ETUNDILO 8:6 - Embimbiliya - Bíblia Sagrada em Umbundu

⁶ Oco Arone woluĩla eka liaye kovava a Egito kuenje ovinonga via lamana, via sikĩlĩla ofeka ye Egito.

ETUNDILO 8:6 Iomraidhean Croise

II SAMUELE 7:22

Oco ove onene, a Yehova Suku. Ka kuli u wa lisoka love. Ka kuli Suku yikuavo te ove, ndeci tua yeva yeva lovatui etu.

II ASAPULO 6:14

kuenje hati, A Yehova Suku ya Isareli, ndaño kilu ndaño posi ka kuli Suku wa lisoka love, wukuakulava ocisila haive wukuahenda ka yi pongoloka lovakuenje vove vana va endaila kovaso ove lutima wavo wosi.

OLOSAMO 105:30

Ofeka yavo ye yuka ovinonga, ndaño volohondo violosoma viavo.

OLOSAMO 78:45

Wa tuma pokati kavo asunga olonyi via va lia, lovinonga via va nyõla.

OLOSAMO 86:8

Pokati kolosuku ka pa li u wa soka love, a Yehova. Lavimue ovilinga via soka lovilinga viove.

OLOSAMO 90:2

Eci olomunda ka via citiwile handi; osimbu kua lulikile handi ongongo loluali; tunde ka ku ci toke ka ku ci, ove muẽle Suku.

ETUNDILO 10:2

Nda ci lingilavo okuti ove o sapula komõlove kuenda konekulu yove ndomo nda yola epembe va Egito. O sapulavo olondimbukiso nda linga pokati kavo, ene ho limbuki okuti ame ndi Yehova.

ETUNDILO 15:11

A Yehova, wa lisoka love pokati kolosuku hẽ elie? Wa lisoka love hẽ elie? Ulamba wove oku kola. Ovilinga viove vi lingisa usumba, o lingainga ovikomo.

ETUNDILO 7:19

Yehova yu wa popia la Mose hati, Pañinya Arone, huti, Nyañula ombueti yove, oluĩla eka liove kovava a Egito, kolondui viavo, lokololekua viavo, lokoviva viavo vinene, levi viosi vitito viovava, ha vi lingi osonde, kuenje mu kala osonde vofeka yosi ye Egito, ci kale vovikuata viavo vioviti, ci kale vovikuata viavo viovawe.

ETUNDILO 9:14

Cilo hu yambula layambulo ange osi. Njambulavo akuenje vove lomanu vove, oco o limbuka okuti kuosi kilu lieve ka kuli wa lisoka lame.

ETUNDILO 9:29

Mose wa popia laye hati, Tuli nunda vimbo ngoluĩla ovaka ku Yehova. Ovilemĩlo vi ũha, ka ku kala vali ociwe, kuenje ove o limbuka okuti oluali luosi lua Yehova.

ISAYA 43:10

Yehova hati, Vulombangi viange, vukuenje wange. Nda ku nõla okuti o ñulĩha kuenje o ñolẽla, loku limbuka okuti, Ame ame muẽle. Konyima yange ka kua la lulikiwa Suku yimue, ndaño kovaso yange ka ku kala.

OVISILA 11:12

Evi viosi viovovava ka vi kuete ilele lakaka, ovio viu lingili ndumbondo.

ESINUMUĨLO 32:31

Momo ohanda yavo ka yi kasi nda Handa yetu. Ndaño ovanyãli vetu va cimbila uvangi.

ESINUMUĨLO 33:26

Okuesunga Isareli, ka kuli ukuavo wa lisoka la Suku u o katuka luwale waye, kuenje o pita kovailu oku ku kuatisa.

ESINUMUĨLO 4:35

Ca lekisua kokuene oco vu kulihe okuti Yehova, eye Suku, ukuavo ka kuli te eye lika.

ESITULUILO 16:13

Kuenje nda mola okuti komẽla yocinyoha kua tunda espiritu lĩvi, ndaño komẽla yocinyama, kuenda komẽla yuprofeto wesanda. Aspiritu aco ãvi atatu a setahala ovinonga.