ETUNDILO 6:1 - Embimbiliya - Bíblia Sagrada em Umbundu

¹ Yehova yu wa popia la Mose hati, Kaliye o mõla eci ndinga ku Fareo; momo o sĩlĩhiwa oku va eca loku va tundisa longusu vofeka yaye.

ETUNDILO 6:1 Iomraidhean Croise

II OLOSOMA 7:19

Kesongo puãi wa tambulula omunu wa Suku hati, Elo, ndaño Muẽle Yehova wa tuiyile olonjanela kilu, ocina eci nda ci tẽliwa hẽ? Elisia hati, Tala, o ci mõla lovaso ove puãi ku liko.

II OLOSOMA 7:2

Kesongo una Soma a kunamelele kokuoko kuaye, wa kumbulula omunu wa Suku hati, Elo! Ndaño Muẽle Yehova wa tuiyile olonjanela kilu, ocina eci nda ci teliwa hẽ? Elisia hati, Tala, o ci mõla lovaso ove puãi ku liko.

II ASAPULO 20:17

Vocilunga eci, heneko vu kuete oku yaka. Kuendiko, ka talameli ño ha vu mõli ndomo Yehova u popeli, ove a Yuda, love a Yerusalãi. Ko ka saluki, ko ka yokoki ño! Hela va tundili, momo Yehova o kala lene.

OLOSAMO 12:5

Omo olosuke vi pundiwa lolohukui vi litetela oco cilo ñatuka. Ndu kapa oko kua koka haiko ku livela utima wange. Oco ca popia Yehova.

OLOSAMO 12:6

Olohuminyo via Yehova viocili. Via soka ndopalata ya yenguluiwa vofolono yi kasi posi, haiyo ya yenguluiwa olonjanja epanduvali.

OLOSAMO 136:12

leka lia pama, lokuokuo kuoloha, momo ohenda yaye ka yi pui.

OLOSAMO 89:13

O kasi lokuokuo kua pama. Eka liove lia kola, eka liove liondio lia kemãla.

ETUNDILO 11:1

Yehova wa popia la Mose hati, Mbandekako vali eyambulo limosi ku Fareo loku egito, noke o weci ho tundiko. Eteke a weci u tundisi vosi olumue.

ETUNDILO 12:31

Oco wa kovonga Mose la Arone uteke, wa linga hati, Votoki! Tundi vofeka yange, lene la va Isareli. Kuendi, ka fendeli Yehova ndeci wa popia.

ETUNDILO 12:33

Va Egito lavovo va vetiya ca lua omanu vaco okuti va tunda lonjanga vofeka, omo va linga vati, Vosi tua fa ale.

ETUNDILO 12:39

Va yoka akende ka a kuete etumbisa, ombolo yina yowisu va tunda layo ke Egito. Ka ya kaile letumbisa omo va tundisua lonjanga ve Egito. Oku talamẽla ka ca tavele. Kuenje ka vangiliyile okulia.

ETUNDILO 13:14

Noke kovaso, eci omõla a pula hati, Eci ca lomboloka ndati? ove unjali u lomboluila huti, Yehova wa tupa ve Egito, vonjo yupika, leka lia pama.

ETUNDILO 13:16

Ci linga ndondimbukiso yopeka liove pamue ndonjivaluko yokocipala cove. Momo Yehova wa tu upa ve Egito leka lia pama.

ETUNDILO 13:3

Mose yu wa popia lomanu vaco hati, Ivaloki eteke lietaili omo olio eteke wa tundi vofeka ye Egito, vonjo yupika, momo Yehova wo wupimo longusu yeka liaye. Ka ci tava oku lia ombolo yi kuete etumbisa.

ETUNDILO 13:9

Cu lingili ndondimbukiso yopeka pamue ndonjivaluko yokocipala, okuti ocihandeleko ca Yehova ci kala vovimẽla viene. Omo Yehova wo wupili ve Egito leka lia pama.

ETUNDILO 14:13

Mose yu wa popia lomanu hati, Ko ka yokoki. Kolisiko, oco vu mõla eyovo lia Yehova lina a ko muisa etaili. Momo va Egito vu lete etaili, lalimue eteke vu va mõla vali.

ETUNDILO 15:6

Ondio yove, a Yehova, yi kemãlẽla ongusu. Ondio yove, a Yehova, yi sãsõla unyali.

ETUNDILO 7:4

haimo Fareo ko yevi. Oco kotembo yaco ame muẽle ñapa ke Egito eka liange. Njupa vofeka ye Egito olohoka viange okuti omanu vange va Isareli, ndi vopa muẽle lolonimbu via tua.

ETUNDILO 7:5

Kuenje eteke ngoluĩla eka liange ke Egito si upi va Isareli pokati kavo, oco va Egito va limbuka okuti ame muẽle Yehova.

ISAYA 63:12

O kasi pi U wa endisila okuokuo kuaye kua kemãla kondio ya Mose? O kasi pi U wa va tepela ovava ha lisowila onduko ka yi pui?

ATENDELO 11:23

Oco Yehova wa popia la Mose hati, Eka lia Yehova nga lia linga limbumbũlu? Kaliye o mõla ondaka yange nda yi lingiwa nda ndati.

ATENDELO 23:23

Va Yakoba ka va taha taha. Va Isareli ka va imbi ovaso kovimbanda. Eci Suku a linga ci sapuiwa ku va Yakoba, ci situluiwa ku va Isareli.

OVILINGA 13:17

Suku yomanu ava va Isareli wa nola olosekulu vietu, yu wa kemainyaisa omanu vaco osimbu va kala ve Egito, kuenje wa va tundisa ve Egito lokuokuo kua kola.

ESINUMUĨLO 32:39

Oco cilo limbuki okuti Ame, Ame muẽle, Suku yocili. Ka kuli Suku yikuavo te ame. Ame njipaya, haime ngeca omuenyo. Ame ndi tota, haime sakula. Lomue o tẽla oku popela omunu peka liange.

ESINUMUĨLO 4:34

Kuli hẽ osuku yimue ya la seteka oku enda oku ka liupila epata vokati kepata likuavo ndeci Yehova Suku yene a linga? Ene muẽle wa moli lovaso ene ndeci Yehova a enda ke Egito kuenje wo wupilili lohali kuenda ovindekaise lovikomo lovita kuenda eka lia pama lokuokuo kuolõha levi vi yokokisa.