HOSEA 10:1 - Embimbiliya - Bíblia Sagrada em Umbundu

¹ Isareli uyuva wa salala, wimaima epako liawo. Ndokulua kuepako liaye haico a luisa ovotala aye. Ndeci ofeka yaye yamamako haico wa posuisa olongunji viaye vi kola.

HOSEA 10:1 Iomraidhean Croise

I OLOSOMA 14:23

Momo lavovo va litungila ovotala kolonumbuko loviñumañũma la Asera koviwulu viosi lo vemehi lioviti viosi via pulika.

YEREMIYA 11:13

Momo, a Yuda, oku tenda olosuku viene via soka lovaimbo ene, loku tenda ovotala wa tungi hã-o a kutisa osõi, hã-o ovotala oku timĩhĩla Baale insensu, a soka lolokololo via Yerusalãi.

YEREMIYA 11:17

Yehova Ukualohoka, u wa ku tuika, wa ku tukuila eci cĩvi, omo epata lia Isareli leli lia Yuda a linga cĩvi eci a ñokela onyeño poku timĩhĩla Baale insensu.

YEREMIYA 2:28

Puãi olosuku viene wa litungili vi kasi pi? Vi votoke, nda vi tẽla oku u popeli kohali yene. A Yuda, olosuku viove via lua, via lisoka lovaimbo ove.

HOSEA 12:11

Nda vo Gileada mũli evĩho va nyõlẽha muẽle. Nda vo Giligali va lumba olongombe, ovotala avo a soka ndolondunda viovawe vovimbambo viepia.

HOSEA 12:8

Efarimi wa popia hati, Ame muẽle ndihuasi. Nda limuisa ukuasi. Puãi ukuasi waye wosi ka wimũla akandu a linga.

HOSEA 13:15

Ndaño o kũla ciwa ndoloneva, haimo ofela ya Yehova yi tunda kekango li kasi kutundilo, yiya. Ono yaye layovo yi kukuta letumu liaye li takata. Ofela yaco yi nyõla ukuasi wovikuata viaye viosi via posoka.

HOSEA 13:2

Cilo va kasi loku amamako kakandu. Va litungila oviteka viutale wa yanguluiwa, loviteka vimue va vi tunga lopalata. Upange waco wosi wolomesele. Va popia vati, Vi lumbila! Omanu va sipula olonãle!

HOSEA 13:6

Puãi eci va lia cocili kuenje ve kuta oco ovitima viavo via tumba kuenje va njivala.

HOSEA 2:10

Oco situluila evĩho liaye kovaso a vambaisi yaye, kuenje lomue u popela peka liange.

HOSEA 2:8

Puãi eye ka ci kũlĩhĩle okuti ame, ame ndo muĩsa muĩsa olomema lovinyu lulela, haime ndo luisila opalata lulu, vina va lumbaile ku Baale.

HOSEA 3:4

Momo omãla va Isareli va kala oloneke via lua, osoma lakamue, ndaño omõla a Soma, ndaño ocilumba, ndaño ongunji yi kola, ndaño terafe lefonde.

HOSEA 4:7

Ndeci va licita haico va lovisa akandu va ndingila. Ulamba wavo ndu pongoluisa akutisasõi.

HOSEA 8:11

Momo Efarimi wa luisa ovotala, ovotala aco puãi kokuaye ovotala ekandu.

HOSEA 8:4

Va vialeka olosoma, puãi halondaka yangeko. Va tumbika olombiali, ame puãi sia ci kũlĩhĩle. Lopalata yavo lulu wavo va litung oviteka. Va vi litungilila okunyõlẽha kuavo.

OVISILA 26:1

Ko ka lisongeli iteka. Ko ka litalamisili ociñumañuma ca songiwa, pamue ongunji yoku fendela. Ko ka tumbiki ociteka cewe vofeka yene ho ci fendela, omo ame ndi Yehova Suku yene.

NAHUMI 2:2

Momo Yehova o tumbulula vali ulamba wa Yakoba, haiwo ulamba wa Isareli, ndaño ovinyõi vio nyõlẽle loku u sandula.

II VA KORINDO 5:16

Kaliye, ka tu limbuka vali omunu ukuetimba ndeci a limbukiwa ño voluali lulo. Ndaño tua limbukile Kristu ndomunu ukuetimba voluali lulo, haimo, tunde opo, ka tu u sokoluila vali ndoco.

VA FILIPOI 2:21

Vakuavo vosi va sakalalaela ovina viavo muẽle, ovina via Kristu Yesu havioko.