HOSEA 5:8 - Embimbiliya - Bíblia Sagrada em Umbundu

⁸ Siki enguena vo Givea lolumbeta vo Rama. Vilikiyi londaka yalua vo Betawene. A Benjamini, luluma!

HOSEA 5:8 Iomraidhean Croise

II SAMUELE 21:6

Omãla vaco tu va nyoñamisa kovaso a Yehova komunda ya Yehova vo Giveone. Soma wa kumbulula hati, Ndu wihi lavo muẽle.

I OLOSOMA 12:29

Onale yimue wa yi kapa ko Betele, yikuavo wa yi kapa ko Dani.

ISAYA 10:29

Va pita vomaka, va lala ko Geva; Rama o luluma; Givea ya Saulu wa tila.

YEREMIYA 4:5

Ci sapuili vo Yuda, imbi oluiya vo Yerusalãi hoti, Sikili olumbeta vofeka. Vilikiyi hoti, Liongololi, tu iñili volombonge.

YEREMIYA 6:1

A va Benjamini, tili vo Yerusalãi! Sikili olumbeta vo Tekoa. Tulikili ondimbukiso ko Bete-hakereme. Momo ko Norte ku tundilila cĩvi kuenda enyolẽho.

HOSEA 10:5

Olonungi via Samaria vi lulumĩla onãle ya Betawene. Omanu vaco va yi lilila kuenda ovitunda vi yi liyeyela. Vi lilila omo ulamba wayo wa tunda.

HOSEA 4:15

A Isareli, ndaño ove muẽle o limba kukahonga, haimo Yuda ka ka pie. Ku ka ende ko Giligali. Ku ka lamane ko Betawene. Ku ka lisile, huti, Ndeci Suku o kasi lomuenyo.

HOSEA 8:1

Kapa olumbeta komela wove momo ongonga yulombo ya loña konjo ya Yehova, momo va nyõla ocisila cange haivo va siñala ovihandeleko viange.

HOSEA 9:9

Va livihĩsa ca piãla ndeci koloneke via Givea. Eye ivaluka ũvi wavo, o va yambuila akandu avo.

YOELI 2:1

Siki olumbeta vo Siono. Imbili oluiya komunda yange yi kola. Olonungi viosi viofeka vi lulume omo eteke lia Yehova li li oku iya, li kasi muẽle ocipepi.

YOELI 2:15

Siki olumbeta vo Siono. Tukuli eteke limue ha li lingi eteke li kola lioku likandangiya okulia. Laleki ohongele yoku fendela.

AMOSI 3:6

Ci tava hẽ, oku sikila olumbeta vimbo kuenje omanu ka va lisaluka? Ũvi hẽ, u wila vimbo nda ha Yehovako wa ci panga?

YEHOSUA 7:2

Yehosua wa tuma alume, va tunda ko Yeriko ha va endi ko Hai, yi lisungue la Betavene, kutundilo wa Betele, yu wa popia lavo hati, Kuendi, kũlĩhisi ofeka. Oco alume va enda kuenje va kũlĩhisa Hai.

LIOLONGANJI 5:14

KEfarimi kua tunda ava va tunga kAmaleke. Benjamini o ku kuãi, kumue lolohoka viove. Ko Makiri kua tunda olombiali, loko Sevulono kua tunda ava vambata ombueti yusongui.

I SAMUELE 15:34

Samuele yu wa tiukila ko Rama. Saulu wa enda konjo yaye vo Givea imbo liaye.

I SAMUELE 7:17

Eci a mala va tiukila ko Tama momo oko kua kala onjo yaye, haiko wa tetuluila va Isareli lesunga. Wa tungilakovo Yehova utala.

I SAMUELE 8:4

Oco akulu vosi va va Isareli vongoloka, veya ku Samuele ko Rama.