HOSEA 2:11 - Embimbiliya - Bíblia Sagrada em Umbundu

¹¹ Nyimũla esanju liaye liosi, lolofesta viaye viefendelo, levi violosãi, lasambata aye, kuenda olofesta viaye vina via kũlĩhĩwa.

HOSEA 2:11 Iomraidhean Croise

I OLOSOMA 12:32

Keteke liekui la tãlo kosãi yecelala, Yerevoama wa sokiya ofesta ndeyi yo ko Yuda, kuenje wa lumbila kutala. Haico a lingavo ko Betele, wa lumbila olonale vina a pangele, kuenda wa kapa ko Betele ovitunda viovotala okolonumbuko, ana a pangele.

YEREMIYA 16:9

Momo, ca popia Yehova Ukualohoka, haeye Suku ya Isareli, ceci, hati, Tala, voloneke vilo kovaso ove nyimũla vofeka ondaka yonjolela leyi yesanju, nyimũlavo ondaka ya Sandombua leyi ya Ndombua.

YEREMIYA 25:10

Kuenda vali ndi vi upa ondaka yesanju leyi yonjolela. Njupavo ondaka ya Sandombua leyi ya Ndombua, kuenda ocinyi condiyelo. Njupavo ocileñi colombambo vioku silila.

YEREMIYA 7:34

Oco ndinga okuti ondaka yesunga kuenda ondaka yonjolela, ondaka yasandombua kuenda ondaka yondombua, vi liweka vovaimbo a Yuda kuenda volokololo via Yerusalãi, momo ofeka yaco yi linga ekalasoko.

ESEKIELE 26:13

Nyimũla ocileñi covisungo viove. Locileñi cotulialia tuove ka ci yevala vali.

HOSEA 3:4

Momo omãla va Isareli va kala oloneke via lua, osoma lakamue, ndaño omõla a Soma, ndaño ocilumba, ndaño ongunji yi kola, ndaño terafe lefonde.

HOSEA 5:7

Ka va sungulukilile ku Yehova momo va cita omãla yoku lumbula. Oco unyõli o va nyõla kumosi lovapia avo.

OVISILA 26:20

Ongusu yene yo peseka ño, momo osi yene ka yeci ovaima ayo, ndaño oviti viofeka ka vimi epako.

AMOSI 5:21

Nda suvuka olofesta viene. Nda vi nyehũla muẽle. Si sanjukila olohongele viene vioku fendela.

AMOSI 8:3

Eteke liaco ovisungo vionembele vi pongoloka oku litetela. Ovivimbi vi lova. Vinasiwa ekukutu kolonẽle viosi. Oco ca popia Ñala Yehova.

AMOSI 8:5

hoti, Otembo yipi osãi yokaliye yi pita okuti tu landa olomema? Otembo yipi esambata li pita okuti tu talika otiliku ha tu tepulula konjongo yefa loku vokinya kosiekele, loku liaña lolombalãsa viuhembi,

NAHUMI 1:10

Va liwa ndolosongo via litanga. Va pia ndovisaikiti via kukuta.