño yange kuenda ocikumbiti cange via peseliwila kolonungi via Yerusalãi, haico ocikumbiti cange cu pesiliwili nda wendi ke Egito. Kuosi wendi vu koka onyanya. Oluhimo luene luvi lu yokokisa vosi. Vu siñaliwa loku yoliwa epembe. Ka vu mõli vali ocitumãlo cilo.

HOSEA 9:4

Ka va itilila Yehova ocilumba cavo covinyu, kuenje ka vo sanjuisa lovilumba viavo. Ombolo yavo yi linga ndombolo ya vakuakulila kolonambi. Vosi va liako va vĩhĩsua momo ombolo yavo va yi lila ño onjala, ka yi iñila vonjo ya Yehova.