HOSEA 10:8 - Embimbiliya - Bíblia Sagrada em Umbundu

⁸ Olonumbuko via Avene, havio ekandu lia Isareli, vi nyõlẽha. Kovotala avio ku tundila olosongo lososo. Va popia lolomunda, vati, Tu tuviki, kuenda loviwulu, vati, Tu kupukili.

HOSEA 10:8 Iomraidhean Croise

EFETIKILO 3:8

Va yeva ondaka ya Yehova Suku eci a ñuala ñuala vocumbo koñolosi; oco ulume lukãi waye va salama kolonyima vioviti viovocumbo oku tila Yehova Suku.

I OLOSOMA 13:2

Yu wa keluhila utala londaka ya Yehova, hati, Otala! Otala! ca popia Yehova ceci, hati, Ota, omõla o citilua vonjo ya Daviti, onduko yaye Yosiya, kokuove o laika oku lumbilako ovitunda viovotala okolonumbuko vina vi kasi loku timihila insensu kokuove, kuenda akepa omanu a laika oku yokelua kokuove.

I OLOSOMA 13:34

Ocina eci ca linga ekandu vepata lia Yerevoama, yu ca koka oku li malapo loku li kundula kilu lieve.

I OLOSOMA 14:16

Weca Isareli kovanyali mekonda liakandu ana a linga Yerevoama, haeye wa kokela Isareli oku linga ekandu.

II OLOSOMA 23:15

Kuenda vali utala wo ko Betele lonumbuko yina ya pangele Yerevoama omõla a Nevata, una wa kokela Isareli oku lueya, utala waco lonumbuko yaco, wa vi leñula. Wa yoka onumbuko, wa yi keleketa toke ya linga oneketela. Wa yokavo Asera.

II ASAPULO 31:1

Eci ovina evi viosi via pua, oco va Isareli vosi vana veyile, va enda kovaimbo a Yuda, kuenje va nyanyõla oviñumañuma, va timbula Asera kuenda va lundula olonumbuko lovotala oko Yuda yosi la Benjamini, ndaño kEfarimi la Manase, toke va nyõla cosi pe. Noke va Isareli vosi va tiukila kovaimbo avo, omunu omunu kocitumãlo caye.

ISAYA 2:19

Omanu va iñila valeva ovawe lovalungi oposi, oku tila esaluiso lia Yehova kuenda ulamba wunene waye, eci a katuka oku yokokisa oluali.

ISAYA 2:21

ha va iñila valeva ovawe kuenda vovitelele viovawe a toka, oku tila esaluiso lia Yehova kuenda ulamba wunene waye eci a katuka oku yokokisa longusu.

ISAYA 32:13

Litutuili osi yomanu vange yi kasi loku yunda olosongo lolosanyanya. Litutuili olonjo viosi viesanju vimbo liesanju.

ISAYA 34:13

Vovikolo viayo mu tundila olosongo. Ocambanda kuenda olonjuanjua vi tundila volombonge viayo, yi linga avungu olombulu kuenda ocililo colombo.

HOSEA 10:2

Utima wavo we yuka uhembi, oco va yambuiwila ongole yavo. Yehova o nyõla ovotala avo kuenda o teya olongunji viavo vi kola.

HOSEA 10:5

Olonungi via Samaria vi lulumĩla onãle ya Betawene. Omanu vaco va yi lilila kuenda ovitunda vi yi liyeyela. Vi lilila omo ulamba wayo wa tunda.

HOSEA 10:9

A Isareli, tunde koloneke via Givea wa linga ekandu. Wamamako lalio. Ovita he, ka vi va sangi vo Givea?

HOSEA 2:6

Oco sitika onjila yaye lolosongo, loku umbako ongumbo, okuti ka sangi vali olonjila viaye.

HOSEA 4:13

Va lumbaila kilu liolomunda. Va timĩha insensu koviwulu vemẽhi liovilemba, momo undembo wavio uwa. Oco omãla vene vakãi va linga ovipuepue, kuenda olondombua viene vi limba kukahonga.

HOSEA 4:15

A Isareli, ndaño ove muẽle o limba kukahonga, haimo Yuda ka ka pie. Ku ka ende ko Giligali. Ku ka lamane ko Betawene. Ku ka lisile, huti, Ndeci Suku o kasi lomuenyo.

HOSEA 5:8

Siki enguena vo Givea lolumbeta vo Rama. Vilikiyi londaka yalua vo Betawene. A Benjamini, luluma!

HOSEA 8:5

A Samaria, nda pembula onale yove. Onyeño yange ya va wengukila. Oku lipua kua va Isareli kuiya eteke lipi?

HOSEA 9:6

Momo, tala! Va enda ka Asuria; Egito o va ongolola, Mefisi o va kenda. Onjunde yi sitika ovikuata viavo vi kola viopalata, lolosongo vi kala volombalaka viavo.

AMOSI 1:5

Ndi teya usiakãla wa Damasko. Njipãilẽla olonungi vekungu lia Avene. Njipãilãvo u o kuete epangati liuviali wa Betedeni. Omanu va Suria va tualiwa kumandekua ko Kiri. Oco ca popia Yehova.

AMOSI 3:14

Momo eteke njambuila Isareli olohole viaye njambulavo ovotala a Betele. Olombinga viutala vi tetiwa, vi kupukila posi.

AMOSI 7:9

Olonumbuko via Isareli vi kunduka, lovitumãlo vi kola via Isareli vi nyõlẽha. Mbotokela onjo ya Yerevoama losipata.

AMOSI 8:14

Ava va lisinga la Asima ya Samaria vati, Ndomo Suku yove a kasi lomuenyo, a Dani, kuenda vali vati, Ndomo onjila ya Bereseva yi kasi lomuenyo, ava va ci linga va kupuka, loku votoka vali lakamue.

MIKA 1:13

A Lakisi, kutila otuvalu kakalu: ove wa linga efetikilo liekandu komõla a Siono ukãi, momo okulueya kua va Isareli kua sangiwa kokuove.

MIKA 1:5

Eci cosi ciyilila okulueya kua Yakoba lekandu liepata lia Isareli. Okulueya kuaco kua Yakoba kue? Ha Samãriako? Lekandu liaco liepata lia Yuda lie? Ha Yerusalãiko?

NAHUMI 3:11

Lovevo o kolua, haive o saluka, o sanda ocikolo hu tila unyãli.

LUKA 23:30

Eci viya, omanu va fetika oku popia lolomunda vati, Tu leñuhĩli, kuenda lovivulu vati, Tu tuviki

ESINUMUĨLO 9:21

Noke nda nyañula ekandu liene liongombe wa tungili, nda yi yoka vondalu, nda yi keleketa pe loku yi sula toke ya linga ndoneketela. Oneketela yaco nda yimba vokalui ka tunda komunda.

ESITULUILO 6:16

Kuenje va popia lolomunda lovawe vati, Tu leñuhili. Tu vindikiyi kocipala cu wa tumala kocalo, kuenda konyeño ya Kameme.

ESITULUILO 9:6

Oloneke viaco omanu va ka sanda oku fa kuenje ka va ku sangi, va livela okufa, okufa puãi ku va tila.