HOSEA 4:16 - Embimbiliya - Bíblia Sagrada em Umbundu

¹⁶ Ndeci ongombe yi sina haico Isareli yi sinasina. Oco Yehova hẽ, o tẽla oku va lisa ndeci o lisaila okameme vusenge unene?

HOSEA 4:16 Iomraidhean Croise

OLOSAMO 78:8

kuenda okuti ka va lingi nda vaisia ya vaisiavo, haivo ocitumbulukila cesino lolonamalala haico ka ca kaile lutima wa popoloka kesunga. Ovitima viavo ka via pandekelele ku Suku.

ISAYA 22:18

O ku iña, ha ku imbi ndombunje vofeka yinene, oko o ka fila, haiko ku kala akãlu ulamba wove, ove, asõi yonjo ya cime cove.

ISAYA 30:23

Eye o lokisa ombela kombuto wa wayi posi, eca olomema viovaima a tunda posi. Olomema viaco vi lova, vi tekula ciwa omanu. Keteke liaco oviunda viene vi lila vovililo vinene,

ISAYA 5:17

Oco omãla volomeme va lila ndovocililo cavo, kuenda omãla volohombo va lila valunda ovindululu.

YEREMIYA 14:7

A Yehova, lingila onduko yove cimue ndaño olohole vietu via tu wengukila. Momo alukonyo etu a lua. Tua ku lingila ekandu.

YEREMIYA 3:11

Oco Yehova wa popia lame hati, Isareli ukualukonyo wa lilekisa okuti hĩse, Yuda puãi wa piãla kuhembi.

YEREMIYA 3:6

Koloneke viosoma Yosiya Yehova wa mula hati, Wa mõla eci ca linga ukualukonyo Isareli? Wa londa kolomunda viosi yu wa lingila ukahonga vemẽhi lioviti viosi,

YEREMIYA 3:8

Ndaño wa mõla okuti Isareli ukualukonyo ndo nyalela ukahonga, loku wĩha emẽla liupu, haimo manjaco, Yuda ohembi, ka kuatele ohele puãi wa enda, wa lingavo ukahonga.

YEREMIYA 31:18

Nda yeva eci Efarimi a lila, hati, Ove wa njambula, kuenje nda yambuka ndonale ka ya pokuile. Niũle okuti numbuluka, momo ove vu Yehova Suku yange.

YEREMIYA 5:6

Oco ohosi yovusenge yi va ipa, kuenda ombinji yovekalasoko yi va nyõla. Ongue yi lavekela ovaimbo avo. Wosi o tundamo o nyanyõwaiwa, momo va lueya lueya kuenda olukonyo luavo lua lova.

YEREMIYA 7:24

Puãi ka va pokuile ndaño oku yevelela, va kuama olondunge viavo lumbinde wovitima viavo via vĩha. Va tiukila konyima, ka va endele kovaso.

YEREMIYA 8:5

Oco hẽ, omanu ava va Yerusalãi va konyõhẽla nye olukonyo ka lu pui? Va enda ño-o loku kemba kuenje ka va tava oku tiuka.

HOSEA 10:11

Efarimi wa kaile onãle ya pokuisua hayo ya solele oku sasa, kuenje nda popela osingo yaye ya posoka. Cilo puãi Efarimi ndu kapa okanga. Yuda layevo o lima losialuwa, Yakoba o lisosomuĩla ovimu.

HOSEA 11:6

Osipata yi kundula vovaimbo avo, yi nyõla ovikundiko violombundi viavo kuenje yi va lila vovikolo viavo,

HOSEA 11:7

Omanu vange va likapela utima woku litepa lame; oco va kapiwa okanga kuenje lomue o va yupa.

OVISILA 26:33

Kuenje ndu sanduili volofeka loku vu polela osipata. Ofeka yene yi linga ekalasoko, lovaimbo ene alunda.

SAKARIYA 7:11

Ovo puãi ka va tavele oku yeva. Va imba onyima. Va sitika ovatũi avo okuti ka va yevi.

I SAMUELE 15:11

Nda livela omo nda nola Saulu oku linga osoma, momo wa liweka oku ñuama loku pokola kovihandeleko viange. Samuele yu wa tema kuenje wa likutilila ku Suku uteke wosi.