HAVAKUKI 1:3 - Embimbiliya - Bíblia Sagrada em Umbundu

³ O ndekisila nye evĩho? O mbanjisila nye ahuku? Momo ndete okunyõla lokupunda. Ema lia wenguka. Okuyaka kua katuka.

HAVAKUKI 1:3 Iomraidhean Croise

UKUNDI 4:1

Nda mõlavo akangiso osi a kasi loku lingilua vemehi liekumbi. Kuenje tala, asuelẽla ava va kangisua ya, kuenje ka va kuete u o va lemba; vakuaku va kangisa va kasi lunene waco, puãi ovo muẽle ka va kuete u o va lemba.

UKUNDI 5:8

Vofeka yimue nda o lete okuti olosuke vi kasi loku lingisiwa, pamue o lete okuti esunga locili vi kasi loku upiwamo longusu, ku ka ci komõhele; momo ombiali yinene yi kasi oku ci linga yi lavuluiwa leyi ya velapo vali; kuenje kilu liavo kuli vali yimue ya va velapo vosi.

ISAYA 46:12

Njeveleli, ene wa tĩlĩsi ovitima viene, haene vu kasi ocipãla lesunga liange.

ISAYA 5:7

Momo ocumbo cayuva ca Yehova Ukualohoka oco onjo ya Isareli; kuenda alume va Yuda ovo ikũla viesanju liaye. Eye wa lavokaile esunga, puãi ota, osonde yi pita. Wa lavokaile oku sunguluka, puãi ota, oku lila.

YEREMIYA 15:10

A mãi we, ngongo yange omo wa nyita; omo ame ndukuakukoka uyaki, haime ndukuakutamãlãla loluali luosi! Sia la levalisa umue, ndaño oku levala, haimo vosi yavo va siñala.

YEREMIYA 20:18

Nye nda tundila vimo oku mõla upange lupongo, okuti oloneke viange vi pita ño losõi?

YEREMIYA 20:8

Momo olonjanja viosi eci mopia, mbilikiya lolukandi siti, Okupundiwa kuiya! Okunyolẽha kuoku! Kuenje ondaka ya Yehova ya ñokela oku pembuiwa loku tondaliwa eteke liosi.

ESEKIELE 2:6

Oco a Mõlõmunu, ku ka va kuatele ohele pamue oku kala lusumba wolondaka viavo, ndaño enganji lolosongo vi kasi kumue love, love wa tunga pokati kanyenya. Ku ka kale lusumba wolondaka viavo, ku ka yokokele ovipala viavo momo vakuepata liusuanji.

MATEO 10:16

Tali, ndu tumi ndolomeme pokati kolombinji, oco lunguki ndolonyoha, unjuki ndolopomba.

II PETULU 2:8

momo ukuesunga waco Lote, eci a tunga lavo leci a mola loku yeva ovilinga viavo vĩvi, eteke keteke co vala kutima waye wesunga,—