ETUNDILO 5:8 - Embimbiliya - Bíblia Sagrada em Umbundu

⁸ Oseo yolondopi va yi tunga tungale haiyo vu va silĩha. Ko ka tepululi lanaito. Omo va kasi lowesi oco va vilikiyila vati, Tu enda, tu ka lumbila Suku yetu ovilumba.

ETUNDILO 5:8 Iomraidhean Croise

OLOSAMO 106:41

Wa va eca povaka a vakualofeka, okuti ava va va suvuka ovo va va viala.

ETUNDILO 1:11

Oco va va kapela asongui oku va yambula lupange. Kuenje va tungila Ramesese.

ETUNDILO 5:17

Fareo puãi wa linga hati, Ene wakuawesi, wakuawesi muẽle, oco wa lingili hoti, Tu enda, tu ka lumbila Yehova ovilumba.

ETUNDILO 5:19

Va Isareli vaco, vana va noliwa oku endisa upange, va mõla okuti ongongo ya va sanga eci va popia vati, Oseo yolondopi yeteke haiyo.

ETUNDILO 5:7

Ko ka eci vali owangu komanu ha va tungi lawo olondopi ndomo muãle. Va ende, va ka likeluile ovo muẽle owangu.

ETUNDILO 5:9

Alume va ihiwe upange wa velapo, wale u sule, oco va talavaye muẽle, oku tava kolondaka viesanda hacoko.