HOSEA 4:12 - Embimbiliya - Bíblia Sagrada em Umbundu

¹² Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

HOSEA 4:12 Iomraidhean Croise

II OLOSOMA 17:7

Cosi eci ceyilila omo va Isareli va lueyela Yehova Suku yavo, una wa vopile vofeka yEgito peka lia Fareo Soma yEgito, kuenda omo va sumba olosuku vikuavo.

II ASAPULO 21:13

puãi wa endela vonjila yolosoma via Isareli kuenda wa kokela Yuda lolonungi via Yerusalãi oku linga ukahonga, ndeci ca lingile epata lia Ahava; kuenda vali wa ponda vamanjove, omãla va so, vana va ku velelepo;

OLOSAMO 106:39

Oco va livĩhisa lovilinga viavo. Va linga ovilinga viupuepue.

OLOSAMO 73:27

Ocili, ava va kasi ocipãla love va taka. O nyõla vosi va ku lingila usuanji.

YEREMIYA 10:8

Vosi yavo va wulua haivo ovitende. Okulongisa kuoviteka viavo kua kola nduti.

YEREMIYA 2:27

ava va popia luti vati, Ove vu tate, kuenda va popia lewe vati, Ove wa nyita. Va njimba onyima, ka va mongolokelele. Kohali yavo puãi va linga vati, Votoka, tu popele.

YEREMIYA 23:13

Kovaprofeto voko Samária oko nda muĩla cimue cĩvi cokuti, va linga ovaprofeto va Baale, kuenje va pambuisa omanu vange va Isareli vonjila.

ESEKIELE 20:32

Leci wa simi hoti, Tu setahãla vakualofeka, loku lisoka lapata olofeka loku fendela oviti lovawe, lalimue eteke ci lingiwa.

ESEKIELE 21:21

Momo osoma ya Bavulono yi talama panyãha, panyãha olonjila vivali, ha tãhi. O sekula ovisongo, o pula koviteka, kuenje o vanja komuma.

HOSEA 14:3

Va Asuria ka va tu popela. Ka tu endela kotuvalu. Ka tu tukula vali upange wovaka etu, tuti, Ove Suku yetu. Osiwe yi sanga ohenda kokuove.

HOSEA 5:4

Ovilinga viavo vi kasi oku va tateka oku tiukila ku Suku yavo. Momo vovitima viavo mũli ocipango cukahonga, kuenja ka va kũlĩhĩle Yehova.

HOSEA 6:10

Vonjo ya Isareli nda muilamo eci ca vĩha. Ukahonga wa Efarimi haimo u li. Isareli wa vĩhĩsua.

HOSEA 9:1

Ku ka yolele, a Isareli. Ku ka sanjuke nda vakualofeka. Momo wa linga ocipuepue. Wa yanduluka Suku yove. Wa sanjukila ofeto yupuepue kovisaselo viosi viotiliku.

OVISILA 17:7

Oco ka va lumbila vali ovilumba viavo kolondele, oku linga lavio ukahonga. Cilo ci linga ocisila cavo cenda hũ kovitumbulukila viavo viosi.

OVISILA 20:5

oco ame muẽle nyumãlĩsila ocipala cange omunu waco kuenda epata liavo, ndu tepa ku vakuavo eye muẽle kuenda ava vosi vo kuama ha va lingi vakuokahonga, oku linga la Moleke ukahonga.

MIKA 2:11

Nda umue wa ñuala ñuala oku kunda olondaka viesanda luhembi hati, Ndu kundili olondaka viovinyu levi vi koluisa,— eye nda wa sesamela oku linga uprofeto womanu ava!

HAVAKUKI 2:19

U o popia lociteka ca songiwa, hati, Pasuka,— ngongo yaye! Lu o sapuila ewe ka li popi, hati, Votoka,— ngongo yaye! Ovio hẽ, vi longisa cimue? Ocili, via lañiwa lulu pamue lopalata, vokati kavio puãi ka muli omuenyo.

ATENDELO 15:39

Oco poku vanja vanja kolonjenje viene wivaluki ovihandeleko viosi via Yehova okuti vu vi linga, kuenje ka vu kuama vali ocipululu covaso ene pamue olonjongole viovitima viene vina viu kokeli oku linga akandu.

ESINUMUĨLO 31:16

Yehova wa popia la Mose hati, Tala, ndopo ove o pekela lolosekulu viove. Kovaso yaco omanu valo o fetika oku linga ukahonga lolosuku wiñi viofeka oko va enda oku kala. Ame va njanduluka. Va nyõla ocisila cange nda lisila lavo.

LIOLONGANJI 18:5

Va popia laye vati, Tu ku pinga, tu puliliyeko ku Suku, ha tu limbuka nda ungende wetu u laika oku enda ciwa.