HAVAKUKI 2:3 - Embimbiliya - Bíblia Sagrada em Umbundu

³ Momo ocitumasuku eci ci kuete muẽle otembo yaco. Ci yayula oku lingiwa. Ka ci kembi. Ndaño ci tutuvala, ove o ci talamẽla. Ciya muẽle, ka ci cilua.

HAVAKUKI 2:3 Iomraidhean Croise

II OLOSOMA 6:33

Osimbu a kala handi loku popia lavo, tala, Soma weya kokuaye. Kuenje hati, Ohali eyi yi tunda ku Yehova. Ndavokela vali nye ku Yehova?

OLOSAMO 102:13

O votoka, o linga Siono ohenda. Otembo yeya yoku u kuatela ohenda. Eteke lia tukuiwa lieya.

OLOSAMO 27:14

Imba ovaso ku Yehova. Kolisako. Utima wove u kuate utõi. Ocili, imba ovaso ku Yehova.

ETUNDILO 12:41

Kefulilo liovita vikuãla kanyamo kanyamo akui atatu okuti, eteke liaco muẽle hailio, oco olohoka viosi via Yehova via tunda vofeka ye Egito.

ISAYA 30:18

Oco Yehova o talamẽla oku u kuatisi; oco o katuka oku u lingi ohenda. Momo Yehova eye Suku yesunga; ava vo wimbila ovaso va sumũlũha.

ISAYA 7:4

Ka popie laye huti, Lavulula, tula utima, ku ka kuate usumba, utima wove ka u ka yokokele ovisingi evi vivali vi kasi loku tukuta owisi, ka u ka yokokele muẽle onyeño ya kãla ya Recini leyi ya Suria, leyi yomõla a Remaliya.

ISAYA 8:17

Njimba ovaso ku Yehova u o kasi loku wundisila ocipala caye onjo ya Yakoba. Elavoko liange li kala kokuaye.

YEREMIYA 27:7

Kuenje olofeka viosi viu vumba, vi vumbavo omõlaye kuenda omõla omõlaye, toke eteke liofeka yaye liya. Eteke liaco eye o linga upika wolofeka via lua lolosoma vinene.

ESEKIELE 12:25

Momo ame ndi Yehova mopia, londaka mopia yi lingiwa. Ka yamisua vali kovaso. Momo koloneke viene, apata liusuanji, mopia ondaka kuenje ndi yi linga. Oco ca popia Ñala Yehova.

ESEKIELE 30:9

Keteke liaco kokuange ku tunda olomunga vioku yokokisa va Etiopia va lipolapo. Kokuavo kuiya otokua eteke liekundu lia Egito; momo tala, ciya.

DANIELE 10:14

Kaliye ndeyilila oku ku limbukisa evi vi sanga epata liove koloneke viesulilo. Momo ocinjonde eci ci tiamẽla handi koloneke viaco.

DANIELE 11:27

Olosoma viaco vivali vi kala lutima woku linga cĩvi, kuenda va vanguila uhembi komesa yimuamue. Puãi ka ci silivila cimue, momo esulilo liya kotembo ya tukuiwa.

DANIELE 11:35

Vamue pokati kavakualondunge va kupuka, ha va nyikiwa loku kanguka loku yelisua, toke kotembo yesulilo, momo ci kala kotembo ya tukuiwa.

DANIELE 8:17

Oco wa amẽla apa nda talama, kuenje eci eyapo nda yokoka, yu nda wila posi, nda lituvikapo. Puãi eye wa popia lame hati, Limbuka, amõla omunu, momo ocinjonde eci ci tiamẽla kotembo yesulilo.

DANIELE 8:19

Kuenje wa popia lame hati, Hu situluila eci ci kala kotembo va sulako vonyeño, momo ci tiamẽla kotembo yesulilo, yina ya sokiyiwa.

DANIELE 9:24

Akũi epanduvali kolosemana vianyamo via tukuiwila epata liove kuenda imbo liove li kola, oku sulisa evĩho loku imũla akandu; oku tuvika ohole loku nena esunga ka li pui; oku yika ocinjonde kuenda ocitumasuku loku waveka U o kola koku kola.

MIKA 7:7

Puãi ame, ame njimbila Yehova ovaso, nalamẽla Suku yeyovo liange. Suku yange o njeva.

SOFONIYA 3:8

Oco Yehova wa popia hati, Nalamẽli toke keteke mbotokela oku va imbila uvangi. Momo nda panga oku ongolola olofeka loku kongela ovoviali, hã si va sukumũila onyeño yange lokutokota kuayo; Momo oluali luosi lu pia vondalu yonyeño yesepa liange.

ATENDELO 23:19

Suku hamunuko okuti o kemba, pamue omõla omunu okuti o pongoloka. Eci a popia ka ci lingi hẽ?

LUKA 2:25

Vo Yerusalãi mua kala ulume, onduko yaye Simeone, eye ukuesunga, haeye ukuakusumbila Suku, kuenje wa lavoka okulembelekua kua Isareli. Espiritu Sandu wa kala laye.

OVILINGA 1:7

Yu wa popia lavo hati, Haceneko oku kũlĩha oloneke, pamue ovovo, Tate a tukula locipango caye.

OVILINGA 17:26

Oku fetika lomunu umuamue wa sovola apata osi omanu va tunga kilu lieve, kuenje wa va tukuila ovovo lolongave violofeka viavo.

VA GALATIA 4:2

Puãi o pokola kakulu vaye lo ku vakalei toke eteke lio sokiyila isiaye.

II PETULU 2:3

Kuenje, locipululu cavo, vo lueyisi lolondaka viuhembi, oku vu lueyisila onganyu yavo. Tunde kosiahũlu episo liava lia va sokiyiwila, lokunyõleha kuavo ku va tãilili, ka kua pekelele.

II PETULU 3:9

Ñala ka livala lohuminyo yaye ndeci vamue va tukula vati, Oku livala, puãi o pandikisa lene, momo ka yongola okuti umue o nyõleha, puãi o yongola okuti vosi va likekembela akandu avo.