ETUNDILO 6:3 - Embimbiliya - Bíblia Sagrada em Umbundu

³ Nda tukuluka ku Avirahama kuenda ku Isake loku Yakoba nda Suku Ukuonenewosi. Puãi sia lisituluile kokuavo londuko yange Yehova.

ETUNDILO 6:3 Iomraidhean Croise

EFETIKILO 13:18

Oco Avirama wa sondolola ombalaka yaye, kuenje weya wa tumãla ketumba lioko Mamire li kasi vo Hevirone, haiko a tungila utala wa Yehova.

EFETIKILO 17:1

Eci Avirama a kala lakui ecea kanyamo ecea, oco Yehova wa limõlehisa kokuaye, wa popia laye hati, Ame ndi Suku Ukuonenewosi. Endaela volonjila viange loku pua evelo.

EFETIKILO 22:14

Oco Avirahama wa lukako onduko hati, Yehova-yire, ca lomboloka citi Suku o miusa. Haico ci popiwa toke ketaili lilo, citi, Vomunda ya Yehova, Yehova o muisa.

EFETIKILO 28:3

Kuenje Suku Ukuonenewosi a ku sumũluise, a ku ihe ombuto, a ku luise hu lingi ohongele yapata;

EFETIKILO 35:11

Oco Suku wa popia laye hati, Ame Suku Ukuonenewosi, kuata ombuto ka lue, kokuove ku tunda ofeka lohongele yolofeka, koviongo viove ku tunda olosoma.

EFETIKILO 48:3

Yakoba yu wa popia la Yosefe hati, Suku Ukuonenewosi wa nukulukila ko Lusi kofeka ya Kanana, wa sumũluisa,

OLOSAMO 68:4

Imbili Suku ovisungo. Imbili onduko yaye ovisungo viesivayo. Imbili ocisungo u endela kalende. Onduko yaye Yehova. Uluili kovaso aye.

OLOSAMO 83:18

Oco va limbuka okuti ove, onduko yove Yehova, ove, lika wove, Tõlo koluali luosi.

ETUNDILO 15:3

Yehova eye ukuavita. Yehova oyo onduko yaye.

ETUNDILO 23:21

U yeveleli. Pokoli kondaka yaye. Ko ko ñualelipo omo ka ecela okulueya kuene; momo o kasi londuko yange.

ETUNDILO 3:14

Suku wa kumbulula Mose hati, AME MUELE AME; kuenda vali hati, Popia la va Isareli huti, Una wa liluka hati, AME MUELE AME eye wa numa kokuene.

ISAYA 42:8

Ame Yehova, oyo onduko yange. Ulamba wange siu weci kumue wiñi, ndaño esivayo liange si li eci koviñumañuma.

ISAYA 44:6

Ca popia Yehova Soma ya Isareli, haeye onjovoli yaye, haeye Yehova Ukualohoka, ceci, hati, Ame Tete haime Kuasula; ka ku li Suku yikuavo, te ame.

YEREMIYA 16:21

Oco tala, ndi va limbukisa, ndi va limbukisa olumue ongusu yange kuenda upami wange, oco va kũlĩha okuti Yehova oyo onduko yange.

YEREMIYA 33:2

U wa lulika oluali loku lu kolisa, onduko yaye Yehova. Ca popia Yehova, usovoli woluali, ceci, hati,

ESEKIELE 20:5

Kuenje va sapuila huti, Ca popia Ñala Yehova ceci, hati, Eteke nda nola Isareli nda lisila lombuto ya Yakoba. Nda lisituluila kokuavo vofeka ye Egito. Nda lisila lavo siti, Ame ndi Yehova Suku yene.

ESEKIELE 37:13

Kuenje vu limbuka okuti ame ndi Yehova eci njulula ayambo ene loku vu tundisa vayambo ene, amanu vange.

ESEKIELE 37:6

Ndu kapi asipa, ñulisa ositu yene, sitikako lekova, ndu kapi ofela ha vu kala lomuenyo, kuenje vu limbuka okuti ame ndi Ñala Yehova.

YOANO 8:58

Yesu wa popia lavo hati, Ndu sapuili siti, Ocili, ocili, osimbu Avirahama ka citiwile, ame, ame u.

ESITULUILO 1:4

Ame ndi Yoano ndi sonehela akongelo epanduvali a kasi ka Asia. Kokuene ku kale ocali lombembua yi tunda kundeti o kasi, haeye wa kala ale, kuenda iya, haiyo yi tunda kaspiritu epanduvali a kasi kovaso yocalo caye,

RUTI 1:20

Kuenje eye wa popia lavo hati, Ko ka nukuli vali Naomi yokuti Esanju, nukuli Mara yokuti Cilula momo Tõlo wa ndingila evi vi lula enene.