ETUNDILO 7:5 - Embimbiliya - Bíblia Sagrada em Umbundu

⁵ Kuenje eteke ngoluĩla eka liange ke Egito si upi va Isareli pokati kavo, oco va Egito va limbuka okuti ame muẽle Yehova.

ETUNDILO 7:5 Iomraidhean Croise

OLOSAMO 138:7

Ndaño ngendaila pokati kovitangi ove o mindula, haive woluila eka konyeño yovanyali vange, kuenje eka liove liondio li mopela.

OLOSAMO 9:16

Yehova wa likemalisa yu wa yala ekanga. Ondingaĩvi ya kuatiwa lovilinga viovaka ayo muẽle.

ETUNDILO 10:2

Nda ci lingilavo okuti ove o sapula komõlove kuenda konekulu yove ndomo nda yola epembe va Egito. O sapulavo olondimbukiso nda linga pokati kavo, ene ho limbuki okuti ame ndi Yehova.

ETUNDILO 10:7

Akuenje va Fareo va popia laye vati, Omunu u, oku tu yokokisa kuaye ku sulila pi? Eca omanu vaco ha va fendela Yehova Suku yavo. Kua limbukile handi okuti Egito ya nyolẽha?

ETUNDILO 14:18

Va Egito va limbuka okuti ame ndi Yehova, eci ndi limuisa ulamba ku Fareo, lokakãlu aye, kuenda ku vakuakuendela kotuvalu tuaye.

ETUNDILO 14:4

Kuenje ame ndi tĩlĩsa utima wa Fareo okuti eye o va landula. Oco ndi limuisa esumbilo ku Fareo lokolohoka viaye viosi. Kuenje va Egito va ndimbuka okuti ame ndi Yehova. Kuenje va Isareli va ci linga.

ETUNDILO 18:8

Mose wa sapuila ndatembo yaye viosi via linga Yehova ku Fareo lo ku va Egito oku popela va Isareli. Wo sapuila ovitangi via pita vonjila, lomo Yehova a va popela.

ETUNDILO 3:20

Oco ame ngolõla eka liange, mbetisa Egito ovikomo viange viosi ndingamo, oco noke o weci.

ETUNDILO 6:1

Yehova yu wa popia la Mose hati, Kaliye o mõla eci ndinga ku Fareo; momo o sĩlĩhiwa oku va eca loku va tundisa longusu vofeka yaye.

ETUNDILO 6:6

Oco ondaka yange ku va Isareli, yeyi, Ame ndi Yehova, kuenje ndu wupi ovitele via va Egito. Nyimũla upika waco, ndu yovoli lokuokuo kuolõha lolonimbu via tua.

ETUNDILO 7:17

Oco, ca popia yehova ceci, hati, Eci o ndimbukila okuti ame ndi Yehova ceci: Tala, mbeta kovava ovolui Nilu lombueti yi li peka liange, kuenje a pongoloka osonde.

ETUNDILO 8:10

Eye hati, Hẽla. Mose hati, Ondaka yove yi lingiwe, oco o limbuke okuti ka kuli u wa soka la Yehova Suku yetu.

ETUNDILO 8:19

Vakualumbu va popia la Fareo vati, Eci ca tunda peka lia Suku. Puãi utima wa Fareo wa tĩla, ka va yevele. Ndomo Yehova a popia haimo ca pita.

ETUNDILO 8:22

Puãi eteke liaco ndinga okuti ofeka ya Gosene, oko kua tunga omanu vange, yi likalela, ka ku kala asunga olonyi. Oco ove o limbuka okuti kilu lieve liosi ame ndi Yehova.

ESEKIELE 25:17

Ndi va fetuluinya layambulo onyeño, Eci malusula efetuluinyo liange oco va limbuka okuti ame ndi Yehova.

ESEKIELE 28:22

huti, Ca popia Ñala Yehova ceci, hati, Ota, nda ku pongolokelamo, a Sidono, ndekisila ulamba wange vokati kove. Va limbuka okuti ame ndi Yehova eci ndu tetuluila, loku lekisila okukola kuange vokati kaye.

ESEKIELE 32:15

Eci ñundula ofeka ye Egito, leci ofeka yi upiwa cosi ye yuka laco, leci ñundula vosi va tungamo, oco va limbuka okuti ame ndi Yehova.

ESEKIELE 36:23

Lame ñolisa okukola kuonduko yange yinene, yina ya vĩhĩsiwile pokati kolofeka, yina ene muẽle wa yi vĩhĩsisili pokati kavo. Kuenje olofeka vi limbuka okuti ame ndi Yehova eci okukola kuange ku kolisua kovaso avo mekonda liokukala kuange pokati kene. Ñala Yehova wa ci popia.

ESEKIELE 39:22

Oco, tunde keteke liaco toke kovaso, epata lia Isareli li limbuka okuti ame ndi Yehova Suku yavo.

ESEKIELE 39:7

Londuko yange yi kola ndi yi situluila pokati komanu vange va Isareli. Lalimue vali eteke nava okuti onduko yange yi kola yi sawuka. Lolofeka vi limbuka okuti ame ndi Yehova, u o kola vo Isareli.