HOSEA 11:8 - Embimbiliya - Bíblia Sagrada em Umbundu

⁸ A Efarimi, ndi litepa ndati love! Hu eca ndati, a Isareli! Nẽla ndati oku ku kundula ndeci nda linga la Adimah! Nẽla ndati oku linga love ndeci nda linga la Cevoyi! Utima wange ka u tava, ohenda yange yi tumbuluka loku omboka.

HOSEA 11:8 Iomraidhean Croise

EFETIKILO 14:8

Kuenje kueya osoma ya Sodoma, losoma ya Gomora, losoma ya Adema, losoma ya Sevomi kuenda osoma ya Bela, ndokuti Soyara, oku liyaka lavo vocimbota ca Sidimi,

II SAMUELE 24:16

Eci ungelo waco wolõla eka liaye ha nyõli Yerusalãi oco Yehova wa livela nda ka tumile ohali yaco. Wa popia lungelo wa kala pokati komanu oku va nyõla, hati, Kua pua. Liwekapo. Kotembo yaco ungelo wa kala kocisaselo ca Arawuna u Yevusi.

I OLOSOMA 3:26

Oco ina yomõla una wa kala lomuenyo wa kuatela omõlaye ohenda, kuenje wa popia la Soma hati, A cime cange, wiha omõla o kasi lomuenyo, ku ka wipaye ño! Puãi ukãi ukuavo hati, Ka ka linge ndaño wange, ndaño wove. U toli pokati!

II OLOSOMA 13:23

Puãi Yehova wa vombokela, wa va linga ohenda wa va ivaluka mekonda liocisila caye la Avirahama la Isake la Yakoba. Ka yonguile oku va nyõla, ndaño toke cilo lopo ka va takumuĩle kovaso aye.

II ASAPULO 36:15

Yehova Suka yolosekulu viavo, ka liwekele oku va tumaisa olomunga viaye, momo wa kala lohenda lomanu vaye locitumãlo caye.

OLOSAMO 106:45

Wa va ivalukila ocisila caye. Koayeño yaye wa litiulamo mekonda liokulua kuocisola caye ka ci pui.

ISAYA 16:11

Oco utima wange u lisiõsuĩla Moavi ndohalupa; vonũlo yange mu lisiõsuĩla Kiriharesi.

ISAYA 63:15

Ove o kasi kilu vonjo yove yi kola ya posoka, vanja posi. Ombili yove kuenda ovikomo viove vi kasi pi? Ongeva yove lohenda yove via nimiliwa.

YEREMIYA 18:8

ofeka yaco nda tukula, nda noke yi tinduka kevĩho liayo, ame ndi liweka kueci cĩvi nda sokele oku yi linga.

YEREMIYA 3:12

Ku ende, ka vilikiyile ko Norte olondaka evi huti, A Isareli, Okualukonyo, tiuka. Siu ku vanji vali lonyeño. Oco ca popia Yehova. Omo ndukuahenda, oco si patekela ño-o onyeño. Oco ca popia Yehova.

YEREMIYA 31:20

Efarimi hẽ, hamõlangeko wa soliwa? Hamõlako o sokoluiwa enene? Ndaño ndu pisa pisa haimo ndu wivaloka So. Oco utima wange wu kuetele ongeva, kuenje ndu linga ohenda. Oco ca popia Yehova.

YEREMIYA 42:10

Nda vu kala vofeka yilo, oco ame ndu tungisi kuenje siu tungululi; ndu kũli kuenje siu tukũli; momo nda likekembela eci cĩvi ndo lingi.

YEREMIYA 9:6

Kefũki va vokiyako efũki, kelimbi va vokiyako elimbi. Ka va tava oku ñulĩha. Oco ca popia Yehova.

YEREMIYA 9:7

Oco, ca popia Yehova Ukualohoka, ceci, hati, Tala, ndi va yengulula loku va seteka. Nye vali nẽla oku linga lomanu vange?

ASIÕSUILO 1:20

Tala, a Yehova, momo nda yambuka; utima wange wa tokotelua, wa liketika vokati kange, omo nda huka ca lua. Vimbo osipata yi kesa kesa. Vonjo mu li okufa.

ASIÕSUILO 3:32

puãi ndaño o sumuisa omunu, noke u kuatela ohenda, momo ocisola caye ka ci pongoloka.

ASIÕSUILO 3:33

Momo Yehova ka pangi oku talisa omunu ohali, pamue oku u suvalisa.

ESEKIELE 33:11

Ndomo ñasi lomuenyo si sanjukila okufa kuondingãivi. Eci puãi sanjukila ceci, Nda ondingãivi yi tinduka konjila yaye ha yi kala lomuenyo. Apata lia Isareli, tinduki, tinduki kolonjila viene vĩvi. Vu fila nye?

