HOSEA 5:4 - Embimbiliya - Bíblia Sagrada em Umbundu

⁴ Ovilinga viavo vi kasi oku va tateka oku tiukila ku Suku yavo. Momo vovitima viavo mũli ocipango cukahonga, kuenja ka va kũlĩhĩle Yehova.

HOSEA 5:4 Iomraidhean Croise

OLOSAMO 78:8

kuenda okuti ka va lingi nda vaisia ya vaisiavo, haivo ocitumbulukila cesino lolonamalala haico ka ca kaile lutima wa popoloka kesunga. Ovitima viavo ka via pandekelele ku Suku.

OLOSAMO 9:10

Ava va kũlĩha onduko yove va ku kolela. Momo ove, a Yehova, kua yandulukile ava va ku sanda.

YEREMIYA 24:7

Ndi va ĩha utima woku ndimbuka okuti ame ndi Yehova; oco va linga omanu vange, kuenje ame ndinga Suku yavo, momo va tiuka kokuange lutima wavo wosi.

YEREMIYA 50:38

Acitenya, veta olondui viaye, okuti vi kukuta. Momo oyo ofeka yoviñumañuma, kuenje va piãla enene oku kolela oviteka.

YEREMIYA 9:24

Puãi u o lipanda, a lipande leci okuti, wa ndimbuka kuenda wa ñulĩha okuti ame ndi Yehova. Kilu lieve ndingainga ovilinga viocisola lesunguluko kuenda esunga, momo ovina evi ovio sanjukila. Oco ca popia Yehova.

YEREMIYA 9:6

Kefũki va vokiyako efũki, kelimbi va vokiyako elimbi. Ka va tava oku ñulĩha. Oco ca popia Yehova.

HOSEA 13:13

Olongembia ndeci viukãi o kasi loku cita vio kuata. Eye puãi oñaña ya huka. Momo otembo ya pitila puãi ka yiya konjila yoku citiwa.

HOSEA 4:1

Amanu va Isareli, yeveleli ondaka ya Yehova, momo Yehova o kuete ondaka lolonungi viofeka. Vofeka ka mũli esunga, ndaño ohenda, ndaño ukũlĩhĩso wa Suku,

HOSEA 4:11

Oloñeyi vivi kuenda ovina vi koluisa vi va nyẽha olondunge.

HOSEA 4:12

Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

HOSEA 4:14

Si yambula omãla vene vakãi eci va linga ovipuepue, ndaño olondombua viene eci vi limba kukahonga. Momo alume lavovo va pambuka ha va kala lovipuepue, va lumbaila kumosi lolombaisi viefendelo liavo. Omanu ka va kuete olondunge va nyõlẽha.

HOSEA 4:6

Omanu vange va kasi loku nyõlẽha omo va kamba ukũlĩhiso. Omo ove wa pukula ukũlĩhĩso wange, oco lamevo hu pukulavo okuti ku lingi vali ocitunda cange. Lomo wa ivalako ovihandeleko via Suku yove, lamevo njivalavo omãla vove.

HOSEA 7:11

Efarimi wa soka ndopomba, wa wulua, ka kuete olondunge, O vilikiya Egito, enda ka Asuria.

HOSEA 8:11

Momo Efarimi wa luisa ovotala, ovotala aco puãi kokuaye ovotala ekandu.

YOANO 16:3

Kuenje ovina evi va vi lingila omo ka va kũlĩhile Isia ndaño ame.

YOANO 8:55

Puãi ka wo kũlĩhili, ame Puãi ndo kũlĩha. Nda nda popia siti, Sio kũlĩhile nda ndihembi ndene. Puãi ndo kũlĩha, kuenje mokola kondaka yaye.

I SAMUELE 2:12

Ca kala okuti omãla va Eli ka va sungulukile muẽle, ka va sumbilile Yehova.