HOSEA 14:3 - Embimbiliya - Bíblia Sagrada em Umbundu

³ Va Asuria ka va tu popela. Ka tu endela kotuvalu. Ka tu tukula vali upange wovaka etu, tuti, Ove Suku yetu. Osiwe yi sanga ohenda kokuove.

HOSEA 14:3 Iomraidhean Croise

II ASAPULO 16:7

Koloneke viaco ukuavitumasuku Hanani weya ku Asa, Soma ya Yuda, kuenje wa popia laye hati, Omo wa kolela Soma ya Suria kuenje kua kolelele Yehova Suku yove, oco olohoka viosoma ya Suria via pulukila povaka ove.

OLOSAMO 10:14

Ove oku ci mola o ci mola. O limbuka muẽle ohali lekangiso, hu vi fetuluinya leka liove. Ohukui yi litumbika kokuove. Ove wa linga oñuatisi yolosiwe.

OLOSAMO 146:3

Ku ka kolele olosoma. Ku ka kolele omunu ukuasitu omo kokuaye ka kuli ekuatiso.

OLOSAMO 146:9

Yehova o tata vakualofeka, haye o yakela olosiwe lovimbumba, onjila yolondingaĩvi puãi, o yi nyõla.

OLOSAMO 33:17

Oku kolela okavalu kovita okuti ka yulisa, esanda. Ka ka popela omunu longusu yako ya lua.

OLOSAMO 68:5

Isia yolosiwe, onganji yovimbumba, oco ca linga Suku vonjo yaye yi kola.

ISAYA 1:29

Momo vu kuatela osõi ovilemba wa sanjukililili, kuenje vu tatamisilui oviumbo wa nõli.

ISAYA 2:20

Keteke liaco oviteka viopalata levi viulu va vi pangela oku fendela, va vi imba kolonete kuenda kolondilili,

ISAYA 27:9

Eci ovawe osi ovotala a nyanyoha ndocikela, leci ka kuli vali olongunji vi kola pamue ovotala insensu oco ekandu lia Yakoba li ecelua, kuenje epako liocili liokuimuiwa kuekandu liaye li molẽha.

ISAYA 30:16

puãi wa lingi hoti, Hacoko, momo tu tila lotuvalu; oco vu tila; kuenje vu linga hoti, Tu endela kotuvalu tuolupesi; oco ava vo landuli va lupuka.

ISAYA 30:2

Va katuka oku enda ke Egito puãi ka va pulile hã ha va yevi vomela wange. Va tilila vombonge ya Fareo, ha va vundi vulembo we Egito.

ISAYA 31:1

Ava va lokila ke Egito oku kuatisiwa, ngongo yavo! Va kolela otuvalu kuenda akãlu ovita omo a lua, va kolelavo vakuakuendela kotuvalu omo va pama ca lua, puãi ka va imbi ovaso ku U o kola wa Isareli, ndaño oku sanda Yehova.

ISAYA 31:3

Va Egito omanu, ha Suku ko. Kuenje otuvalu tuavo tuositu, havilelembiako. Eci Yehova olõla eka liaye, u o kuatisa o lipunduka, lu wa kuatisiwa o likasulapo, kuenje vosi va nyolẽhẽla kumuamue.

ISAYA 36:8

Yekelapo cimue la cime cange Soma ya Asuria, kuenje ame hu ĩhã olohulukãi vivali viotuvalu nda ove o tẽla oku sanga ava vaendelako.

YEREMIYA 49:11

Sia olosiwe viove, ame ndi vi kalisa lomuenyo. Ovimbumba viove vi ñolẽle.

ESEKIELE 36:25

Oco ndu nyĩli ovava a yela okuti vu yelisua kevĩho liene liosi. Ndu yelisi koviteka viene viosi.

ESEKIELE 37:23

Ka va livĩhĩsa vali loviteka viavo, pamue lovina viavo vi linga onyanya, pamue loku lueya kuavo kuosi. Puãi ndi va popela kovosuanji avo osi ana va lingaile lao akandu, kuenje ndi va yelisa. Oco va linga omanu vange, lame ndinga Suku yavo.

HOSEA 12:1

Efarimi o seteka oku endisa ofela, o landula ofela yokutundilo eteke liosi. Va luisa uhembi lesanda. Va linãlĩsa la Asuria kuenje va tuala ulambu wulela ke Egito.

HOSEA 13:2

Cilo va kasi loku amamako kakandu. Va litungila oviteka viutale wa yanguluiwa, loviteka vimue va vi tunga lopalata. Upange waco wosi wolomesele. Va popia vati, Vi lumbila! Omanu va sipula olonãle!

HOSEA 14:8

A Efarimi, ñuete hẽ nye loviteka? Ame, ame muẽle ndukuaku kumbulula, haime hu tata. Nda linga ndulemba u talala. Kokuange ku tunda esumũlũho liove.

HOSEA 2:17

Momo njupa vomela waye olonduko via va Baale okuti ka vi tukuiwa vali londuko.

HOSEA 4:12

Omanu vange va pinga pinga kociteka cuti, lombueti yavo yi va imbaimba onumbi. Momo utima wukahonga wa va lueyisa, kuenje va litepa la Suku yavo ha va lingi vakahonga.

HOSEA 5:13

Eci Efarimi a limbuka okuvela kuaye kuenda Yuda wa limbuka epute liaye, oco Efarimi wa lamanẽla ka Asuria, wa tuma ko Soma yinene. Eye puãi ka tẽla oku ku sakula, ndaño oku sakula epute liove.

HOSEA 7:11

Efarimi wa soka ndopomba, wa wulua, ka kuete olondunge, O vilikiya Egito, enda ka Asuria.

HOSEA 8:6

Omunu wa yi tunga, Suku heyeko, Onale ya Samaria yi nyanyuiwa.

HOSEA 8:9

Momo va lamana ka Asuria ndocisema congendalika. Efarimi wa fetela vokahonga.

YONA 2:10

Oco Yehova wa popia lolusi kuenje lua sanjela Yona kongongo.

SAKARIYA 13:2

Ca popia Yehova ceci, hati, Eteke liaco njupa vofeka olonduko vioviteka okuti ka vivalukiwa vali. Njupavo vofeka ovaprofeto vesanda lutima wevĩho.

YOANO 14:18

Siu si olosiwe, njiya vali kokuene.

ESINUMUĨLO 17:16

Haimo ka ci tava osoma oku fuka otuvalu tualua, pamue oku tiuwiya omanu ke Egito okuti va fukilako otuvalu; momo Yehova wa popia lene hati, Vonjila yaco ka vu pitimo vali.