HOSEA 4:3 - Embimbiliya - Bíblia Sagrada em Umbundu

³ Oco ofeka yi kasi oku lisiõsiõla, kuenje vosi va tungamo va tepuluka ongusu, kumosi lovinyama viovusenge, lolonjila viovilu. Ndaño olõsi viovokalunga vi upiwa.

HOSEA 4:3 Iomraidhean Croise

ISAYA 33:9

Osi yi sumua kuenje yi vonga. Levanone yi sakalaisua kuenje yuwuka. Siarone ya linga ekalasoko. Basiyane kuenda Karimele, amẽla avo a loluka.

YEREMIYA 12:4

Toke eteke li pi ofeka yi lila kuenda ikũla viofeka yosi vi uvuka? Omo evĩho liava va tunga vofeka yaco lia lua oco ovinyama viovusenge kuenda olonjila via puamo. Momo omanu vati, Suku ka mõli ovilinga vietu.

YEREMIYA 23:10

Momo ofeka ye yuka vakahonga; ofeka yi lila omo ya siñaliwa. Ovililo viovekalasoko via kukuta. Onjila yavo yĩvi, lunene wavo hawesungako.

YEREMIYA 4:25

Nda vanja kuenje tala, ka kua kaile omunu, kuenda olonjila viosi viovilu via tila.

YEREMIYA 9:10

Lilili olomunda, vi liteteleli. Liyuili ovililo viekalasoko momo via pia, lomue o pitamo. Okulila kuolongombe ka ku yevala. Olonjila viovusenge kuenda ovinyama via tila, via enda.

YEREMIYA 9:9

Ovina evi hẽ si va vi yambuila? Si fetuluinya hẽ omanu va linga ndava? Oco ca popia Yehova.

ESEKIELE 38:20

Olõsi viovokalunga, lolonjila viokilu, lovinyama viovusenge, lapuka osi a yaila posi, lomanu vosi va kasi kilu lieve, cosi ci lulumila kovaso ange. Olomunda vi kupuiwa posi, lovingunguma vi undumũha, lovimbaka viosi vi ulumũhila posi.

YOELI 1:18

Okuleñaleña kuovinyama kua kãla. Olongombe vi lila lila ca lua, momo apa vi litekuila ka pali. Ndaño oviunda violomeme vi kasi loku nyõlẽha.

AMOSI 1:2

Wa popia hati, Yehova o kumba kumba vo Siono, o yevisa ocileñi condaka yaye vo Yerusalãi. Ovisenge viovangombo vi lisiõsiõla. Onumbuko ya Karameli yuvuka.

AMOSI 5:16

Oco, ca popia Yehova, Soma yovailu, eye Ñala, ceci, hati, Mu kala oku lila valila osi. Volokololo viosi va litetela, vati, Avoyo we! Avoyo we! Va kovonga olongunja okuti vi lila, la vakualonambi okuti va litetela.

AMOSI 8:8

Ofeka hẽ, ka yi ci lulumĩla? Vosi va tungamo hẽ, ka va lili? Ka yi tumoha hẽ ndolui Nilu? Ka yi lisengi he loku tepuluka vali ndolui Nilu ve Egito?

NAHUMI 1:4

O lemẽla okalunga kuenje o ka kukutisa. O takatisa olondui viosi. Basiane la Karimele vi uwuka, kuenda avala olonẽlẽho via Levanone a senguluka.

SOFONIYA 1:3

Njupapo omunu locinyama; njupapo olonjila viovilu; kuenda olõsi viovokalunga. Njupapovo ovilondokua okuti olondingaĩvi. Njupa omanu kilu lieve. Oco ca popia Yehova.

SAKARIYA 5:4

Ame ndi li tuma kuenje liñila vonjo yocimunu kuenda vonjo yu o lisila londuko yange lesanda. Li kala vonjo yaye kuenje li nyõlamo oviti lovawe. Oco ca popia Yehova Ukualohoka.