HOSEA 6:1 - Embimbiliya - Bíblia Sagrada em Umbundu

¹ Enjui, tu tiukili ku Yehova; momo eye wa soyola okuti o tu sakula; eye wa tu tonyõla, haiye o tu itika.

HOSEA 6:1 Iomraidhean Croise

II ASAPULO 30:6

Oco olomunga via enda lovikanda via tumiwa la Soma kumue lolombuale viaye, yu va ñuala Isareli yosi la Yuda ndomo Soma a ci handeleka. Va popia vati, Ene a va Isareli, pongolokeli ku Yehova, Suku ya Avirahama la Isake la Isareli, oco eye a tiuke kokuene wa supipo, haene wa puluki povaka olosoma via Asuria.

YOVI 16:9

Wa suyulula lonyeño yaye kuenje wa suvuka. Wa ñanyula lovayo aye. Unyãli wange wa mekulula lovaso aye.

YOVI 22:23

Nda o tiukila ku Tõlo loku liketisa, nda o tundisa evĩho vonjo yove,

YOVI 34:29

Nda Suku uha helie u pisa? Eci Suku a wundisa ocipala caye helie u vetisa evelo? O lavulula ofeka lomunu,

YOVI 5:18

Momo eye asa olongase puãi haiye o vi kuta. Eye o tota ombole puãi ovaka aye a sakula.

OLOSAMO 30:7

Ove puãi, a Yehova, lohenda yove wa numalisile komunda ya pamisua. Noke wa mbundisila ocipala cove, kuenje ovitangi via sanga.

OLOSAMO 6:2

Ndinge ohenda, a Yehova, momo nda pekengua. A Yehova, sakule, momo akepa ange a yokoka.

OLOSAMO 71:20

Ove wa muisa ovitangi via lua vi vala, haive o muisa vali omuenyo. O njupa vali vangolovela ongongo.

UKUNDI 3:3

eteke lioku ipa, kuenda eteke lioku sakula; eteke lioku tungulula, kuenda eteke lioku tunga;

ISAYA 17:7

Keteke liaco omanu va imba ovaso ku Usovoli wavo, kuenje ovaso avo a sumbila U o kola wa Isareli.

ISAYA 2:3

Olofeka via lua vi popia viti, Enjui, tu lamani komunda ya Yehova, konjo ya Suku ya Yakoba, okuti o tu longisa ovituwa viaye ha tu endaela volonjila viaye. Momo okulongisa ku tunda ko Siono kuenda ondaka ya Yehova yi tunda ko Yerusalãi.

ISAYA 30:22

Oco winasi oviñumañuma viene via songiwa haivio via lañiwa lopalata, winasivo oviñumañuma viene via itilua havio via lañiwa lulu. Vu vi inasi ndovina via liña. Vu popia lavio hoti, Kuendi.

ISAYA 30:26

Kuenje owi wosãi u linga ndutanya kuenda utanya u vokiyiwa olonjanja epanduvali ndutanya woloneke epanduvali. Oco ci kala eteke Yehova a kuta epute liomanu vaye, loku sakula olombole a va tota eye muẽle.

ISAYA 55:7

ukuakulinga cĩvi a sie ocituwa caye, u ka lingi esunga a liweke ovisimĩlo viaye, a tiukile ku Yehova, kuenje u linga ohenda, ku Suku yetu kuenje o wecela ca lua.

YEREMIYA 3:22

Amãla volukonyo, tiuki. Ame ndu sakuli olukonyo luene. Tala, tueya kokuove omo ove vu Yehova, ove Suku yetu.

YEREMIYA 30:12

Momo ca popia Yehova ceci, hati, Apa wa litonyõla ka pa sakuiwa, lombole yove ya linga epute.

YEREMIYA 30:17

Momo hu muĩsa vali uhayele, ha sakula olombole viove; momo va ku luka Citakafeka, vati, Eye Siono, lomue u kapako vali. Oco ca popia Yehova.

YEREMIYA 33:5

Va Kaldea va kasi loku iya oku yaka loku vi yukisa lovivimbi vialume nda ponda lonyeño yange locikumbiti cange. Momo nda liweka oku vanja imbo lilo omo akandu alio alua enene.

YEREMIYA 33:6

Ndi li nenẽla uhayele loku ñuaima. Ndi va sakula, kuenje ndi va muĩsa okusalala kua lua kuenda okukoka.

YEREMIYA 50:4

Yehova hati, Koloneke viaco kuenda kotembo yaco, oco va Isareli la va Yuda va likongela kuenje va enda loku lila, va sanda Yehova Suku yavo.

YEREMIYA 50:5

Va pula pula onjila yoko Siono loku imbako ovaso, vati, Enjui, tu tiukili ku Yehova, tu lisili laye ocisila ka ci pui haico ka civaliwa vali.

ASIÕSUILO 3:11

Wa njupa vonjila yu wa neya neya; wa mesela ca lua.

HOSEA 11:10

Va kuama Yehova kuenje eye o koma ndohosi. Ocili muẽle o koma, kuenje omãla vaye tunda kutakelo, veya loku luluma.

HOSEA 12:6

hati, Oco, tiukila ku Suku yove. Linga ohenda lesunga. Imba ovaso ku Suku yove olonjanja viosi.

HOSEA 14:1

A Isareli, tiukili ku Yehova Suku yene, momo wa kupukili akandu ene.

HOSEA 14:4

Ndi va sakula oku konyõha kuavo. Ndi va sola lutima wange wosi, momo nda liweka oku va temẽla.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

OVISILA 14:48

Puãi nda ocitunda ciya, ci kũlihisa kuenje nda uvei ka wa tiukile ocili vonjo eci ya kolongiwa, oco ocitunda ci sapula hati, Onjo ya yela, momo uvei wa tundamo.

SOFONIYA 2:1

Ongolokeli pamosi; yali onjango, afeka ya pua osõi,

ESINUMUĨLO 32:39

Oco cilo limbuki okuti Ame, Ame muẽle, Suku yocili. Ka kuli Suku yikuavo te ame. Ame njipaya, haime ngeca omuenyo. Ame ndi tota, haime sakula. Lomue o tẽla oku popela omunu peka liange.

I SAMUELE 2:6

Yehova ukuakuipa, haeye o pindola vali. Eye o lowaisa ko Gehena, haeye o londaisa vali

I SAMUELE 7:3

Oco Samuele wa popia lepata liosi lia Isareli hati, Nda ocili vu kasi loku livela lutima wene wosi oku tiukila ku Yehova, imbipo olosuku viosi via vakualofeka levi via Asitarote ho tiamisi ovitima viene ku Yehova loku u vumba eye lika. Kovaso eye u popeli povaka a va Filisiti.