HOSEA 10:4 - Embimbiliya - Bíblia Sagrada em Umbundu
4 Va popia ño olondaka viaño. Va lisila ovisila viesanda. Oco oku tetulula kuavo kua soka ndovimbuandu violunjuanjua vi tunda tunda vovipanga viovepia.
Momo ocumbo cayuva ca Yehova Ukualohoka oco onjo ya Isareli; kuenda alume va Yuda ovo ikũla viesanju liaye. Eye wa lavokaile esunga, puãi ota, osonde yi pita. Wa lavokaile oku sunguluka, puãi ota, oku lila.
Otuvalu hẽ, tu endela kovawe? Lokalunga hẽ, omunu o ka lima lolongmbe? Ene puãi wa pongoluisi esunga ha li lingi ondulu, lepako liesunga ha li lingi olunjuanjua,
Lunguki sanga pokati kene pa kala ulume pamue ukãi, pamue onjo, pamue epata, okuti utima waye u yanduluka etaili Yehova, Suku yetu, kuenje enda oku vumba olosuku violofeka viaco. Lunguki sanga pokati kene pa kala olumbombo lu ima ondulu locunguluila,
Yehova wa popia la Mose hati, Tala, ndopo ove o pekela lolosekulu viove. Kovaso yaco omanu valo o fetika oku linga ukahonga lolosuku wiñi viofeka oko va enda oku kala. Ame va njanduluka. Va nyõla ocisila cange nda lisila lavo.
Oco onyeño yange yi va wengukila eteke liaco. Ndi va yanduluka, ndi va wundisila ocipala cange, kuenje va liwa. Ovina via lua vĩvi lohali vi va wila okuti eteke liaco va linga vati, Ovina viaco vĩvi hẽ ka via tu vetelele omo Suku yetu ka kasi pokatu ketu?
Lavululi sanga umue o lipumbisa ohenda ya Suku. Kali lutate sanga olumbombo lumue lu koka oku lula lu yova, kuenje lu tatamisa, okuti va lua va vĩhisua laluo.