HOSEA 13:3 - Embimbiliya - Bíblia Sagrada em Umbundu

³ Oco va linga ndombundu yomẽle, pamue ndowume u takata lombili, pamue ndovisaikiti viocimbandi via ambatiwa locipepe, pamue ndowisi u tunda velungu.

HOSEA 13:3 Iomraidhean Croise

YOVI 21:18

okuti va linga ndovinene vi enda lofela, pamue ndovisaikiti vi ambatiwa lehunguhungu?

YOVI 30:15

Via lua vi njokokisa via ñuala. Ndeci ofela yambata haico esunga liange li tatamisua. Okusalala kuange kua pita ndelende.

OLOSAMO 1:4

Olondingaĩvi hacoko. Ovo va linga ndovisaikiti vi enda lofela.

OLOSAMO 68:2

Ndeci owisi u punguiwa haico o va pungula. Ndeci esela li yenguluka kondalu, haico olondingaĩvi vi nyõlehele kovaso a Suku.

ISAYA 17:13

Olofeka vi linga onjuvungo ndonjuvungo yovava a lua, puãi eye o vi lemẽla kuenje vi tilila kupãla, vi punguiwa lofela ndovisaikiti viokolomunda, vi votuiwa ndoneketela yi votuiwa lofela yehunguhungu.

DANIELE 2:35

Oco utale lotuma losipi lopalata lulu, viosi via nyanyõha, via linga ndovisaikiti pocimbandi kotembo yoku sasa; ofela ya vi pengula, kuenje ka via mõlẽhẽle vali. Puãi ewe lia vetele ociñumañuma lia linga omunda yinene kuenda lia yukisa ilu lieve liosi.

HOSEA 6:4

Ndinga nye love, a Efarimi? Ndinga nye love, a Yuda? Ocisola cene ca soka ndelende liomẽle kuenda ndowume u loluka lonjanga.

SOFONIYA 2:2

osimbu kuambatiwile ndovisaikiti vi enda lofela; osimbu onyeño ya Yehova ka ya ku wilile, osimbu eteke lionyeño ya Yehova ka lieyile kokuove.

SAKARIYA 8:12

Momo mbuaya ombembua loku salala. Uyuva wima epako liawo losi yeca ovaima ayo. Kovailu ku loka owume. Kuenje muisa ocisupe comanu ava ovina evi viosi.