HOSEA 3:5 - Embimbiliya - Bíblia Sagrada em Umbundu

⁵ Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

HOSEA 3:5 Iomraidhean Croise

I OLOSOMA 12:16

Eci Isareli yosi ya limbuka okuti Soma ka va yevele omanu va kumbulula Soma vati, Ocikepa ce tu kuete ku Daviti? Ndaño ocipiñalo ka tu kuete komõla a Jese. Kuende kolombalaka viove, a Isareli! Tata epata liove muẽle, a Daviti! Oco va Isareli va enda kolombalaka viavo.

ISAYA 17:7

Keteke liaco omanu va imba ovaso ku Usovoli wavo, kuenje ovaso avo a sumbila U o kola wa Isareli.

ISAYA 2:2

Ci kala okuti koloneke viesulilo omunda yonjo ya Yehova yi velapo koku lepa pokati kolomunda viosi, yi pitahãla ovivulu; kuenje omanu volofeka viosi volumũhĩlako.

ISAYA 2:3

Olofeka via lua vi popia viti, Enjui, tu lamani komunda ya Yehova, konjo ya Suku ya Yakoba, okuti o tu longisa ovituwa viaye ha tu endaela volonjila viaye. Momo okulongisa ku tunda ko Siono kuenda ondaka ya Yehova yi tunda ko Yerusalãi.

ISAYA 60:5

Oco o ci mõla kuenje o sanjuka, utima wove u kuta esanju kuenje u yolela. Momo elau liokalunga li panda kokuove, kuenda ukuasi wokolofeka wiya kokuove.

ISAYA 9:13

Haimo omanu ka va pongolokelele ku wa va veta, ka va vanjiliyile Yehova Ukualohoka.

YEREMIYA 23:5

Yehova hati, Tala. Oloneke viya okuti njovisila Daviti ocinjovelela cesunga kuenje eye o viala ndosoma, o linga lolondunge, kuenje vofeka o tetuluila lesunga kuenda lesunguluko.

YEREMIYA 30:24

Onyeño ya tokota ya Yehova ka yi tiukamo te wa linga loku tẽlisa ocipango cutima waye. Koloneke viesulilo cosi ci vu lomboloka ciwa.

YEREMIYA 30:9

Puãi va vumba Yehova Suku yavo, kuenda Daviti Soma yavo, u ndi va katuila.

YEREMIYA 33:17

Ca popia Yehova ceci, hati, Lalimue eteke Daviti a pumba ulume o tumãla kocalo covonjo ya Isareli.

YEREMIYA 33:9

Kuenje imbo lilo li nenela esanju lesivayo kuenda ulamba, kovaso olofeka viosi viokilu lieve eci vi yeva ovina viosi vina nda li linga. Vi yokoka loku lulumĩla ovina viwa viosi lokusalala kuosi nda li muĩsa.

ESEKIELE 16:63

oco wivaluke loku kutisua osõi, ndaño usiko ku asama vali omẽla wove mekonda liosõi yove, eci hu ecela cosi wa linga. Oco ca popia Yehova Suku.

ESEKIELE 38:16

O lamanela komanu vange va Isareli ndeci elende li sitika ofeka. Kefulilo lioloneke vimue hu nena kofeka yange hu yaki layo, oco olofeka vi ñulĩhe eci ndimbukisila kovaso avo okukola kuange pokati kupange ove, a Goge, o ndingila.

ESEKIELE 38:8

Kovaso yoloneke via lua vu kongiwi. Kefulilo lialima vu tundila ofeka yina ya popeliwile kovita, haiyo ofeka yolomunda via Isareli vina via kaile ekalasoko, cilo puãi via tungilua lomanu va tunda kolofeka viñi viñi. Omanu vaco vopiwa kolofeka, cilo va kasi ciwa, va koka.

DANIELE 10:14

Kaliye ndeyilila oku ku limbukisa evi vi sanga epata liove koloneke viesulilo. Momo ocinjonde eci ci tiamẽla handi koloneke viaco.

DANIELE 2:28

Puãi kilu kuli Suku ukuakusitulula alumbu, kuenje haeye wa lekisa ku Soma eci ci kala koloneke viesulilo. Onjoi yove lovinjonde wa vi muĩla pula wove vievi:

HOSEA 1:11

Kuenje omãla va Yuda lomãla va Isareli va likongela pamosi. Va kapa osoma yimosi. Veya vali kofeka yavo, kuenje eteke lia Yesirele li linga linene.

HOSEA 11:10

Va kuama Yehova kuenje eye o koma ndohosi. Ocili muẽle o koma, kuenje omãla vaye tunda kutakelo, veya loku luluma.

HOSEA 5:15

Niukila vali kocitumãlo cange, toke va limbuka ongole yavo, ha va sandi ocipala cange, ha va sandiliya volohali viavo, vati,

HOSEA 5:6

Va enda loviunda viavo violomeme levi violongombe ha va sandi Yehova. Puãi ka vo sangi. Eye wa litepa lavo.

HOSEA 6:1

Enjui, tu tiukili ku Yehova; momo eye wa soyola okuti o tu sakula; eye wa tu tonyõla, haiye o tu itika.

AMOSI 9:11

Eteke liaco numbulula vali onembele ya Daviti yina ya kupuka. Sitika apangu ayo. Numbulula vali ovingululu viayo. Ndi yi tunga ndokoloneke viosiãhũlu,

MIKA 4:1

Koloneke via sulako ci kala okuti omunda yonembele ya Yehova oyo yi lepa, olomunda viosi vikuavo vi sule. Koku lepa yi pitahãla oviwulu viosi, kuenje owiñi womanu wamẽla kokuayo.

ATENDELO 24:14

Kaliye ngenda komanu vange. Njevelele, hu sapuila ndeci omanu vaco va linga lomanu vove koloneke viya.

VA ROMA 11:25

A vamanji, kuli elumbu limue kuenje njongola okuti elumbu liaco liu lomboloki sanga vu lilungukila ene muẽle. Elumbu liaco lieli, va Isareli vamue va tĩlisa ovitima viavo, puãi okutĩla kuaco ku kala lika toke vakualofeka va popeliwa la Suku va suapo.

VA ROMA 2:4

Ale wa lavisa ño ukuasi wohenda ya Suku lepandi liaye lokutoñomala kuaye? Kua kũlĩhile nga okuti ohenda ya Suku yi lingiwila oku ku tuala koku likekembela akandu?

ESINUMUĨLO 4:30

Eci vu kasi ale kohali okasimbu kuenje ovina evi viosi vio veti oco vu tiukila ku Yehova, Suku yene, kuenje vu yeva ondaka yaye.