HOSEA 1:11 - Embimbiliya - Bíblia Sagrada em Umbundu

¹¹ Kuenje omãla va Yuda lomãla va Isareli va likongela pamosi. Va kapa osoma yimosi. Veya vali kofeka yavo, kuenje eteke lia Yesirele li linga linene.

HOSEA 1:11 Iomraidhean Croise

OLOSAMO 110:3

Eteke o songola olohoka viove kolomunda vi kola omanu vove va lieca kokuove olumue. Ndokutalala kuowume womele haico ci kasi ongusu yove yokumalehe.

YEREMIYA 30:21

Usongui wavo o tunda muẽle pokati kavo. Ndaño ombiali yavo yi tunda pokati kavo. Ame muẽle ndu koka okuti iya ocipepi, o kokela muẽle ocipepi lame. Momo nda hacoko, elie o lukuta oku amẽla kokuange? Oco ca popia Yehova.

YEREMIYA 30:3

Momo tala, kuiya oloneke okuti numbulula omanu vange va Isareli kuenda va Yuda. Oco ca popia Yehova. Ndi va tiula kofeka nda eca kolosekulu viavo, kuenje yi linga yavo muẽle. Oco ca popia Yehova.

YEREMIYA 30:7

A mãi we, eteke liaco lia piãla, likuavo lia lisoka lalio ka ku li. Ku Yakoba li kala eteke liohali, haimo o popeliwa.

YEREMIYA 31:33

Puãi ocisila ndi lisila lonjo ya Isareli koloneke viya ceci: Ñapa ovihandeleko viange volonũlo viavo. Ndi vi sonẽha vovitima viavo. Ame ndinga Suku yavo lovo va linga omanu vange.

YEREMIYA 32:37

Tala, ndi vongolola kolofeka viosi oko nda va sanduilile eci nda temele loku va kuatela onyeño locikumbiti ca lua. Ndi va nena vali kocitumãlo cilo, ndi va tungisa ciwa kuenje va koka.

YEREMIYA 50:19

Nena vali Isareli vocunda caye, kuenje o lila ko Karemeli lo ko Basiane. Utima waye u kutila kovivulu via Efarimi kuenda vo Gileada.

ESEKIELE 39:25

Oco, ca popia Ñala Yehova ceci, hati, Oco cilo numbulula vali esumũlũho lia Yakoba. Ñuatela ohenda epata liosi lia Isareli. Sumbisa onduko yange yi kola.

HOSEA 2:1

Tukula manjove ulume huti, Omanuvange, kuenda manjove ukãi huti, Wasangohenda.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

VA ROMA 11:15

Momo, nda okupukuiwa kuavo ku inalisa oluali, siti okutambuiwa kuavo nda ku kuatisa ca piãla vali enene okuti ku soka loku pinduiwa kokufa?