ESEKIELE 6:9

oco ava pokati kene va puluka, va njivalukila pokati kapata kuosi va tualiwa, eci ndi teya utima wavo wukahonga una wa litepa lame, leci matisa ovaso avo a tunguila koviteka viavo, leci va likuatela onyanya ovo muẽle mekonda liavĩho avo osi va lingainga kuenda ovombondo avo osi.

HOSEA 6:4

Ndinga nye love, a Efarimi? Ndinga nye love, a Yuda? Ocisola cene ca soka ndelende liomẽle kuenda ndowume u loluka lonjanga.

HOSEA 7:1

leci njongola oku sakula Isareli, oco ekandu lia Efarimi li mõlẽha, kuenda ovilinga vĩvi via Samaria. Momo va fũla fũla luhembi. Ocimunu ci iñila vokati, kosamua ovingumba vi punda.

AMOSI 4:11

Nda kundula amue ovaimbo ene ndeci Suku a kundula Sodoma la Gomora. Kuenje ene wa soki locitonga ca popelua vondalu. Haimo ka wa tiukili kokuange. Oco ca popia Yehova.

AMOSI 7:3

Oco Yehova wa litiulamo, hati, Ka ciya. Oco ca popia Yehova.

AMOSI 7:6

Oco Yehova wa litiulamo, hati, Eci lacovo, ka ciya. Oco ca popia Yehova.

MIKA 5:3

Oco o va eca toke u o kasi lolongembia a cita; oco ocisupe cavo ci tiukila komãla va Isareli.

SOFONIYA 2:9

Oco, ca popia Yehova Ukualohoka, Suku ya va Isareli, ceci, hati, Ndeci ñasi lomuenyo, Moavi yi soka la Sodoma, va Amoni va kala nda va Gomora. Olofeka viaco vi yuka ovisapa violunyi lovima viomongua, vi linga alunda ka a tungiwa vali. Ocisupe comanu vange ci va punda; ava va supapo komanu vange va va kuata.

MATEO 23:37

A Yerusalãi, a Yerusalãi, okuakuipa ovaprofeto, okuaku sosola ava va tumiwa kokuove. Olonjanja via lua nda livela oku vutama omãla vove ndeci ekuwe li vutama ivuvu vialio vemi liavava alio, kuenje ka wa taveli!

ESINUMUĨLO 29:22

Oco ocitumbulukila ci kuãi, okuti omãla vene vo kuami, lukuafeka yiñi o tunda kofeka kupãla, eci va mõla afengi eya kofeka yilo, lovovei Yehova a yi veta lao,

ESINUMUĨLO 29:23

leci va mõla ndomo ofeka yosi ya linga ofeka yofuofuo lomongua, haiyo ya linga epile ka li kũlĩwa, ka mu tundi cimue, ndaño oku yunda owangu ka mu yundi, okuti enyolẽho liayo li soka lenyõleho lia Sodoma la Gomora, kuenda Adima la Cevoyi, ovaimbo ana Yehova a nyõla lonyeño yaye lokutema kuaye,

ESINUMUĨLO 32:36

Momo eci Yehova a mõla okuti unene wavo wa pua, leci a mõla okuti ka pa va supila ndaño umosi, ci kale upika, ci kale omamale, oco Yehova o tetuluila omanu vaye, kuenje o linga akuenje vaye ohenda.

II PETULU 2:6

nda ovaimbo a Sitomo la Gomora, poku a lingisa etiko, wa a pisa, okuti wa a tukuila oku nyõleha pe kuenje wa a lekisa ku vakuakutomba Suku ndongangu,—

YUDA 1:7

Kuenda vali, ovaimbo a Sodomo la Gomora, lovaimbo akuavo a lisungue lao, omo a lieca kukahonga loku kuama ovilinga viumbondo lupuepue, ndeci omanu vaco va kasi loku linga, cilo a linga elungulo, momo a kasi loku yambuiwa londalu ka yi pui.

ESITULUILO 11:8

Ovivimbi viavio vi kala poluwa luimbo linene, olio va li tukula lespiritu vati, Sodomo kuenda Egito, haiko kua valelua Ñala yavo.

ESITULUILO 18:18

kuenje va liyula eci va mola evonge liokupia kualio, vati, Imbo lipi lia la soka limbo eli linene?

LIOLONGANJI 10:16

Oco va tundisa olosuku viñi pokati kavo, kuenje va vumba Yehova. Leye ka tẽlele vali oku tutuiya ocikembe cutima waye kupongo wa Isareli.