HOSEA 6:3 - Embimbiliya - Bíblia Sagrada em Umbundu

³ Tu kũlĩhĩsi Yehova. Tu kuati ombili yoku u kũlĩha. Kokutunda kuaye ka kuli atatahãi, ku sokiyiwa ale ndokutola kuongula, Iya kokuetu ndombela, ndombela yomandavela yina yi yulisa osi.

HOSEA 6:3 Iomraidhean Croise

II SAMUELE 23:4

eye o va tuila ndutanya womele, ndutanya womele eci ka kuli alende omo ombela ya ca, kuenje posi pa tunda osungu yowangu.

YOVI 29:23

Va nalamãilãile ndeci omanu va talamela ombela. Va asayama ndeci omanu va asamẽla ombela yomandavela.

OLOSAMO 19:4

Haimo esapulo liao lia pitila kolofeka viosi, olondaka viao kesulilo lioluali luosi. Kokuao wa nyanyumuilako ombalaka yekumbi.

OLOSAMO 19:6

Okutunda kualio tunde kesukiyo lilu. Okuñuala kualio toke kasulilo alio. Ka ku li eci ci puluka kowuya walio.

OLOSAMO 63:8

Utima wange u ku kakatela, leka liove liondio njakela.

OLOSAMO 65:9

O nyula ilu lieve, o li tapaela. O li volisa ha li lingi osi yatuku. Olui lua Suku lue yuka ovava. O va muisa olomema eci wa angiliya osi.

OLOSAMO 72:6

A soke ndombela yi loka kowangu wa keluiwa, ndapengupengu a leñelisa osi.

OLOSAPO 4:18

Onjila yondingesunga ya soka ndocinyi congula, camamako kokutua toke ca linga utanya.

ISAYA 2:3

Olofeka via lua vi popia viti, Enjui, tu lamani komunda ya Yehova, konjo ya Suku ya Yakoba, okuti o tu longisa ovituwa viaye ha tu endaela volonjila viaye. Momo okulongisa ku tunda ko Siono kuenda ondaka ya Yehova yi tunda ko Yerusalãi.

ISAYA 32:15

toke Espiritu o tunda kilu o tu sukumũhĩla, kuenje ekalasoko li linga epia liwa, lepia liwa li linga esisi.

ISAYA 44:3

Njitila ovava kongongo ya kukuta; mitisa olondui vekango. Sukumuĩla Espiritu liange kombuto yove kuenda esumũlũho liange komãla vove.

ISAYA 5:6

Ndi ci lingisa ocipembe, ka ci sonjiwa, ka ci sonjuiwa, puãi ci tunda olosanyanya kuenda olosongo; handelekavo alende okuti ka a lokisamo ombela.

ISAYA 54:13

Omãla vove vosi va longisiwa la Yehova, kuenje okusalala kuomãla vove ku lua.

YEREMIYA 24:7

Ndi va ĩha utima woku ndimbuka okuti ame ndi Yehova; oco va linga omanu vange, kuenje ame ndinga Suku yavo, momo va tiuka kokuange lutima wavo wosi.

ESEKIELE 36:25

Oco ndu nyĩli ovava a yela okuti vu yelisua kevĩho liene liosi. Ndu yelisi koviteka viene viosi.

HOSEA 10:12

Likulĩlĩ esunga, lomboli ocisola ka ci pongoloka. Sosololi ocisoso; momo otembo yeya yoku sanda Yehova okuti iya, o vu lokisila epopelo ndombela.

HOSEA 14:5

Ndingila Isareli ndowume. Eye o tẽlẽha ndavonge, o tuamẽla ndovinendele vio ko Levanone.

HOSEA 14:6

Olonavi viaye vi tembaika. Ulambi waye u linga ndu woliveira. Lelemba liaye li linga ndeli lia Levanone.

HOSEA 2:20

Hu kuela muẽle locili, kuenje ove o kũlĩha Yehova.

MIKA 4:2

Kuenje olofeka via lua viya, vi popia, viti, Enjui, tu lamani komunda ya Yehova, konjo ya Suku ya Yakoba, oco a tu longise ovituwa viaye, ha tu endela volonjila viaye. Momo okulonga ku tunda ko Siono, kuenda ondaka ya Yakoba yi tunda ko Yerusalãi.

MIKA 5:2

Puãi ove, a-Beteleme Efarata, ove o sule pokati kapata a Yuda, kokuove ku nundila u o linga ombiali ya Isareli. Ocikoti caye ca tunda kosiãhũlu, koloneke viale.

MIKA 5:7

Oco ocisupe ca Yakoba ci kala vokati kolofeka vialua ndowume wa Yehova, pamue ndombela kowangu ka yi talamẽla omanu pamue omãla vomanu.

SAKARIYA 10:1

Lombi ombela ku Yehova kotembo yomandavela. Yehova eye ukuakusovola alende ombela, haeye ecaeca ombela komanu vaye okuti omunu omunu o kala lovikũla vepia liaye.

MALAKIYA 4:2

Ene puãi wu sumbi onduko yange, Ekumbi liesunga liu tundili, lovolosongo vialio mu kala unene woku sakula. Lene wendi loku tomboaka ndolonãle via kunduluiwa vocunda.

MATEO 13:11

Yu wa va kumbulula hati, Momo ene wa ihiwi oku kũlĩha alumbu usoma wo kilu, puãi ovo ka ca va ihiwile.

LUKA 1:78

yina yi sangiwa omo Suku yetu o kasi lohenda. Epopelo liaco liya eci ongula yokilu yi tu cila,

YOANO 17:3

Omuenyo ko pui wowu, oku ku kũlĩha, ove lika vu Suku yocili, loku kũlĩhavo Yesu Kristu, u wa tuma.

YOANO 7:17

Nda umue wa panga oku linga ocipango caye, eye o kũlĩha okulonga kuaco, nda hẽ kua Suku, ele nda ci popia ño ame muẽle.

OVILINGA 17:11

Va Yudea vaco va sunguluka ca lua, okuti va Yudea va sangele ko Tesalonike ci sule, momo va yeva ondaka lombili kuenje, oloneke viosi, va tanga tanga ovisonehua oku kũlĩhisa nda hẽ ovina viaco viocili nda ndati.

ESINUMUĨLO 32:2

Ovilongua viange vi loku ndatosi ombela. Londaka yange yi loke ndowume, pamue ndokalupe ka sosuĩla kilu lionjombia, pamue ndombela yi lokila kovikũla.

VA HEVERU 3:14

Momo etu tu kuete onepa yetu vu Kristu nda tu kolisako oku kuamelela vekolelo lietu lia tete toke kesulilo,

II PETULU 1:19

Ondaka yovaprofeto ya kolisua vali kokuetu londaka ya yevala komunda. Ciwa nda vu limbuka owanji waco wovaprofeto okuti wa linga ocinyi ci tuila owelema toke ku ca kuenje nanda o tuila vovitima viene.

ESITULUILO 22:16

Ame Yesu nda tuma kokuene ungelo wange okuti wimbi uvangi wovina evi kakongelo. Ame ndisĩla lia Daviti, haime ndimbuto yaye, haime ndilumbungululu lua tua luomele.