HOSEA 1:7 - Embimbiliya - Bíblia Sagrada em Umbundu

⁷ Epata lia Yuda puãi ndi li kuatela ohenda. Ndi va popela la Yehova Suku yavo. Si va popela lohonji pamue losipata, pamue lovita, pamue lotuvalu, pamue lava vakuakuendela kotuvalu.

HOSEA 1:7 Iomraidhean Croise

II OLOSOMA 19:29

Kuenje ci ku lingila ondimbukiso ceci: Elimeli vu lia evi via litundila. Enyamuali vu lia ombuto yalitundile aco. Unyamo watatu, oco vu kũla, vu lombola, vu tuika ayuva loku lia epako liaco.

II OLOSOMA 19:34

Momo ame silamela imbo lilo, okuti ndi li lipopelela ame muẽle loku li popelela ukuenje wange Daviti.

II OLOSOMA 19:35

Oco uteke waco, ungelo wa Yehova wa katuka, wa ipa ocita lakui ecelala kolohũlũkãi kolohũlũkãi vitãlo komanu vocilombo ca va Suria. Eci omanu va pasuka omele ociteketeke, tala, vosi yavo va linga ovivimbi.

II OLOSOMA 6:18

Eci va kala loku iya kokuaye, Elisia Wa likutilila ku Yehova hati, Hu pinga, omanu ava va kuatiwe lupeke. Oco Yehova wa va lingisa olomeke, ndondaka ya Elisia.

OLOSAMO 33:16

Layimue osoma yi popeliwa lolohoka viaye vialua. Esualali ka li popeliwa lolohõlo via lua.

OLOSAMO 44:7

Ove puãi wa tu popela kovanyali vetu. Wa kutisa osõi ava va tu suvuka.

ETUNDILO 14:13

Mose yu wa popia lomanu hati, Ko ka yokoki. Kolisiko, oco vu mõla eyovo lia Yehova lina a ko muisa etaili. Momo va Egito vu lete etaili, lalimue eteke vu va mõla vali.

ETUNDILO 14:30

Oco eteke liaco Yehova wa popela va Isareli povaka a va Egito. Kuenje va Isareli va mõla ovivimbi via va Egito konẽle yokalunga.

ISAYA 12:2

Tala, Suku eye eyovo liange. Ñolela kuenje si kuata usumba momo Suku Yehova eye ongusu yange, haeye ocisungo cange kuenje wa linga eyovo liange.

ISAYA 30:18

Oco Yehova o talamẽla oku u kuatisi; oco o katuka oku u lingi ohenda. Momo Yehova eye Suku yesunga; ava vo wimbila ovaso va sumũlũha.

ISAYA 49:6

eye wa linga hati, Oku linga ukuenje wange okuti o katula apata a Yakoba loku tiula ocisupe ca Isareli, oco ca leluka. Hu lingisavo ocinyi cavakualofeka oco eyovo liange li kale toke kasulilo ongongo.

ISAYA 7:14

Oco Ñala eye muẽle u wĩha ondimbukiso. Ota, ufeko o mina, o cita omõla ulume kuenje u luka Emanuele.

YEREMIYA 25:5

eci va popia vati, Vosi yene, omunu omunu a tinduke kolonjila viaye vĩvi lokovilinga viaye viakandu. Tungi vofeka yina Yehova a eca kokuene lokolosekulu viene tunde kosiãhũlu toke ka ku ci.

YEREMIYA 25:6

Ko ka sandi olosuku vikuavo oku vi vumba loku vi fendela. Ko ka nemisi lovilinga viovaka ene. Oco siu lingi cĩvi.

YEREMIYA 33:26

oco nakumũla ombuto ya Yakoba leyi yukuenje wange Daviti, kuenje si nõli umue kombuto yaye ha lingi ombiali yombuto ya Avirahama, kuenda Isake, kuenda Yakoba. Momo numbulula esumũlũho liavo kuenje ndi va linga ohenda.

HOSEA 1:8

Eci Kasangiohenda a sumũha oco Gomere we mina vali, wa cita omõla ulume.

HOSEA 11:12

Efarimi, ame wa ñualĩsa luhembi, lepata lia Isareli lia ñualisa lelimbi. Yuda puãi, lopo wa kũlĩhĩwa la Suku haeye wa sunguluka ku U o kola.

SAKARIYA 4:6

Oco wa popia lame hati, Ondaka ya Yehova ku Seruvavele yeyi, hati, Halokuyakako, pamue lunene, te le Espiritu liange. Oco ca popia Yehova Ukualohoka.

I SAMUELE 17:47

kuenda owiñi wosi ha u limbuka okuti Yehova ka popela losipata pamue lonjelia; momo okuliyaka kuaco kua Yehova kuenje eye o ku eca peka lietu.