FILEMONE 1:16 - Embimbiliya - Bíblia Sagrada em Umbundu

¹⁶ Haku kalako vali ndupika, puãi o velapo upika okuti o linga manjove wa soliwa. Kokuange muẽle wa linga manjange, puãi ca piãla kokuove, momo o linga manjove vetimba kuenda vu Ñala.

FILEMONE 1:16 Iomraidhean Croise

MATEO 23:8

Ene puãi, ko ka tukuiwi, vati, A Rambei, momo ulongisi wene umuamue, lene vosi wamanji.

OVILINGA 9:17

Oco Ananiya wa enda, wa iñila vonjo. Wa kapa Saulu ovaka aye hati, A manjange, a Saulu, Ñala Yesu, una wa ku tukulukila vonjila eci veya, eye wa numa kokuove okuti o letuluka kuenje o yuka Espiritu Sandu.

I VA KORINDO 7:22

Momo u wa kovongiwa la Ñala osimbu a kasi upika, eye omãmãle wa Ñala. Haico, u wa kovongiwa eci a kasi omãmãle eye upika wa Kristu.

VA KOLOSAI 3:22

Ene apika, pokoli ku vacime cene va palo posi kovina viosi. Ko ka lingi upange wene eci vacime va kasi loku vu vanja lika, ndava va livela oku panduiwa lomanu. Puãi, kupange wene, kuatiko lutima wosi ndava va sumbila ocili Ñala.

I TIMOTEO 6:2

Ava va kuete vacime cavo vakuetavo, ka va ka va tombele omo va linga vamanjavo, puãi va va vumbe ca piãla momo ava va kuatisiwa lupange wavo, vakuetavo, haivo va soliwa. Ovina evi ovio o longisa loku vi sapula.

VA HEVERU 3:1

Oco a vamanji va kola, haene wa tukuiwi velaleko li kola lia tunda kilu, sokololi Yesu, eye Upostolo, haeye Ocitunda cinene cetavo lietu.

I YOANO 5:1

Wosi o tava okuti Yesu eye Mesiya eye wa citiwa la Suku, kuenda wosi o sole onjali o solevo omõla.