ETUNDILO 4:2 - Embimbiliya - Bíblia Sagrada em Umbundu

² Yehova wo pula hati, Nye oco o kasi laco peka liove? Eye hati, Ombueti.

ETUNDILO 4:2 Iomraidhean Croise

EFETIKILO 30:37

Yakoba yu wa liangiliyila ovisiota vitalala vioviti vialamu levi viavelera levi via platanu, wa suvako ovinondolo vi yela, ha mõlehisa ci yela pokati kovisiota.

II OLOSOMA 4:2

Elisia wa popia laye hati, Hu lingila nye? Sapuileko, o kuete nye vonjo? Eye hati, Omõlove lacimue a kuete vonjo, te lika ombia yulela.

OLOSAMO 110:2

Yehova o tuma epangati liunene wove li tunda ko Siono. Viala muẽle pokati kovanyali vove.

ETUNDILO 4:17

Ove wambata peka ombueti kuenje o linga layo olondimbukiso.

ETUNDILO 4:20

Oco Mose wa enda lukãi waye lomãla, wa va endisila kocimbulu, wa tiukila kofeka ye Egito kuenje Mose wambata peka liaye ombueti ya Suku.

ETUNDILO 7:15

Kuende ku Fareo omẽle eci a enda kovava. Talama kekulo liolui oku tokeka laye. Ombueti ya pongolokele onyõha yambata peka liove.

ETUNDILO 7:9

Eci Fareo a popia lene hati, Tu lekisi cimue cocikomo oco ondaka yene yi linge yocili, ove ove o popia la Arone huti, Yelula ombueti yove, yimba posi kovaso a Fareo, oco yi linge onyõha.

ISAYA 11:4

puãi o tetuluila olosuke lesunga, kuenje o tetela omanu vaño voluali olonimbu via sunguluka. O veta oluali lohunya yomẽla waye, kuenje ipa vakuevĩho lofela yovomẽla waye.

OVISILA 27:32

Onepa yosi yekui yolongombe leyi yolomeme pamue olohombo, viosi vi pita pita vemẽhi liohunya, onepa yavio yekui yi kola ya Yehova.

MIKA 7:14

Omanu vove, haivo ocunda cocipiñalo cove, va songuila lombueti yove. Cilo va litungila vesisi vokati kofeka yovaima; veye, va lile vo Basiane lovo Gileada ndeci cosiahũlu.