FILEMONE 1:6 - Embimbiliya - Bíblia Sagrada em Umbundu

⁶ Ndi likutalaila okuti utima wove woku kuatisa vakuẽle letavo liove wamisako ocili ukũlĩhiso wetu wasumũlũho a sangiwa vu Kristu.

FILEMONE 1:6 Iomraidhean Croise

MATEO 25:16

U wa tambula olokondu vitãlo, haico a enda, wa ka fũlile lavio, wa nganyala olokondu vikuavo vitãlo.

MATEO 5:16

Ocinyi cene ci taimile ndoco kovaso omanu okuti va mola ovilinga viene viwa kuenje va sivaya Isiene o kasi kilu.

I VA KORINDO 14:25

Uyombeki wutima waye wiya kutanya, oco, oku wila posi, o fendela Suku, loku vilikiya hati, Ocili, Suku o kasi pokati kene.

I VA KORINDO 16:9

momo kua njulukila epito linene lioku linga upange wa lua, kuenje ava va tamalala va lua.

VA FILIPOI 4:8

Oku sulila akuetu, mopia siti, cosi cocili, cosi ca sumbiwa, cosi cesunga, cosi ca pua evĩho, cosi ca posoka, cosi ci sivayaiwa, nda kuli esunga, kuenda nda kuli eci ci sesamela oku sivayiwa, sokololi ovina evi.

VA KOLOSAI 1:9

Oco, tunde keteke tua ci yeva, ka tua la liweka oku vu likutilila. Tu pinga ku Suku okuti o vu yukisa ukũlĩhiso wocipango caye poku wihi uloño lolondunge viocili, vina vi Espiritu,

VA KOLOSAI 3:10

kuenje wa wali omunu wokaliye. Omunu waco wokaliye o kasi lokutumbuluiwa lukũlĩhiso wokaliye okuti o setahala usovoli waye.

TITO 3:14

Omanu vetu va likise oku talavaya upange uwa wovaka okuti va sanga eci va kuatisa laco ovopange ocili. Ka va ka kale ndomanu ka va imi epako.

VA HEVERU 6:10

Momo Suku hokuanyako okuti ivalako upange wene kuenda ocisola wa lekisi loku vumba olosandu vonduko yaye, ndeci vu kasi loku linga toke opo.

TIAGO 2:14

A vamanji, ci silivila ndati, nda omunu o linga hati, Ndukuekolelo, osimbu ka kuete ovilinga vi lekisa ekolelo. Ekolelo liaye nga li tẽla oku u popela?

TIAGO 2:17

Haico ekolelo, nda ka li kuete ovilinga, lia fa muẽle.

I PETULU 2:12

Kali lovituwa via sunguluka pokati ka vakualofeka, okuti, nda vo lundili ndolondingaĩvi, va mola ovilinga viene viwa, kuenje va sivaya Suku veteke liepasulo.

I PETULU 3:1

Haico ene akãi, pokoli ku vaveyene okuti vamue, ndaño ka va tava kondaka, kuenda ndaño ondaka yimosi ka yi popiwa, haimo va kokiwa lovilinga viakãi vavo,

I PETULU 3:16

Kali lutima wa sunguluka, okuti, eci vu lavisua, ava vo fũkĩlisili ovilinga viene viwa vu Kristu, va kutiwa osõi.

II PETULU 1:8

Momo, nda vu kuata ocili oviali evi kuenje vi lova kokuene, ca lomboloka okuti ukũlĩhiso woku kũlĩha Ñala yetu Yesu Kristu vu kasi lawo, ka vu kasi lawo lowesi pamue ndava ka va imi apako.