HOSEA 2:2 - Embimbiliya - Bíblia Sagrada em Umbundu

² Livondeli la nyõho,— momo eye hokãi wangeko, ndaño ame, si veyayeko—livondeli muẽle, okuti eye upa upuepue kocipala caye, kuenda onambo yuvaisi kavele aye,

HOSEA 2:2 Iomraidhean Croise

ISAYA 11:12

Ikila olofeka epandela ha konguisa va Isareli va tundisilue, loku ongolola va Yuda va sandokalaile kolonẽle vikuãla violuali.

ISAYA 50:1

Ca popia Yehova ceci, hati, Ukanda woku nyãla nyõho, una ndo nyãla lawo, u kasi pi? Pokati kolondevalisi viange kulie nda ku landisa? Tala, wa landisilui olohole viene, nyõho wa nyãlĩwila okulueya kuene.

ISAYA 58:1

Vilikiya, ku ka liweke, kaluka londaka ya lua ndolumbeta. Sapuila omanu vange okulueya kuavo, kuenda onjo ya Yakoba akandu avo.

YEREMIYA 19:3

Linga huti, Alosoma via Yuda, lene alonungi via Yerusalãi, yeveleli ondaka ya Yehova. Ca popia Yehova Ukualohoka, Suku ya Isareli, ceci, hati. Tala, nenẽla imbo lilo eci cĩvi okuti wosi o ci yeva ovatui aye a sanyanya.

YEREMIYA 2:2

Kuende, ka vilikiye ko Yerusalãi, huti, Ca popia Yehova ceci, hati, Nda ivaluka ndomo kutila wove wa litumbika olumue. Nda ivalukavo ocisola cove cundombua, ndeci wa ñuama vekalasoko, vofeka ka ya limiwile.

YEREMIYA 3:1

Ndi va pula siti, Umue nda o nyãla ukãi waye kuenje eye ukãi wo sia ha lingi ukãi wulume ukuavo, ulume o tiukila vali kokuaye? Oco hẽ ofeka yaco ka yi liñisua enene? Ove wa linga ukahonga lolombaisi via lua, haimo o tiukila kokuange? Oco ca pula Yehova.

YEREMIYA 3:13

Cimosi lika, litavela olohole viove ndomo wa lueyela Yehova Suku yove, kuenje wa tungayaila lingualulu vamẽhi oviti viosi via pulika, kuenje kua tavele kondaka yange. Oco ca popia Yehova.

YEREMIYA 3:18

Koloneke viaco epata lia Yuda li litokeka lepata lia Isareli ha va endela kumuamue, kuenje va tundila kumuamue vofeka yoko Norte ha va iñila vofeka nda ihĩle vakukululu yavo oco va piñalĩsemo omãla vavo.

ESEKIELE 16:20

Kilu liaco wa kuata omãla vove valiune lava vakãi, vana wa cita kokuange yu wa va lumba kokuavio kutala ha va liwa londalu. Ukahonga wove nga hacimueko

ESEKIELE 16:25

Panyãha osi wa tungapo ovotala. Wa sekalisa unumbu wove. Wa lieca ku wosi o pita, loku luisa ukahonga wove.

ESEKIELE 20:4

O va pisa hẽ, a Mõlõmunu, o va pisa? Nda oco, va limbukisa ovombondo olosekulu viavo.

ESEKIELE 23:43

Oco nda popia siti, Alume hẽ, ka va lingi uvaisi eci va lingainga laye ukahonga?

ESEKIELE 23:45

Omanu vakuesunga va va pisa, va va pisa lepiso lia vakuovaisi. Va va pisa lepiso liava va pesela osonde; momo ovo vakuovaisi, osonde yeyi povaka avo.

HOSEA 1:2

Kefetikilo, eci Yehova a nola Hosea ha lingi uprofeto, oco Yehova wa popia la Hosea, hati, Kuende, ka kuele ukãi ocipuepue loku cita laye omãla, momo ofeka ya limba calua kupuepue poku litepa la Yehova.

HOSEA 2:1

Tukula manjove ulume huti, Omanuvange, kuenda manjove ukãi huti, Wasangohenda.

HOSEA 2:5

Momo inaco wa limba kupuepue. U wa va cita ka kuete osõi. Momo hati, Ngenda ku vambaisi yange, vana va nyihãiha ombolo lovava, luwalo wange wovonya olomeme, lowu welinyu, lulela, levi viange vioku nyua.

HOSEA 4:5

Utanya o lilondoka. Uteke o lilondokaila pamosi luprofeto. Nyõla muẽle inene.

MIKA 2:13

U o va tuiyila o pita kovaso. Va tila, va pitila kombundi, va pita, kuenje va tundila posamua. Soma yavo o va pitila kovaso. Yehova o linga usongui wavo.

II VA KORINDO 5:16

Kaliye, ka tu limbuka vali omunu ukuetimba ndeci a limbukiwa ño voluali lulo. Ndaño tua limbukile Kristu ndomunu ukuetimba voluali lulo, haimo, tunde opo, ka tu u sokoluila vali ndoco.