HOSEA 10:5 - Embimbiliya - Bíblia Sagrada em Umbundu

⁵ Olonungi via Samaria vi lulumĩla onãle ya Betawene. Omanu vaco va yi lilila kuenda ovitunda vi yi liyeyela. Vi lilila omo ulamba wayo wa tunda.

HOSEA 10:5 Iomraidhean Croise

II OLOSOMA 10:29

Haimo lumue Yehu ka litepele lakandu a Yerevoama omõla a Nevata, ana a linga loku kokela Isareli oku lueya, ndokuti olonale viulu vina via kala ko Betele lo ko Dani.

II OLOSOMA 17:16

Va yanduluka ovihandeleko viosi via Yehova Suku yavo. Va litungila oviñumañuma via itilua ndokuti olonale vivali. Va panga ociñumañuma ca Asera. Va fendela olohoka viosi viokilu kuenda va vumba Baale.

II OLOSOMA 23:5

Wa tundisa ovitunda vioviteka, vina olosoma via Yuda via tumbikilile oku timiha insensu kovotala okolonumbuko, vovaimbo a Yuda, lovovaimbo a ñuala Yerusalãi. Wa tundisavo vakuakutimihila insensu Baale, lekumbi, losãi, lolombungululu, lolohoka viosi viokilu.

II ASAPULO 11:15

Wa linolela ovitunda viovotala okolonumbuko, levi vioviñumañuma violohombo lolonale, vina a pangele.

II ASAPULO 13:8

Kaliye ene, omo wa lingi owiñi wa lua, kuenda vu kasi lolonale viulu, vina Yerevoama o pangeli ndolosuku, vu simi oku litamalala lusoma wa Yehova u li povaka omãla va Daviti.

ISAYA 46:2

Vi petama, vi kekamẽla kumuamue. Ovilemo viaco ka vi tẽla oku lipopela puãi ovio muẽle vi kuatiwa, vi enda kumandekua.

HOSEA 13:2

Cilo va kasi loku amamako kakandu. Va litungila oviteka viutale wa yanguluiwa, loviteka vimue va vi tunga lopalata. Upange waco wosi wolomesele. Va popia vati, Vi lumbila! Omanu va sipula olonãle!

HOSEA 4:15

A Isareli, ndaño ove muẽle o limba kukahonga, haimo Yuda ka ka pie. Ku ka ende ko Giligali. Ku ka lamane ko Betawene. Ku ka lisile, huti, Ndeci Suku o kasi lomuenyo.

HOSEA 5:8

Siki enguena vo Givea lolumbeta vo Rama. Vilikiyi londaka yalua vo Betawene. A Benjamini, luluma!

HOSEA 9:1

Ku ka yolele, a Isareli. Ku ka sanjuke nda vakualofeka. Momo wa linga ocipuepue. Wa yanduluka Suku yove. Wa sanjukila ofeto yupuepue kovisaselo viosi viotiliku.

HOSEA 9:11

Ulamba wa Efarimi u pãlãla ndonjila ha wendi kũpãla. Ka ku kala oku cita, ka ku kala omisi, ndaño oku mina.

AMOSI 3:14

Momo eteke njambuila Isareli olohole viaye njambulavo ovotala a Betele. Olombinga viutala vi tetiwa, vi kupukila posi.

SOFONIYA 1:4

Ngoluila Yuda eka liange kuenda olonungi viosi via Yerusalãi. Nyõla kocitumalo cilo ocisupe ca Baale kuenda onduko yovitunda vi fendaila oviteka,

OVILINGA 19:27

Oco kuli ohele okuti hacipinduko cetuko lika ci sepuiwa, puãi lonembele ya suku yinene Diana layovo yi tombiwa. Kulivo ohele yokuti eye muẽle Diana, ndaño va Asia vosi kuenda vosi vokoluali vo fendela, haimo o pumba ulamba waye.

YEHOSUA 7:2

Yehosua wa tuma alume, va tunda ko Yeriko ha va endi ko Hai, yi lisungue la Betavene, kutundilo wa Betele, yu wa popia lavo hati, Kuendi, kũlĩhisi ofeka. Oco alume va enda kuenje va kũlĩhisa Hai.

LIOLONGANJI 18:24

eye hati, Olosuku viange, vina nda panga, wa vi pundi kumue locitunda caco, kuenje wa endi. Nda supapo vali la nye? Kaliye vu popia ndati lame hoti, Kuli nye?