HOSEA 13:10 - Embimbiliya - Bíblia Sagrada em Umbundu

¹⁰ Cilo hẽ, Soma yove o kasi pi nda o ku popela? Olombuale viove vi kasi pi nda vi ku yakela? vina wa tukola eci wa pinga, huti, Nyĩhe osoma kuenda olombuale.

HOSEA 13:10 Iomraidhean Croise

I OLOSOMA 12:20

Eci Isareli yosi ya yeva okuti Yerevoama wa tiuka, va tuma oku u vilikiyila vohongele, kuenje vo lingisa osoma kIsareli yosi. Lomue wa kuama onjo ya Daviti, te lika epata lia Yuda.

II OLOSOMA 17:4

Puãi Soma ya Asuria vutima wa Hosea wa muilamo usuanji, momo wa tumile olomunga ku So, Soma yEgito, kuenda ka lambuilile vali Soma ya Asuria ndeci a lingaile unyamo kunyamo. Oco Soma ya Asuria wo yika, yu wo pandekela vokayike.

OLOSAMO 10:16

Yehova eye osoma otembo ka yi pui. Vakualofeka va pua vofeka yaye.

OLOSAMO 149:2

Isareli a yolele u wo lulika. Va Siono va sanjukile Soma yavo.

OLOSAMO 44:4

Ove wusoma yange, haive u Suku yange, ove wa handeleka okuti Yakoba o yula yula.

OLOSAMO 74:12

Haimo lumue, Suku eye Soma tunde konahũlu, haeye o yula yula kilu lieve.

OLOSAMO 89:18

Momo Yehova eye ombindikiyo yetu. U o kola wa Isareli eye Soma yetu.

ISAYA 33:22

Momo Yehova eye onganji yetu haeye ombiali yetu. Yehova eye Soma yetu, eye o tu popela.

ISAYA 43:15

Ame ndi Yehova, ame ndu wene o kola, haime ndusovoli wa Isareli, haime Soma yene.

YEREMIYA 2:28

Puãi olosuku viene wa litungili vi kasi pi? Vi votoke, nda vi tẽla oku u popeli kohali yene. A Yuda, olosuku viove via lua, via lisoka lovaimbo ove.

YEREMIYA 8:19

Tala, ondaka yokuliyeya kuomõla omanu vange ukãi ya yevala kolonele viosi viofeka. Yehova hẽ, ka kasi vo Siono? Soma yaye hẽ, ka kasimo? Va nemisila nye loviñumañuma viavo via songiwa loviteka viavo via vakualofeka?

ASIÕSUILO 4:20

Efuimo liovanyulu etu, okuti Ombuavekua ya Yehova, ya kuatiwila vakueve avo. Eye una tua tukuaile tuti, Vemehi liundembo waye tu kala ciwa pokati kolofeka.

HOSEA 10:3

Cilo ka va kambi oku popia vati, Ka tu kuete osoma momo ka tu kuete usumba wa Yehova, kuenje Soma o tu kuatisa ndati?

HOSEA 13:4

Ame muẽle Yehova Suku yene tunde wa kaili ve Egito. Ka wa kũlĩhĩli Suku yikuavo te ame. Ka kuli upopeli ukuavo te ame.

HOSEA 3:4

Momo omãla va Isareli va kala oloneke via lua, osoma lakamue, ndaño omõla a Soma, ndaño ocilumba, ndaño ongunji yi kola, ndaño terafe lefonde.

HOSEA 7:7

Vosi yavo va tokota ndofolono. Va nyõla olombiali viavo. Olosoma viavo viosi via kupuka. Pokati kavo lomue o mbilikiya.

HOSEA 8:4

Va vialeka olosoma, puãi halondaka yangeko. Va tumbika olombiali, ame puãi sia ci kũlĩhĩle. Lopalata yavo lulu wavo va litung oviteka. Va vi litungilila okunyõlẽha kuavo.

SAKARIYA 14:9

Kuenje Yehova o linga osoma yoluali luosi. Keteke liaco Yehova o linga umuamue londuko yimuamue.

YOANO 1:49

Nataneli wo kumbulula hati, A Rambei, vu Mõla a Suku, vu Soma ya Isareli.

I SAMUELE 8:7

Yehova yu wa kumbulula Samuele hati, Yeva cosi omanu va popia love momo haveko va ku yanduluka, ame muẽle va njanduluka okuti si lingi vali Soma yavo.