HOSEA 6:2 - Embimbiliya - Bíblia Sagrada em Umbundu

² Kovaso yoloneke vivali o tu tumbulula. Keteke liatatu o tu pindula okuti tu kala lomuenyo kovaso aye.

HOSEA 6:2 Iomraidhean Croise

EFETIKILO 17:18

Oco Avirahama wa popia la Suku hati, Ciwa nda Isameli o mõla esumuluho kokuove.

II OLOSOMA 20:5

Tiuka, popia la Hesekiya, ombiali yomanu vange, huti, Ca popia Yehova, Suku ya so Daviti, ceci, hati, Nda yeva ohutililo yove. Nda mõla asuelela ove. Tala, hu kayisa. Keteke liatatu o lamanela konjo ya Yehova.

OLOSAMO 61:7

A tumãle hũ kocalo caye cuviali kovaso a Suku. Kundika ocisola cove ka ci pui kuenda ocili cove okuti vi u lava.

OLOSAMO 71:20

Ove wa muisa ovitangi via lua vi vala, haive o muisa vali omuenyo. O njupa vali vangolovela ongongo.

UKUNDI 3:3

eteke lioku ipa, kuenda eteke lioku sakula; eteke lioku tungulula, kuenda eteke lioku tunga;

ISAYA 26:19

Ava va fa va kala lomuenyo, ovivimbi viavo vi pinduka. Ava va kasi vayambo va pasuka, va imba lonjolela. Momo owume wove owume wocinyi, kuenje ove o u lokisa vayambo owelema.

ISAYA 30:26

Kuenje owi wosãi u linga ndutanya kuenda utanya u vokiyiwa olonjanja epanduvali ndutanya woloneke epanduvali. Oco ci kala eteke Yehova a kuta epute liomanu vaye, loku sakula olombole a va tota eye muẽle.

HOSEA 13:14

Ame nga, ndi va yovola kunene wonjembo? Kokufa ndi va yovola? A Kufa, olohali viove vi kasi pi? A Njembo, ekundu liove li kasi pi? Vutima wange ka mũli oku pongoloka.

HOSEA 7:2

Puãi ka va sokolola okuti ame njivaluka avĩho avo osi. Cilo ovilinga viavo via va ñuala, vi kasi muẽle kovaso ange.

YOANO 14:19

Handi, okasimbu kaño oluali ka lu moli vali. Ene puãi vu mola. Omo ame ñasi lomuenyo, oco ene vu kalavo lomuenyo.

VA ROMA 14:8

Momo nda tu kasi lomuenyo, tu u muila ku Ñala, nda tu fa, tu fila ku Ñala. Oco, ndaño tu kasi lomuenyo, ndaño tu fa, lopo tuvamãle va Ñala.

I VA KORINDO 15:4

Wa kendiwa. Wa pinduiwa veteke liatatu, ndeci ca tukula ovisonehua.