ETUNDILO 7:16 - Embimbiliya - Bíblia Sagrada em Umbundu

¹⁶ Popia laye huti, Yehova, Suku ya va Heveru, wa numa kokuove, hati, Eca omanu vange oco va ka fendelele vekalasoko; kuenje lopo kua yeveleko.

ETUNDILO 7:16 Iomraidhean Croise

ETUNDILO 10:3

Oco Mose la Arone va enda ku Fareo, va popia laye vati, Ca popia Yehova, Suku ya va Heveru, ceci, hati, Okulikala kuove oku sambela kokuange ku sulila eteke lipi? eca omanu vange ha va fendela.

ETUNDILO 13:15

Momo eci Fareo a likala muẽle oku tu eca oco Yehova wa ipa olonuñulu viosi viofeka ye Egito, olonuñulu viomanu lolonuñulu viovinyama. Oco ndumbila Yehova olonuñulu viosi vialume, vina vi penda onjila. Puãi olonuñulu viosi viomãla vange muẽle ndi vi yovola.

ETUNDILO 14:5

Eci va sapuila osoma ye Egito, vati, Omanu vaco va tila, oco utima wa Fareo lakuenje vaye, oku sokolola omanu vaco, wa pongoloka. Va popia vati, Eci nye tua linga ndeti oku eca va Isareli okuti ka va tu vumbi vali?

ETUNDILO 3:12

Suku wo kumbulula hati, Puãi ame ñala love, kuenje ondimbukiso yokuti ame muẽle nda ku tuma yeyi: pana okuti wopale omanu vaco ve Egito o fendela Suku komunda yilo.

ETUNDILO 3:13

Mose wa pula Suku hati, Nda mitila ku va Isareli kuenje mopia lavo siti, Suku yolosekulu viene wa numa kokuene, lovo va mula vati, Onduko yaye elie? mopia lavo nye?

ETUNDILO 3:18

Kuenje va yeva ondaka yove, love lovakulu va Isareli vu pitila ku Soma ye Egito, vu popia laye hoti, Yehova, Suku ya va Heveru, wa tu sanga. Oco cilo tua pinga kokuove, tu ece oco tu ende atulo atatu ha tu lumbila Yehova Suku yetu ovilumba vekalasoko.

ETUNDILO 4:22

Love o popia la Fareo huti, Ca popia Yehova ceci, hati, Isareli omõlange, nuñulu yange,

ETUNDILO 4:23

oco mopia love siti, Eci omõlange a ende, a mbumbile. Nda ove kua tavele oku weca, ota, njipa omõlove, nuñulu yove.

ETUNDILO 7:4

haimo Fareo ko yevi. Oco kotembo yaco ame muẽle ñapa ke Egito eka liange. Njupa vofeka ye Egito olohoka viange okuti omanu vange va Isareli, ndi vopa muẽle lolonimbu via tua.

ETUNDILO 8:1

Oco Yehova wa popia la Mose hati, Kuende ku Fareo, ka popie laye huti, Ca popia Yehova ceci, hati, Eca omanu vange okuti va fendela.

ETUNDILO 8:20

Oco Yehova wa popia la Mose, hati, Pasuka omẽle ociteketeke, talamẽla Fareo eci a tunda oku enda kovava. Popia laye huti, Ca popia Yehova ceci, hati, Eca omanu vange okuti va fendela.

ETUNDILO 9:1

Yehova yu wa popia la Mose hati, Kuende ku Fareo, ko sapuile huti, Ca popia Yehova, Suku ya va Heveru ceci, hati, A ece omanu vange oco va ka fendele.

ETUNDILO 9:13

Yehova wa popia la Mose hati, Pasuka omẽle ociteketeke. Kuende, ha talame kovaso a Fareo. Popia laye huti, Ca popia Yehova, suku ya va Heveru, ceci, hati, Eca omanu vange oco va ka fendele.

ISAYA 45:13

Ame ndo katula lesunga haime ndo yelisila olonjila viaye viosi; eye o tunga imbo liange, haeye o kutulula olomandekua viange, puãi, ka ci lingila ofeto pamue onima. Oco ca popia Yehova Ukualohoka.

YEREMIYA 50:33

Ca popia Yehova Ukualohoka ceci, hati, Va Isareli kuenda va Yuda va talisilua kumosi ohali. Vosi va vambata umandekua va va kuata, ka va tava oku va eca.