HOSEA 3:4 - Embimbiliya - Bíblia Sagrada em Umbundu

⁴ Momo omãla va Isareli va kala oloneke via lua, osoma lakamue, ndaño omõla a Soma, ndaño ocilumba, ndaño ongunji yi kola, ndaño terafe lefonde.

HOSEA 3:4 Iomraidhean Croise

EFETIKILO 31:19

Otembo yaco wa enda oku ka pemuisa olomeme viaye, kuenje rahele wa iva oviteka via isiaye.

EFETIKILO 31:34

Rahele puãi wa nyañula ale oviteka viaco, wa vi kapa kovikuata viongamelo, kuenje wa tumãla kilu liavio. Lavane wa vanja vombalaka yosi, ka vi sangelemo.

EFETIKILO 49:10

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

II SAMUELE 6:14

Daviti wa cĩla lutima waye wosi kovaso a Yehova. Daviti wa wala efonde liovalatanya.

II OLOSOMA 23:24

Kuenda vali Yosiya wa tundisa vakualondele, lovimbanda, lotumbonya, loviteka, lovombondo osi a moleha vofeka ya Yuda la Yerusalãi, ha kolisa olondaka viovihandeleko via sonehiwa velivulu lina ocitunda Hilikiya a sanga vonjo ya Yehova.

II ASAPULO 15:2

Kuenje wa enda ku ñualẽhẽla la Asa, yu wa popia laye hati, ye a Asa, love a Yuda, la Benjamini yosi, njeveleli. Yehova o kala lene osimbu ene vu kalavo laye, kuenje nda vu u sandiliyi eye o tava oku sangiwa lene, puãi nda ene vu u yanduluki eye u yandulukivo.

ETUNDILO 28:4

Uwalo va tonga yu: onjeke yoponete, efonde, esanya, ocikutu catumba, ekofue, luvia. Va tungila Arone lomãla vaye uwalo u kola ha va mbumbila komangu yutunda.

ETUNDILO 28:6

Efonde va li tunga lulu lalinya onoloti la a vumbula la a kusuka lonanga yovalatanya, upange wonoño.

ASIÕSUILO 2:9

Olombundi viaco via nyolẽha. Wa teya olomimbiliko viaco loku vi nyõla. Soma yavo lomãla vaye va sandokaila kolofeka viñi viñi. Ocihandeleko ca imũha. Ovaprofeto ka va mõli vali ovinjoinjoi via Yehova.

ESEKIELE 19:14

Kuenje volunavi luawo mua tunda ondalu ya nyola ovianja viawo lapako awo, okuti ka kua siale olunavi lua pama lu linga epangati liosoma. Oko oku lisiõsiõla kua lisiõsuĩwa.

ESEKIELE 20:32

Leci wa simi hoti, Tu setahãla vakualofeka, loku lisoka lapata olofeka loku fendela oviti lovawe, lalimue eteke ci lingiwa.

ESEKIELE 21:21

Momo osoma ya Bavulono yi talama panyãha, panyãha olonjila vivali, ha tãhi. O sekula ovisongo, o pula koviteka, kuenje o vanja komuma.

ESEKIELE 21:31

Hu sukumuila onyeño yange. Hu siakalela elungulungu lioku tema kuange. Hu eca peka liolongangala vina vi tẽla oku nyõla.

DANIELE 11:31

Olohoka vi kala laye, vi vĩhĩsa ocitumãlo ci kola, haico ombonge, loku upa ocilumba ci taima taima ño-o, loku piñainyapo cimue cavo celaviso ca pitahãla etombo.

DANIELE 12:11

Tunde apa ocilumba ci taima taima ño-o ca upiwapo kuenje va piñainyapo cavo celaviso ca pitahãla etombe, pa pita ohulukãi kovita vivali lakuĩ ecea koloneke.

DANIELE 9:27

kuenje o lisila osemana yimosi ocisila ca kola lomanu valua. Pokati kosemana yaco, imũla ocilumba cosonde leci colomema. Kuenje ukuakunyõla iya lovinyuañi via vĩha toke kesulilo, oco ovina via tukuiwa vi wila ukuakunyõla.

HOSEA 13:10

Cilo hẽ, Soma yove o kasi pi nda o ku popela? Olombuale viove vi kasi pi nda vi ku yakela? vina wa tukola eci wa pinga, huti, Nyĩhe osoma kuenda olombuale.

HOSEA 13:11

Nda ku ĩhĩle olosoma lonyeño yange, kuenje nda vi upa locikumbiti cange.

