HOSEA 2:7 - Embimbiliya - Bíblia Sagrada em Umbundu

⁷ O landula vambaisi yaye puãi ka va sangi. O va sanda puai ka va mõli. Oco o popia, hati, Ngenda niukila ku veyange watete, momo nda kaile ciwa, ndeci ñasi ci sule.

HOSEA 2:7 Iomraidhean Croise

II ASAPULO 28:23

Wa lumbila olosuku vioko Damasko, vina vio yulile. Yu wa popia hati, Omo olosuku violosoma via Suria vi va kuatisa, oco ndi vi lumbila ha vi ñuatisa. Puãi via linga enyõleho liaye leli lia Isareli yosi.

OLOSAMO 116:7

Otima wange, tiukila kocipuyukilo cove momo Yehova wa ku iha calua.

ISAYA 30:16

puãi wa lingi hoti, Hacoko, momo tu tila lotuvalu; oco vu tila; kuenje vu linga hoti, Tu endela kotuvalu tuolupesi; oco ava vo landuli va lupuka.

YEREMIYA 14:22

Pokati kolosuku viesanda violofeka hẽ pa li evi vi tẽla oku nena ombela? Pamue ilu, olio muẽle, li eca eca ombela? Haveko hẽ, a Yehova Suku yetu, tua ku imba ovaso? Ove muẽle o lingainga ovina evi viosi.

YEREMIYA 2:2

Kuende, ka vilikiye ko Yerusalãi, huti, Ca popia Yehova ceci, hati, Nda ivaluka ndomo kutila wove wa litumbika olumue. Nda ivalukavo ocisola cove cundombua, ndeci wa ñuama vekalasoko, vofeka ka ya limiwile.

YEREMIYA 2:28

Puãi olosuku viene wa litungili vi kasi pi? Vi votoke, nda vi tẽla oku u popeli kohali yene. A Yuda, olosuku viove via lua, via lisoka lovaimbo ove.

YEREMIYA 2:36

O tungayailala nye loku pongolola olonjila viove? Egito yi ku kutisa osõi ndeci Asuria ya ku kutisa osõi.

YEREMIYA 3:1

Ndi va pula siti, Umue nda o nyãla ukãi waye kuenje eye ukãi wo sia ha lingi ukãi wulume ukuavo, ulume o tiukila vali kokuaye? Oco hẽ ofeka yaco ka yi liñisua enene? Ove wa linga ukahonga lolombaisi via lua, haimo o tiukila kokuange? Oco ca pula Yehova.

YEREMIYA 31:18

Nda yeva eci Efarimi a lila, hati, Ove wa njambula, kuenje nda yambuka ndonale ka ya pokuile. Niũle okuti numbuluka, momo ove vu Yehova Suku yange.

YEREMIYA 31:32

Ocisila caco ka ci lisoki locisila nda lisilile lolosekulu viavo keteke nda va kuata peka loku vopa vofeka ye Egito. Ocisila caco va ci sina kuenje nda litepa lavo. Oco ca popia Yehova.

YEREMIYA 44:17

Puãi tu linga cosi tua likuminya oku linga. Tu timĩhĩla inakulu yokilu insensu loku u pesila ovilumba viokunyua, ndeci etu lolosekulu vietu kuenda olosoma vietu lolombuale vietu tua lingaingale vovaimbo a Yuda kuenda valuwa a Yerusalãi. Momo eci tua lingainga ndoco tua kala lokulia kua lua, kuenje tua kala muẽle ciwa, ka tua muĩle ũvi.

ESEKIELE 16:18

Wa nyañula uwalo wove wa posuisua, wa vi sikĩlĩla, lulela wange linsensu viange wa vi kapa kovaso yavio.

ESEKIELE 16:8

Eci nda ku pita loku ku vanja, tala otembo yove ya kala otembo yoku soliwa. Nda ku nyanyumuĩla onanga yange hã si sikĩlĩla etimba liove. Oco nda lisila love loku lisinga love, kuenje wa linga wange, Oco ca popia Yehova Suku.

ESEKIELE 20:32

Leci wa simi hoti, Tu setahãla vakualofeka, loku lisoka lapata olofeka loku fendela oviti lovawe, lalimue eteke ci lingiwa.

ESEKIELE 23:12

Wa liyongowaila va Asuria, olonguluvulu lolombiali lasualali va wala uwalo wovita, haivo va endela kotuvalu, vosi akuenje volonumbu.

ESEKIELE 23:22

Oco, a Oholiba, ca popia Ñala Yehova ceci, hati, Tala, hu katuila vombaisi yove vana wa litepa lavo kutima, kuenje kolonele viosi ndi va tuma kokuove;

ESEKIELE 23:4

Olonduko viavo vievi: Ukulu waco eye Ohola, manjaco eye Oholiba; kuenje va linga vange. Va cita omãla valume lomãla vakãi. Olonduko viavo vievi: Ohola eye Samaria, Oholiba eye Yerusalãi.

DANIELE 4:17

Episo eli lia kutiwa lolondavululi, kuenda ocihandeleko eci ca tunda kuava va kola, oco vakuamuenyo va limbuke okuti Tõlo o viala kusoma womanu, haeye eca usoma ku a panga, kuenje o vialeka ndaño yu o sule pokati komanu.

DANIELE 4:25

Ove o tundisua pokati komanu, ocitumãlo cove ci kala pokati kovinyama viusenge, kuenda o lisua owangu ndolongombe. O yula lowume wokilu, kuenda olotembo epanduvali vi ku lomboka, toke o limbuka okuti Tõlo eye o viala kusoma womanu, haeye o weca ku a panga.

DANIELE 4:32

O tundisua pokati komanu, ocitumãlo cove ci kala pokati kovinyama viusenge, kuenda o lisua owangu ndolongombe. Olotembo epanduvali vi ku lomboka, toke o limbuka okuti Tõlo, eye o viala kusoma womanu, haeye o weca ku a panga.

DANIELE 5:21

Vo tundisa pokati komãla vomanu; utima waye wa linga ndu wovinyama, locitumãlo caye ca kala pokati kovisema viusenge; wa lisua owangu ndolongombe, kuenda etimba liaye lia yula lowume wokilu; toke a limbuka okuti Suku Tõlo o viala ovosoma omanu haeye o vialekapo u a panga.

HOSEA 1:2

Kefetikilo, eci Yehova a nola Hosea ha lingi uprofeto, oco Yehova wa popia la Hosea, hati, Kuende, ka kuele ukãi ocipuepue loku cita laye omãla, momo ofeka ya limba calua kupuepue poku litepa la Yehova.

HOSEA 13:6

Puãi eci va lia cocili kuenje ve kuta oco ovitima viavo via tumba kuenje va njivala.

HOSEA 14:1

A Isareli, tiukili ku Yehova Suku yene, momo wa kupukili akandu ene.

HOSEA 2:16

Yehova hati, Eteke liaco o nukula huti, Veyange. Ku nukula vali huti, Baale yange.

HOSEA 5:13

Eci Efarimi a limbuka okuvela kuaye kuenda Yuda wa limbuka epute liaye, oco Efarimi wa lamanẽla ka Asuria, wa tuma ko Soma yinene. Eye puãi ka tẽla oku ku sakula, ndaño oku sakula epute liove.

HOSEA 5:15

Niukila vali kocitumãlo cange, toke va limbuka ongole yavo, ha va sandi ocipala cange, ha va sandiliya volohali viavo, vati,