HOSEA 4:9 - Embimbiliya - Bíblia Sagrada em Umbundu

⁹ Ci kala okuti ndeci ci lingiwa lomanu haico ci lingiwa locitunda. Ndi vi yambuila ovituwa viavo. Ovilinga viavo ndi vi fetuluinya.

HOSEA 4:9 Iomraidhean Croise

OLOSAPO 11:31

Nda ukuesunga o yambuiwa palo posi ka ci piãla hẽ kondingaĩvi lukuakandu?

OLOSAPO 12:14

Epako liwa liomẽla li kutisa omunu, ovopange ovaka omunu o tiuwila onima.

OLOSAPO 5:22

Olohõle viondingaĩvi viu kuata, kuenje yi fila vovikolo viakandu aye.

ISAYA 24:2

Kuenje ndeci ci lingiwa lomanu va sule haico ci lingiwa loci tunda; ndeci ci lingiwa lukuenje haico la cime caye; ndeci ci lingiwa lufeko haico la ndona yaye; ndeci ci lingiwa lukuakulanda haico lu o landisa; ndeci ci lingiwa lukuakulevalisa haico lu o levala; ndeci ci lingiwa lu o tambola osindike haico lu eca osindike.

ISAYA 3:10

Sapuila vakuesunga okuti ci kala ciwa lavo, omo va lia epako liovilinga viavo muẽle.

YEREMIYA 5:31

Ovaprofeto va imbaimba owanji wuhembi, kuenda ovitunda vi vialela kowanji wavo. Kuenje omanu vange oco va sole. Oco hẽ, kesulilo vu linga ndati?

ESEKIELE 44:10

Puãi va Lewi, vana va litepele lame, yu va enda kupãla ha va fendela oviteka viavo eci Isareli wa lueya, ovo va sanga eyambulo liolohole viavo.

ESEKIELE 44:12

Omo va va vumbailaile kovaso oviteka viavo kuenje va lingilile epata lia Isareli ocilondokua cekandu, oco nda va lisila okuti va yambuiwa muẽle. Oco ca popia Ñala Yehova.

HOSEA 1:4

Yehova yu wa popia laye hati, U luka Yesirele, momo hasimbuko kuenje ndi fetuluinyila onjo ya Yehu osonde ya Yesirele. Nyimũla usoma wepata lia Isareli.

HOSEA 10:10

Ame ñatukila omanu vange va huka oku va yambula. Vakualofeka va vongolokela eci va yambuiwila akandu avo avali.

HOSEA 12:2

Yehova o kuete ondaka la Yuda, kuenje o yambula Yakoba ndeci ca soka lolonjila viaye. U fetuluinyila ovilinga viaye.

HOSEA 12:3

Vimo wa kuatele kocisendemãi ca huvaye, kuenda eci a linga ulume wa tamãlãla la Suku.

HOSEA 7:2

Puãi ka va sokolola okuti ame njivaluka avĩho avo osi. Cilo ovilinga viavo via va ñuala, vi kasi muẽle kovaso ange.

HOSEA 8:13

Va sole oku lumba, va lumba lumba ositu kuenje va yi lia, Yehova puãi ka ci sanjukila. Cilo ivaluka olohole viavo, kuenje o va yambuila akandu avo. Va tiukila ke Egito.

HOSEA 9:15

Ũvi wavo wosi u mõlẽhẽla ko Giligali. Oko nda fetikila oku va suvuka. Mekonda lievĩho liovilinga viavo ndi va tundisa vonjo yange. Si va sole vali. Olombuale viavo viosi via ñualẽlãpo.

HOSEA 9:9

Va livihĩsa ca piãla ndeci koloneke via Givea. Eye ivaluka ũvi wavo, o va yambuila akandu avo.

SAKARIYA 1:6

Olondaka viange lovihandeleko viange, vina nda handeleka lovimẽla viakuenje vange ovaprofeto, ka via lingiwile hẽ kolosekulu viene? Oco ovo va tindukako, vati, Ndeci Yehova Ukualohoka a panga oku linga letu mekonda liolonjila vietu lovilinga vietu oco a tu linga.

MATEO 15:14

Va kale ño. Ovo olomeke, haivo ovasongui volomeke. Nda omeke yi songuila omeke kavali kavo va fa vocitunyu.