HOSEA 2:11

Nyimũla esanju liaye liosi, lolofesta viaye viefendelo, levi violosãi, lasambata aye, kuenda olofesta viaye vina via kũlĩhĩwa.

OVISILA 8:7

Kuenje wo walisa ocikutu, wo witika uvia, wo walisa esanya, wo kapa efonde, wo witikisa luvia wefonde wa vindiwa luloño, wo li pandekela.

SAKARIYA 10:2

Momo oviteka vi popia esanda. Vakuakutãha va kemba ño. Vakualonjoi va lombolola olonjoi viesanda kuenje va lembeleka lesanda. Oco omanu va tuñayala ño-o ndolomeme, va sakalala omo ka va kuete ungombo.

SAKARIYA 13:2

Ca popia Yehova ceci, hati, Eteke liaco njupa vofeka olonduko vioviteka okuti ka vivalukiwa vali. Njupavo vofeka ovaprofeto vesanda lutima wevĩho.

LUKA 21:24

Va fa losipata, va tualiwa umandekua kolofeka viosi, kuenje Yerusalãi yi kosiwa la vakualofeka toke oloneke via vakualofeka vi sula.

YOANO 19:15

Oco va vilikiya vati, A ipaiwe, a ipaiwe u valela kekulusu. Pilato wa popia lavo hati, Anga, mbalela osoma yene kekulusu? Ovitunda vinene via kumbulula viti, Ka tu kuete osoma yikuavo, te Kaisare.

VA HEVERU 10:26

Momo, nda kovaso yoku kũlĩha onjila yocili tu linga vali akandu locipango, ka ku kala vali ocilumba cimula akandu.

LIOLONGANJI 17:5

Ulume waco Mika wa kala lonjo yosuku yaye. Wa panga efonde limue la terafi yimue, kuenje wa tumbika umue wopomala vaye valume, yu wa linga ocitunda caye.

LIOLONGANJI 18:14

Oco alume vatãlo vana va kũlĩhisile ofeka ya Laisi, va popia lavakuavo vati, Wa kũlĩhi hẽ okuti volonjo evi muli efonde la terafi lociñumañuma ca songiwa, lociñumañuma ca itilua? Kaliye sokololi eci vu linga.

LIOLONGANJI 8:27

Gideone wa tunga lavio efonde limue, yu wa li kapa vimbo liaye, vOfira. Haimo va Isareli vosi va lingila lalio ukahonga. Lia lingila Gideone onjanjo, eye kumue lepata liaye.

I SAMUELE 14:3

kuenda vali Ahiya omõla a Ahituva, manja a Ikabode, omõla a Finehase, omõla a Eli, ocitunda ca Yehova ko Silo. Eye wambata efonde. Omanu ka va kũlĩhĩle okuti Yonatão wa enda.

I SAMUELE 15:23

Momo okusina kua lisoka lekandu liokutãha, lumbinde wa lisoka levĩho lioku fendela oviteka. Omo ove wa pañula ondaka ya Yehova oco eye wa ku pañulãvo okuti ku lingi vali osoma.

I SAMUELE 2:18

Samuele wa vumba vumba Yehova. Eye omõla handi, wa wala wala esanya lielinyu.

I SAMUELE 21:9

Ocitunda citi, Osipata ya Goliata u Filisiti, una ove wa ipaya vocimbota ca Ela, yi kasi, ya wungiwa ponanga, yoyo konyima yefonde. Nda o yongola oku yambata, yambata, kulo ka kuli yikuavo nda hayoyo. Daviti hati, Yikuavo ya lisoka layo ka kuli.

I SAMUELE 22:18

Oco Soma wa popia la Doege hati, Ove muẽle, ñualapo, ipaya ovitunda. Doege u Edome yu wa ñualapo kuenje wa ipaya ovitunda. Eteke liaco wa ipaya omanu vakuakuambata efonde akui ecelãla la vatãlo.

I SAMUELE 23:6

Eci Aviyatare, omõla a Ahimeleke, a tilila ku Daviti ko Kaila, weya lefonde peka.

I SAMUELE 23:9

Daviti wa kuliha okuti Saulu wa kala loku u simĩla oku u linga cĩvi, oco a popia la Aviyatare ocitunda hati, Nena efonde.

I SAMUELE 30:7

Daviti wa popia locitunda Aviyatare, omõla a Ahimeleke, hati, Nenele efonde. Oco Aviyatare wa nenela Daviti efonde.