HOSEA 11:2 - Embimbiliya - Bíblia Sagrada em Umbundu

² Puãi ndaño ame nda tongeka oku va kovonga haimo vamamako oku litepa lame. Va lumbaile va Baale kuenda va timĩhãile insensu oviteka.

HOSEA 11:2 Iomraidhean Croise

I OLOSOMA 12:33

Keteke liekui la tãlo kosãi yecelala, osãi yina a nolele locipango caye, wa lamanela kutala una a tungile ko Betele. Wa sokiyila va Isareli ofesta kuenda wa lamanela kutala loku timiha insensu.

I OLOSOMA 18:19

Kaliye tuma oku ongoluila kokuange Isareli yosi, komunda ya Karimele kumue lovaprofeto va Baale ovita vikuãla lakuĩ atãlo, kuenda ovaprofeto va Asera, ovita vikuãla, vana lialia komesa ya Isevele.

NEHEMIYA 9:30

Wa pandakaisa lavo anyamo a lua loku va lungula lEspiritu liove lovimẽla viovaprofeto vove. Puãi, haimo, ka va ku yevele, oco wa va eca peka lia vakualofeka viaco.

ISAYA 65:7

Evĩho liavo leli lia vaisiavo ndi a fetului nyila kumuamue. Omo va timĩhĩla insensu kolomunda, kuenje va mbihĩsĩla kawulu, oco fetuluinyila ovilinga viavo volonulo viavo. Oco ca popia Yehova.

YEREMIYA 18:15

Puãi omanu vange va njivala. Va timĩhĩla olosuku viesanda insensu. Va likonjokela volonjila viavo viosiãhũlu. Va pambukila votunjila tuaño, ka va endela vali velila liocili.

YEREMIYA 35:13

Ca popia Yehova Ukualohoka, Suku ya Isareli, ceci, hati, Kuende, ka popie lalume va Yuda lolonungi via Yerusalãi huti, Anga, ka vu tava oku longiwa? Ka vu tava oku yevelela kolondaka viange? Oco ca popia Yehova. Ka vu tava oku yevelela kolondaka viange? Oco ca popia Yehova.

YEREMIYA 44:5

Haimo ka va njevelele, kuenje ka va ñuluilile ovatui avo, okuti va yuvula evĩho liavo lioku timĩhĩla olosuku viñi insensu.

HOSEA 11:7

Omanu vange va likapela utima woku litepa lame; oco va kapiwa okanga kuenje lomue o va yupa.

HOSEA 2:13

Ndu fetuluinyila oloneke violofesta vioku timãhãila Baale insensu, cina a liposuisa lovimbilingu lolomota viaye kuenje wa landula vambaisi yaye, ame puãi wa njivala. Oco ca popia Yehova.

HOSEA 4:13

Va lumbaila kilu liolomunda. Va timĩha insensu koviwulu vemẽhi liovilemba, momo undembo wavio uwa. Oco omãla vene vakãi va linga ovipuepue, kuenda olondombua viene vi limba kukahonga.

HOSEA 4:17

Efarimi wa litokeka loviteka. A kaleño.

SAKARIYA 1:4

Ko ka lingi ndolosekulu viene, vina ovaprofeto vatete va vi vetiyile vati, Ca popia Yehova Ukualohoka ceci, hati, Tinduki kolonjila viene via penga kuenda kovilinga viene vĩvi. Puãi ka va njevele, ndaño oku mokola. Oco ca popia Yehova.

SAKARIYA 7:11

Ovo puãi ka va tavele oku yeva. Va imba onyima. Va sitika ovatũi avo okuti ka va yevi.

LUKA 13:34

A Yerusalãi, a Yerusalãi, okuaku ipa ovaprofeto, loku sosola ava va tumiwa kokuove. Olonjanja via lua nda livela oku vutama omãla vove ndeci osanji yi vutama ovivuvu viayo vemi liavava ayo, kuenje ka wa taveli.

YOANO 3:19

Kuenje episo liaco lieli, ocinyi ceya voluali, puai lopo omanu va sole ca lua owelema, okuti ocinyi ci sule, momo ovilinga viavo vĩvi.

OVILINGA 7:51

A vakuapasingo a kevela, haene vuviyamba viovutima lovovatui, vu litamalala ño-o le Espiritu Sandu. Ndeci olosekulu viene via linga haico ene vu linga.

LIOLONGANJI 10:6

Va Isareli va linga vali eci cĩvi kovaso a Yehova. Va vumba vo Baale, lAsitarote, lolosuku via Suria, lolosuku via Sidono, lolosuku via Moavi, lolosuku via va Amoni, lolosuku via va Filisiti. Va yanduluka Yehova, ka vo vumbile.

LIOLONGANJI 2:13

Va yanduluka Yehova, va vumba Baale la Asitarote.

LIOLONGANJI 3:7

Va Isareli va linga eci cĩvi kovaso a Yehova. Va ivala Yehova Suku yavo, kuenje va vumba vo Baale la Asera.