HOSEA 4:6 - Embimbiliya - Bíblia Sagrada em Umbundu

⁶ Omanu vange va kasi loku nyõlẽha omo va kamba ukũlĩhiso. Omo ove wa pukula ukũlĩhĩso wange, oco lamevo hu pukulavo okuti ku lingi vali ocitunda cange. Lomo wa ivalako ovihandeleko via Suku yove, lamevo njivalavo omãla vove.

HOSEA 4:6 Iomraidhean Croise

II ASAPULO 15:3

Osimbu yalua Isareli, ka kaile la Suku yocili, ndaño lulongisi umue wocitunda pamue ovihandeleko.

YOVI 36:12

Puãi nda ka va yevi va nyolẽha losipata, va fa omo ka va kuete ukũlĩhiso.

OLOSAMO 119:139

Ombili yange ya ndia, momo ovanyali vange va ivalako olondaka viove.

OLOSAMO 119:153

Kũlĩhisa ongongo yange, mopele, momo si ivalako ovihandeleko viove.

OLOSAMO 119:61

Ndaño ovikolo violondingaĩvi vi ñuta haimo si ivala ovihandeleko viove.

OLOSAMO 18:27

Momo o popela ava va liketisa, ava va lituna puãi, o va sepula.

OLOSAPO 10:21

Omẽla wondingesunga u tekula va lua, aveke puãi va fila omo va kamba olondunge.

OLOSAPO 19:2

Omunu oku kamba ukũlĩhiso haciwako; lu enda lolupesi o lueya onjila.

ISAYA 1:3

Ongombe ya kũlĩha cime cayo, kuenda ocimbulu ca kũlĩha osila yacime caco; Isareli puãi ka kuete ukulihiso, omanu vange ka va sokolola.

ISAYA 17:10

Momo wa ivali Suku yeyovo liene, kuenje ka wa ivalukili Ewe liocikolo cene. Oco ndaño vu kũla ikũla viesanju loku tuikamo olomeko viosuku yimue hayeneko—

ISAYA 27:11

Eci ovianja viaco vi kukuta kuenje vi teka, oco akãi va vi tiaña, kuenje va vi siakãla, Omo omanu vaco ka va kuete olondunge, oco u wa va lulika ka va kuatela ohenda, kuenje u wa va sovola ka vamẽla.

ISAYA 28:7

Ovo lavovo va hunga lovinyu, kuenda va yengenga levi vi koluisa. Ndaño ocitunda kuenda uprofeto va hunga lovinyu va yengenga levi vi koluisa. Ka va mõli ciwa ovinjoinjoi kuenje koku tetulula va lilondoaka.

ISAYA 29:12

Leci va li eca ku ka ci tẽla oku tanga vati, Va li tange, eye o linga hati, Si tẽla oku tanga.

ISAYA 3:12

Omanu vange we! Omãla va va talisa ohali, akãi va va viala. Amanu vange we! Ava vo songuili ovo vo lueyisi, kuenje va nyõla olonjila viene.

ISAYA 45:20

Ene wa puluki kolofeka, likongeli, enjui, kokeli. Ava va ambayata ño oviteka via songiwa, haivo va likutilila kosuku ka yi tẽla oku popela, ka va kuete olondunge.

ISAYA 5:13

Oco omanu vange va enda umandekua omo va kamba ukũlĩhiso. Olombuale viavo vi lambuka, lowiñi wavo u fa lenyona.

YEREMIYA 2:8

Ovitunda ka via pulile viti, Yehova o kasi pi? Ava va lombolola ovihandeleko ka va ñulĩhile; asongui vavo va sinila. Ovaprofeto vavo va pula pula ku Baale loku sanda ovina ka vi silivila.

YEREMIYA 4:22

Omanu vange itende, ka va ñulihile, haivo omãla ovitumbãfe ka va kuete olondunge. Poku linga cĩvi va lunguka, puãi oku linga ciwa ka va ci kũlihĩle.

YEREMIYA 5:21

Amanu va wulua, haene ko kuete olondunge, yevi eci mopia. Vu kuete ovaso puãi ko lete; vu kuete ovatuĩ puãi ko yevite.

ESEKIELE 44:23

Va longisa omanu vange oku tepisa pokati keci ci kola leci caño, loku va lekisa ndomo va tẽla oku tepisa pokati keci ca liña leci ca yela.

HOSEA 13:6

Puãi eci va lia cocili kuenje ve kuta oco ovitima viavo via tumba kuenje va njivala.

HOSEA 2:13

Ndu fetuluinyila oloneke violofesta vioku timãhãila Baale insensu, cina a liposuisa lovimbilingu lolomota viaye kuenje wa landula vambaisi yaye, ame puãi wa njivala. Oco ca popia Yehova.

HOSEA 4:1

Amanu va Isareli, yeveleli ondaka ya Yehova, momo Yehova o kuete ondaka lolonungi viofeka. Vofeka ka mũli esunga, ndaño ohenda, ndaño ukũlĩhĩso wa Suku,

HOSEA 4:12

Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

HOSEA 4:14

Si yambula omãla vene vakãi eci va linga ovipuepue, ndaño olondombua viene eci vi limba kukahonga. Momo alume lavovo va pambuka ha va kala lovipuepue, va lumbaila kumosi lolombaisi viefendelo liavo. Omanu ka va kuete olondunge va nyõlẽha.

HOSEA 5:4

Ovilinga viavo vi kasi oku va tateka oku tiukila ku Suku yavo. Momo vovitima viavo mũli ocipango cukahonga, kuenja ka va kũlĩhĩle Yehova.

HOSEA 6:6

Momo njongola ocisola ka ci pongoloka, ovilumba havioko, kuenda ukũlĩhĩso wa Suku, ovilumba vioku yoka, havioko.

HOSEA 7:11

Efarimi wa soka ndopomba, wa wulua, ka kuete olondunge, O vilikiya Egito, enda ka Asuria.

HOSEA 7:9

Vakualofeka va nyõla ongusu yaye kuenje eye ka ci kũlĩhĩle; Utue waye wa fetika oku sova owele kuenje eye ka ci limbukile.

HOSEA 8:1

Kapa olumbeta komela wove momo ongonga yulombo ya loña konjo ya Yehova, momo va nyõla ocisila cange haivo va siñala ovihandeleko viange.

HOSEA 8:12

Ndaño ndo sonẽhẽla ekuĩ liolõhũlũkãi viovihandeleko viange, eye o vi tenda ndocina ka ca kũlĩhĩwĩle.

HOSEA 8:14

Momo Isareli wa ivalako Usovoli waye, kuenje wa tunga olonjo viulamba; kuenje Yuda wa luisa olombonge via pama. Ame puãi numa ondalu ha yi yoki ovaimbo aye anene loku yokavo olombonge viaye.

HOSEA 9:17

Suku yange o va nyẽhũla momo ka va yevelile kondaka yahe, kuenje va linga vakatungayanga pokati kolofeka.

MATEO 1:6

Jese wa cita Soma Daviti. Daviti wa cita lukãi wa Uriya Salomone;

MATEO 15:14

Va kale ño. Ovo olomeke, haivo ovasongui volomeke. Nda omeke yi songuila omeke kavali kavo va fa vocitunyu.

MATEO 15:8

Omanu ava va sumbila ño lovimẽla viavo, puãi ovitima viavo vi kasi ocipãla lame.

I SAMUELE 2:12

Ca kala okuti omãla va Eli ka va sungulukile muẽle, ka va sumbilile Yehova.