HOSEA 5:9 - Embimbiliya - Bíblia Sagrada em Umbundu

⁹ Efarimi o kunduiwa eteke lieyambulo. Nda situluila pokati kapata a Isareli eci ci lingiwa muẽle.

HOSEA 5:9 Iomraidhean Croise

YOVI 12:14

Nda o tungulula, lomue o tela oku ci tunga vali. Nda o yika omunu, lomue o tẽla oku u yikulula.

ISAYA 37:3

Va popia laye vati, Ca popia Hesekiya ceci, hati. Etali eteke liohali hailio eteke lieyambulo loku kutisua osõi; omãla veya koku citiwa kuenje ka ku li ongusu yoku va cita.

ISAYA 46:10

Tunde kefetikilo ndukuakusapula evi viefulilo. Tunde kosiãhũlu ndukuakusapula ovina ka via lingiwile handi. Ndukuakupopia siti, Ocipango cange ci lingiwa, kuenda ndi lemulũla cosi nda panga.

ISAYA 48:3

Puãi eye wa popia hati, Ovina viale nda vi sapula tunde kosiãhũlu, via tunda vomẽla wange kuenje nda vi lombolola; ocipikipiki nda vi linga kuenje via lingiwa.

ISAYA 48:5

oco nda ku vi sapuila tunde kosiãhũlu. Osimbu ka via lingiwile nda ku vi lomboluila, sanga o popia huti, Ociteka cange ca vi linga. Ociñumañuma cange ca songiwa, lociñumañuma cange cutale ovio via vi handeleka.

ISAYA 7:16

Momo osimbu omõla ka kulĩhĩle oku yuvula cĩvi loku nõla ciwa, ofeka yaco, olosoma viayo vivali wa vi suvuki, yi yandulukiwa.

HOSEA 5:12

Oco ndingila Efarimi ndeteta. Onjo ya Yuda ndi yi lingila ndosekoseko.

HOSEA 5:14

Efarimi ndu lingila ndohosi, lepata lia Yuda ndeyove liohosi. Ame, ame muẽle, soyola kuenje nundako. Ngambata, lu o popela ka ku kala.

HOSEA 7:12

Osimbu va enda ndi va tuvika lowanda wange, kuenje ndi va lowisa ndolonjila viovilu. Ndi va yambuila ovilinga viavo vĩvi.

HOSEA 8:8

Isareli wa liwa. Pokati kolofeka va linga ale ndocikuata ka ci silivila.

HOSEA 9:7

Oloneke vieyambulo vieya. Oloneke viefetuluinyo via pitila. Isareli o ci kũlĩha. Mekonda liolohole viene via lua lesuvu liene lialuavo, oco, kokuene uprofeto eveke, lu wa kolela esunga liovutima eyui.

AMOSI 3:7

Ocili, Ñala Yehova ka lingi cimue te tete o situlula ocisimĩlo caye kovakuenje vaye ovaprofeto.

AMOSI 7:17

Oco Yehova wa popia hati, Ukãi wove o linga omopisi vimbo. Omãla vove valume lomãla vove vakãi va fa losipata. Usenge wove u tepiwa lukolo. Love muẽle o ka fila vofeka yimue ya vĩha. Isareli upiwa kofeka yavo, o tualiwa kupãla, kumandekua.

AMOSI 7:9

Olonumbuko via Isareli vi kunduka, lovitumãlo vi kola via Isareli vi nyõlẽha. Mbotokela onjo ya Yerevoama losipata.

MIKA 6:13

Oco nda fetika oku ku yambula, loku ku kunduila akandu ove.

SAKARIYA 1:6

Olondaka viange lovihandeleko viange, vina nda handeleka lovimẽla viakuenje vange ovaprofeto, ka via lingiwile hẽ kolosekulu viene? Oco ovo va tindukako, vati, Ndeci Yehova Ukualohoka a panga oku linga letu mekonda liolonjila vietu lovilinga vietu oco a tu linga.

YOANO 16:4

Puãi nda popia lene ovina evi, okuti eci ola yavo yiya, wivaluki okuti nda vi popele ale lene. Ovina evi sia vi vangowaile lene tunde kefetikilo omo nda kala lene.